Wuj Richin ri Rutikeribel 4:6 - Kaqchiquel Bible

⁶ K'ari' ri Jehová xubij chire ri Caín: ¿Achike roma janila xpe awoyowal y kan xjalatej la awech?

Wuj Richin ri Rutikeribel 4:6 ပူးပေါင်းရင်းမြစ်များ

Wuj Richin ri Isaías 1:18

Kixanpe richin yojch'on pa ruwi' re': Stape' ri ik'aslen man ch'ajch'oj ta achi'el jun tz'il laj tzieq, yin kan xtinben seq-seq chire achi'el ri chuma-tew. Stape' ri imak kan xujel ri ik'aslen achi'el jun seq tzieq xok keq, yin kan xtinben chik seq chire achi'el ri lana seq.

Wuj Richin ri Achin Job 5:2

Kan qitzij na wi chi ri chi'anin niyakatej royowal jari' ri nikamisan-el richin, y ri k'o rayinik rik'in jari' chuqa' ri nikamisan-el richin.

San Mateo 20:15

Roma ronojel ri k'o wik'in yin, kan pa nuq'a' k'a yin k'o-wi richin ninben achike ri ninwajo' ninben rik'in. Rat xa itzel nana' chike rije' toq yin xa ja ri utz ninben, xcha'.

Wuj Richin ri Jeremías 2:31

Rix winaqi' ri ix richin re sol winaqi' re'; tiya' jebel ixikin chire ri nuch'abel. ¿Man jun kami nuya'on chiwe rix? o ¿Man jun kami nuq'alajirisan chiwech? Nutinamit yin, ¿achike k'a roma nibij chi rix ix totajineq chuwech ronojel y man jun bey chik xkixtzolin wik'in?

Wuj Richin ri Jeremías 2:5

¿Achike ta k'a ri man utz ta xkitz'et chuwij ri ite-itata' richin xinkimalij kan? ¿Achike kami roma xa xekitzeqelibej ch'aqa' chik dios ri xa man jun kejqalen y kiyon rije' xkiben-qa chi maneq chuqa' kejqalen?

Wuj Richin ri Jonás 4:4

Jak'a ri Jehová xubij chire: ¿Kan ruk'amon kami chi nipe awoyowal roma re'?, xcha'.

Wuj Richin ri Rutikeribel 4:7

Roma toq ja ri utz ri naben, nak'ul ri aq'ij; ja wi xa ja ri itzel ri naben, ri mak kan at ruq'eleben k'a y nrajo' yaruchop. Jak'a rat k'o chi yach'akon chirij, xcha'.

Wuj Richin ri Jonás 4:9

Jak'a ri Dios xubij chire ri Jonás: ¿Kan ruk'amon kami chi nipe awoyowal roma re ti che' xken-qa?, xcha'. Y ri Jonás xubij: Ja', kan ruk'amon chi nipe woyowal, roma ri' ninrayij yiken, xcha'.