Wuj Richin ri Rutikeribel 41:32 - Kaqchiquel Bible

³² Y re ka'i' achik' re xaben, re' kan nel chi tzij chi ri Dios kan xtuben-wi y kan chi'anin yan xtibanatej.

Wuj Richin ri Rutikeribel 41:32 ပူးပေါင်းရင်းမြစ်များ

Wuj Richin ri Q'axanri'il 23:19

Ri Dios man junan ta rubanik rik'in jun achin y nutz'uk ta tzij, rija' man wineq ta richin chi nujel ruch'obonik. Ronojel ri nusuj rija', kan nuben-wi. Toq nich'on k'a rija', kan nibanatej-wi.

2 Corintios 13:1

Y jare' ri rox bey ri xkinapon chila' iwik'in. Xtiqachojmirisaj k'a ronojel xa rik'in ta e ka'i' o e oxi' xkebin ri kitz'eton chikij chikijujunal ri e qajineq pa mak.

San Mateo 24:35

Re ruwach'ulew y ri kaj kan richin-wi yek'is. Jak'a ri nuch'abel man xtik'is ta choj keri'.

Apocalipsis 9:15

Y keri' xebesol k'a kan ri kaji' ángel, richin yekikamisaj winaqi'. Ri kaji' ángel ri' kan e chojmirisan chik richin yebe, ri hora, ri q'ij, ri ik' y ri juna'. Y xkekikamisaj jun chire ri oxi' chike ri winaqi' ri k'a ek'o na chuwech ri ruwach'ulew.

1 Corintios 2:9

Kan achi'el ri tz'ibatel kan toq nubij:*f5* Man jun k'a tz'eteyon, ni ak'axayon ri xtibanatej. Man jun ch'oboyon ta juba' pa ruwi' ri xtuya' ri Dios chike ri ye'ajowan richin, nicha'.

Marcos 10:40

Jak'a ri nik'utuj chuwe chi jun nitz'uye' pa wijkiq'a' y jun ri nitz'uye' pa wajxokon, ri' man pa nuq'a' ta yin k'o-wi richin chi ninya' chiwe. Roma ri nik'utuj rix, ri' xa pa ruq'a' chik ri Dios k'o-wi, xcha' ri Jesús.

San Mateo 25:41

Y jari' chuqa' toq yin xtinbij chike ri ek'o pa wajxokon: Rix xa ruk'ayewal ri iwoyoben chi niqaqa pan iwi'. Kixel k'a el chinuwech y kixbiyin pa q'aq' ri man jun bey xtichup, ri banon richin ri Itzel-Wineq y ri e ru-ángel.

San Mateo 25:34

Y jari' k'a toq yin ri in rey xtinbij chike ri ek'o pa wijkiq'a': Kixanpe k'a rix, ri ik'ulun chik ri rutzil ri nata' Dios; kixk'oje' k'a pan ajawaren ri kan iwichin wi rix toq rubanon pa rutikeribel richin re ruwach'ulew.

Wuj Richin ri Isaías 30:33

Kan k'o yan chik pe q'ij naban-pe pa ruwi' ri rey richin Asiria, ri akuchi xtik'at-wi. Ri akuchi niya'ox-wi ri q'aq' janila nim ruwech y kan janila nim rupan; y kan janila k'iy si' ukusan chire. Y kan ja ri Jehová ri xtiya'on ruq'aq'al achi'el nibiyin ri chuwilej-abej.

Wuj Richin ri Rutikeribel 37:9

Y xuben chik k'a jun achik', y kan xutzijoj chuqa' chike ri rach'alal, y xubij: Yin kan xinben chik k'a jun achik', kan xinwachik'aj chi ri q'ij, ri ik', y julajuj ch'umila' nikiqasaj-ki' chinuwech, xcha'.

Wuj Richin ri Rutikeribel 37:7

K'o jun q'ij yojq'aton trigo pa juyu', y ri boraj wichin yin xpa'e-el, y ri boraj iwichin rix ri ek'o chuchi' ri wichin yin, nikiqasaj-ki' chuwech ri wichin yin, xcha'.

Wuj Richin ri Rutikeribel 41:25

Kan jari' toq ri José xubij chire ri rey: Ri e ka'i' awachik' ri xe'aben, xa jun k'a ri ye'el wi chi tzij. Ri Dios xuk'ut yan chawech ri achike ri nrajo' chi nik'uluwachitej chupan ri q'ij ri e peteneq.

Wuj Richin ri Rutikeribel 41:28

Kan achi'el k'a re xinbij chawe rat rey, kan jari' ri xuq'alajirisaj yan ri Dios chawech rat ri achike ri nrajo' chi nik'uluwachitej.

Wuj Richin ri Rutikeribel 41:31

Y roma kan janila nim re wayjal re', kan man jun chik retal xtik'oje' kan chire toq pa ruk'iyal xwachin ri tiko'n.

Dn 2:45

Xatz'et k'a ri abej ri xchoy-pe, jak'a man xchoy ta pe roma jun wineq. Ri abej ri' xbe'el-pe chuwech juyu', ri nibolqo't peteneq y xuwulaj chijun ri wachibel, y xuben poqolaj chire ri q'eqapueq, ri q'enq'oj-pueq, ri xeq-ulew, ri saqipueq y ri q'anapueq; ronojel re' xaxe k'a chi xuk'ut chawech ri nimalej Dios ri xtik'uluwachitej ri chiqawech-apo. Re achik' re' kan qitzij y ri nel chi tzij kan keri' k'a xtibanatej, xcha' ri Daniel.