Wuj Richin ri Rutikeribel 41:28 - Kaqchiquel Bible

²⁸ Kan achi'el k'a re xinbij chawe rat rey, kan jari' ri xuq'alajirisaj yan ri Dios chawech rat ri achike ri nrajo' chi nik'uluwachitej.

Wuj Richin ri Rutikeribel 41:28 ပူးပေါင်းရင်းမြစ်များ

Wuj Richin ri Rutikeribel 41:25

Kan jari' toq ri José xubij chire ri rey: Ri e ka'i' awachik' ri xe'aben, xa jun k'a ri ye'el wi chi tzij. Ri Dios xuk'ut yan chawech ri achike ri nrajo' chi nik'uluwachitej chupan ri q'ij ri e peteneq.

Wuj Richin ri Rutikeribel 41:16

Y ri José xubij k'a chire ri rey: Man wik'in ta k'a yin k'o-wi richin ninbij ri achike yek'ulun-wi chi tzij ri achik', xa kan xaxe k'a ri Dios xtik'uluban-pe awichin, richin nuk'en-pe utzil pan awi', xcha' ri José chire ri rey.

Wuj Richin ri Rutikeribel 41:32

Y re ka'i' achik' re xaben, re' kan nel chi tzij chi ri Dios kan xtuben-wi y kan chi'anin yan xtibanatej.

Dn 2:45

Xatz'et k'a ri abej ri xchoy-pe, jak'a man xchoy ta pe roma jun wineq. Ri abej ri' xbe'el-pe chuwech juyu', ri nibolqo't peteneq y xuwulaj chijun ri wachibel, y xuben poqolaj chire ri q'eqapueq, ri q'enq'oj-pueq, ri xeq-ulew, ri saqipueq y ri q'anapueq; ronojel re' xaxe k'a chi xuk'ut chawech ri nimalej Dios ri xtik'uluwachitej ri chiqawech-apo. Re achik' re' kan qitzij y ri nel chi tzij kan keri' k'a xtibanatej, xcha' ri Daniel.

Wuj Richin ri Rutikeribel 40:12

Y ri José xubij k'a chire: Ri awachik' kere' nik'ulun chi tzij: Ri oxi' ruq'a' nel chi tzij oxi' q'ij.