Wuj Richin ri Rutikeribel 40:19 - Kaqchiquel Bible

¹⁹ Pan oxi' q'ij apo ri rey xkaroyoj y xtrelesaj ajolon y k'ari' xkarutzeqeba' chutza'n jun che', y xkepe k'a ri aj-xik' taq chikopi' xtokitija-el ri ach'akul, xcha' chire.

Wuj Richin ri Rutikeribel 40:19 ပူးပေါင်းရင်းမြစ်များ

Wuj Richin ri Rutikeribel 40:22

Jak'a rik'in ri aj-raqen kichin ri yebanon kaxlan-wey, kan xbanatej achi'el ri xuq'alajirisaj ri José chire; kan xtzeqebex richin xjitz' chuqul.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Hechos 20:27

Roma kan man jun ri xinwewaj, y man ta xinbij chiwe; xa kan ronojel ri ruch'obon ri Dios pa qawi' roj winaqi' xinbij chiwe.

Ez 39:4

richin rat kan xkaken k'a pa taq juyu' richin ri ruwach'ulew Israel y chuqa' ri aj-labal ri e awachibilan-pe, junan kik'in ri winaqi' ri kibanon tununri'il awik'in. Y ri ich'akul kan xke'ok kiway ronojel kiwech aj-xik' taq chikopi' ri nikitej ti'ij y xke'ok chuqa' kiway konojel k'uxunela' taq chikopi'.

Wuj Richin Etamabel-Tzij 30:17

Ri wineq ri kan nuk'ut rik'in ri runaq' taq ruwech, chi xa nretzelaj ri rutata' y xa man niqa' ta chuwech nunimaj rutzij ri rute'; xa tuk'uex ri pa taq siwan, ri kojol juyu'; ke'elesex ri runaq' taq ruwech koma ri qo'ch y titij ri ruch'akul koma ri alaji' taq kot.

2 Sam 21:10

Jak'a ri Rispá xberuk'ama-pe jun tzieq richin bis y xuya' pa ruwi' jun nimalej abej ri k'o chiri' richin xk'oje' rija' pa ruwi'. Rija' xk'oje' chiri' toq xtiker-pe ri q'atoj richin ri cebada k'a toq xqaqa na ri job.*f8* Y kan man xuya' ta q'ij chi ri aj-xik' taq chikopi' yekitej ta ri ch'akulaj ri paq'ij, ni man xuya' ta q'ij richin chi ri k'uxunela' taq chikopi' yekitej ta ri ch'akulaj ri chaq'a'.

2 Sam 21:6

Jak'a re wakami wi rat qitzij chi nawajo' yojato', ke'ajacha' k'a pe chiqe e wuqu' chike ri e rijatzul kan ri Saúl, ri xcha'ox roma ri Jehová, richin xkeqatzeqeba' chuwech ri Jehová chiri' pa Guibeá ri rutinamit ri Saúl, xecha'. Y ri David xubij chi kan xkerujech k'a chike.

1 Sam 17:46

Y chupan re q'ij re' rija' xkarujech pa nuq'a'. Xtintzak'ij la ajolon. Chuqa' chupan re q'ij re' ri kich'akul konojel ri awinaq xtinya' chikiwech k'ucha', y chikiwech k'uxunela' taq chikopi', richin keri' konojel k'a ri ruwach'ulew tiketamaj chi k'o jun k'aslik Dios chiqakojol roj.

1 Sam 17:44

Y chuqa' xubij: Kajel k'a pe wik'in. La ach'akul la' xtinya' chikiwech k'ucha' y chikiwech k'uxunela' taq chikopi', xcha'.

Wuj Richin ri Josúe 10:26

Chirij ri' ri Josué y ri achi'a' xekikamisaj ri e wo'o' rey ri' y k'ari' xekikanoj wo'o' che', y ri kich'akul xetzeqebex chike ri che' ri' y chiri' xek'oje-wi, k'a toq xqaqa na qa ri q'ij.

Wuj Richin ri Josúe 8:29

Y ri rey richin ri Ai, xtzeqebex chire ruq'a' jun che' k'a toq xqaq'ij na qa. K'ari' ri Josué xubij chi tiqasex ri ruch'akul, y tikiya-el chuchi' ri tinamit, y chiri' xkimol kan jun molaj abej pa ruwi', y kan k'o chiri' k'a re wakami.

Wuj Richin ri Rutikeribel 41:13

Y kan achi'el ri xuq'alajirisaj rija' chiqe chiqajujunal kan keri' k'a xk'uluwachitej. Yin xinawoyoj chik chupan ri nusamaj y ri wachibil xateq rutzeqebaxik, xcha' ri samajel.

Wuj Richin ri Rutikeribel 40:17

Chupan ri jun chakech ri k'o-q'anej nabey ek'o k'a jalajoj ruwech kaxlan-wey ri richin ri rey, jak'a ri aj-xik' taq chikopi' xepe richin xokitija-el.

Wuj Richin ri Rutikeribel 40:13

Pan oxi' q'ij apo ri rey xkaroyoj chik y xkatapon chik jun bey chupan ri ak'ojlen y xtaya' chik apo ri vino chire ri rey, achi'el ri abanon-pe toq xasamej pa nabey.

Wuj Richin ri Rutikeribel 40:18

Y ri José xubij k'a chire: Ri awachik' kere' ri nik'ulun-wi chi tzij: Ri oxi' chakech nel chi tzij chi oxi' q'ij.

Wuj Richin ri Rutikeribel 40:20

Y pa rox q'ij, ri rey xtz'aqet chik k'a jun rujuna' y rija' xuben jun nimalej wa'in kichin konojel ri rusamajela' ri nima'q kiq'ij. Chikiwech k'a konojel ri e royon toq xuteq kik'amik ri e ka'i' aj-raqen ri', ri e tz'apel pa cárcel.