Wuj Richin ri Rutikeribel 4:9 - Kaqchiquel Bible

⁹ Y ri Jehová xubij chire ri Caín: ¿Akuchi k'o-wi ri achaq' Abel?, xcha'. Y rija' xubij: Man wetaman ta. ¿Yin kami in chajiy richin ri nuchaq'?, xcha'.

Wuj Richin ri Rutikeribel 4:9 ပူးပေါင်းရင်းမြစ်များ

Wuj Richin ri Rutikeribel 37:26

Y jari' toq ri Judá xubij chike ri rach'alal: ¿Achike nuk'en-pe chiqe richin niqakamisaj ri qachaq' y niqewaj ri rubanik ri rukamik?

Wuj Richin ri Rutikeribel 37:32

Y xeri' xkik'uaj ri rutziaq chire ri kitata' y xkibij chire: Re tzieq re' xqil pa juyu'; tatz'eta' na k'a wi jare' o man jare' ta ri tzieq aya'on chire ri ak'ajol, xecha'.

Wuj Richin ri Rutikeribel 4:10

Y ri Jehová xubij chire: ¿Achike xaben? Roma ri rukik'el ri achaq' ri xbiyin chuwech re ruwach'ulew, achi'el xa ta nich'on-pe wik'in richin nuk'utuj rutojbalil pan awi'.

Wuj Richin Bix Chire ri Dios 9:12

Ri Dios kan ye'oqaqa chuk'u'x ri ek'o pa tijoj-poqonal y nrak'axaj ri kich'owen; y kan nuya' k'a rutojbalil chike ri kamisanela'.

Wuj Richin Bix Chire ri Dios 9:13

Tabana' utzil Jehová tajoyowaj nuwech yin; tatzu' re q'axo'n re nink'owisaj koma ri ye'etzelan wichin, kan kinakolo' k'a chuwech ri kamik,

Wuj Richin Etamabel-Tzij 28:13

Ri man yeruq'alajirisaj ta ri itzel taq rubanobal ri yeruben, xa ronojel itzel ye'el chuwech; jak'a ri yeruq'alajirisaj y nuya' kan rubanik, kan xtril kuyubel rumak.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.