Wuj Richin ri Rutikeribel 41:16 - Kaqchiquel Bible

¹⁶ Y ri José xubij k'a chire ri rey: Man wik'in ta k'a yin k'o-wi richin ninbij ri achike yek'ulun-wi chi tzij ri achik', xa kan xaxe k'a ri Dios xtik'uluban-pe awichin, richin nuk'en-pe utzil pan awi', xcha' ri José chire ri rey.

Wuj Richin ri Rutikeribel 41:16 ပူးပေါင်းရင်းမြစ်များ

2 Corintios 3:5

Man niqabij ta chi roma roj k'iy yojtikir niqaben, man keri' ta. Jak'a roma ri Dios kan nuya' quchuq'a' chubanik.

Wuj Richin ri Rutikeribel 40:8

Y rije' xkibij chire: Chiqajujunal roj k'o jun qachik' ri xqaben y man jun ri k'o wawe' chiqakojol ri nitikir ta nibin chiqe achike yek'ulun-wi, xecha' chire ri José. K'ari' ri José xubij chike: Xaxe ri Dios ri nitikir niq'alajirisan ri achik', titzijoj k'a chuwe ri xiwachik'aj, xcha' chike.

Dn 2:47

Y xubij k'a chire ri Daniel: Wakami kan ninimaj chi ri i-Dios rix kan jari' ri Dios pa kiwi' konojel ri ch'aqa' chik dios. Rija' kan ajaw pa kiwi' konojel ri rey. Kan xaxe rija' ri nitikir niq'alajirisan ronojel ri ewatel, y roma ri' rat kan xatikir xaq'alajirisaj chinuwech re jun achik' re', xcha'.

Hechos 3:12

Toq ri Pedro xerutz'et ri winaqi', xubij k'a chike: Nuwinaq israelita, ¿achike k'a roma toq achi'el nisach ik'u'x roma re xbanatej? ¿Achike roma toq ja roj ri yojitzu'? Man ja ta ri quchuq'a' roj ri xbanon re', y chuqa' man ja ta ri utz ri niqaben chuwech ri Dios ri xbanon.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

1 Corintios 15:10

Jak'a ri Dios xuya' ri rutzil chuwe, y ri' xuben chuwe chi xjalatej ri nuk'aslen. Yin más yan chik k'a in samajineq-pe ke chikiwech ri ch'aqa' chik ri e taqon roma ri Cristo. Jak'a man ninbij ta chi ja yin xibanon ri samaj, man keri' ta; xa kan ja ri rutzil ri Dios ri xbanon.

Hechos 3:7

Y ri Pedro xuchop k'a ri rijkiq'a' ri achin richin xpa'e'. Y kan jari' k'a xchojmir. Ri raqen xek'oje' k'a el kuchuq'a' y keri' chuqa' ri ruqul taq raqen.

San Lucas 19:42

Xubij k'a: Rix ri ixk'o pa Jerusalem, stape' k'a ja ta re q'ij re' niq'ax ta chiwech ri achike niya'on uxlanen ri pa taq iwánima. Jak'a xa ewan kan chiwech.

Dn 4:2

Kan ruk'amon-wi k'a chi yin ninq'alajirisaj chiwech ri nima'q taq banobel ri rubanon ri nimalej Dios wik'in.

2 Rey 6:27

Y ri rey xubij: Wi ri Jehová man yaruto' ta, ¿achoq ik'in ta k'a xkatinto-wi yin? ¿Xkibe ta k'a ri akuchi nich'ay-wi ri trigo, o ri akuchi niyitz'-wi ri uva?, xcha'.

Wuj Richin ri Rutikeribel 37:14

Y rija' xubij chire: Kabiyin wakami, ja ke'abetz'eta' kan achike kibanon ri animal, y achike kibanon ri karne'l. Nak'en-pe ri rutzijol chuwe, xcha'. Xel k'a el ri José pa ruwa-taq'aj richin Hebrón, y xapon k'a pa Siquem,

Wuj Richin ri Rutikeribel 41:17

K'ari' ri rey xutzijoj ri rachik' chire ri José y xubij: Xinwachik'aj chi yin ink'o chuchi' ri nimalej raqen-ya' Nilo.

Wuj Richin ri Rutikeribel 41:25

Kan jari' toq ri José xubij chire ri rey: Ri e ka'i' awachik' ri xe'aben, xa jun k'a ri ye'el wi chi tzij. Ri Dios xuk'ut yan chawech ri achike ri nrajo' chi nik'uluwachitej chupan ri q'ij ri e peteneq.

Wuj Richin ri Rutikeribel 41:28

Kan achi'el k'a re xinbij chawe rat rey, kan jari' ri xuq'alajirisaj yan ri Dios chawech rat ri achike ri nrajo' chi nik'uluwachitej.

Deut 29:29

Ronojel ri man tz'etel ta pa ruq'a' ri Dios ek'o-wi, jak'a ronojel ri e q'alajirisan kan, qichin k'a roj y kichin ri qalk'ual, richin jantape' niqataqej ronojel ri ruchojmilal richin re pixa' re'.

Wuj Richin ri Zacarías 4:6

Y ri ángel xubij: re wuqu' candil re', nuk'exewachuj ri runaq' taq ruwech ri Jehová, ri yetzu'un chuwech chijun re ruwach'ulew, xcha' ri ángel. K'ari' yin xink'utuj chik chire ri achike nuk'exewachuj ri ka'i' ruche'el olivo ri ek'o pa rijkiq'a' y pa rajxokon ri candelabro. Chuqa' xink'utuj chik k'a ri nuk'exewachuj ri ka'i' ruq'a' olivo ri ek'o chunaqaj ri ka'i' achi'el tubo banon rik'in q'anapueq ri akuchi niq'ax-wi ri aceite richin napon chupan ri taq candil. Y ri ángel xubij chuwe ¿Man awetaman ta ri nuk'exewachuj? Y yin xinbij chire chi ni. K'ari' xubij chik chuwe: Jare' ri e ka'i' ri e ch'aron richin nikisamajij ri rajaw chijun ri ruwach'ulew, xcha'. Ri ángel kan k'a xch'on na k'a wik'in y xubij: Ri Jehová xuteq-pe re jun rutzijol re' chire ri Zorobabel y nubij: Man takuquba' ak'u'x kik'in ri aj-labal, ni rik'in ri uchuq'a', xa kan takuquba' ak'u'x rik'in ri nu-espíritu nicha' ri Jehová k'iytisanel richin ronojel. ¿Y rat juyu' achike ta k'a aq'ij? ¡Rat xa kan xkatok k'a qa taq'aj chuwech ri Zorobabel! Ja rija' k'a ri xtik'amo-pe ri abej ri más k'atzinel y ri winaqi' xkesik'in rik'in kikoten y xtikibij chi janila jebel ok. Chirij ri', ri Jehová xuya' chik jun rutzijol chuwe richin ninbij chire ri Zorobabel y xubij: Ja ri Zorobabel ri xya'on-qa ri ruxe' ri wachoch, y ja rija' ri xtik'ison pa ruwi'. Rik'in ri' xtiwetamaj chi ja ri Jehová ri xitaqon-pe. Y ri jujun ri man xkinimaj ta toq xchapatej-qa ri samaj, y man jun rejqalen xkiben chire xa kan xkekikot k'a toq xtikitz'et chi ri Zorobabel xtik'achoj-q'anej chire ri samaj.