Wuj Richin ri Rutikeribel 4:4 - Kaqchiquel Bible

⁴ Y keri' chuqa' xuben ri Abel, xuk'en-pe jun sipanik: Xuk'en-pe kiq'anal jujun chike ri awej ri e rutikon, ri e nabey taq al. Y ri Jehová xqa' chuwech ri Abel y kan janila xuk'awomaj ri rusipanik.

Wuj Richin ri Rutikeribel 4:4 ပူးပေါင်းရင်းမြစ်များ

Wuj Richin ri Rutikeribel 15:17

Jak'a toq qajineq chik ri q'ij y chaq'a' chik, ri Abram xutz'et k'a jun achi'el bojo'y, ri nel-pe sib y ruxaq q'aq' chupan y niq'axyaj k'a chikikojol ri chikopi' ri e elesan pa taq nik'ajta'q.

Wuj Richin ri Rutikeribel 4:3

Y q'axineq chik k'a k'iy juna', ri Caín xuk'en-pe juba' chire ri ruwech ri rutiko'n richin jun sipanik chire ri Jehová.

1 Rey 18:24

K'ari' rije' ri yesamajin kichin ri Baal xtikik'utuj to'onik chike ri ki-dios, y yin chuqa' xtink'utuj to'onik chire ri Jehová. Y ri Dios ri xtitaqon-pe q'aq' pa ruwi' ri porobel, jari' ri qitzij Dios, xcha' ri Elías. Y konojel ri winaqi' xkibij chi kan utz ri xubij.

1 Rey 18:38

Y kan jari' ri q'aq' richin ri Jehová xqaqa-pe chila' chikaj, y ri q'aq' ri' xuk'is ri chikop y ri si', ri abej, ri ulew ri akuchi k'o-wi ri porobel, y kan xuk'is ronojel ri ya' ri k'o chupan ri jul.

1 Crón 21:26

Y ri David xupaba-q'anej jun porobel richin ri Jehová, y xerusuj chikopi' ri yeporox chijun, y xusuj sipanik richin nuq'alajirisaj chi junan ruwech rik'in ri Dios. Xeri' xch'on rik'in ri Jehová, y ri Dios xuk'uluba-pe ri ruch'abel rik'in q'aq'. Y ri q'aq' ri' peteneq chila' chikaj, y xqaqa pa ruwi' ri porobel.

2 Crón 7:1

Toq ri Salomón xtane-qa chire ri ruch'owen rik'in ri Jehová, xbeqaqa-pe q'aq' chila' chikaj y xuk'is ri kamelabel y konojel ri chikopi' ri e ya'on pa ruwi' ri porobel, y ri ruq'ij-ruk'ojlen ri Jehová xunojisaj ri rachoch,

Wuj Richin Bix Chire ri Dios 20:3

Kan xtoqaqa ta k'a chuk'u'x ri asipanik ri aya'on chire y ruk'awoman ta k'a ri poron chikop ri asujun chuwech.

Ex 13:12

jari' toq xkeqaya' chire ri Jehová ri e nabey taq qak'ajol y chuqa' ri e nabey taq kal ri qawej, ri e achija'.

Wuj Richin Etamabel-Tzij 3:9

Rat kan taya' k'a ruq'ij ri Jehová rik'in ri abeyomel, kan taya' k'a ruq'ij rija' rik'in ri nabey taq ruwech ri atiko'n

Wuj Richin ri Molojri'il 4:4

Chuqa' xintz'et chi ri ruk'ayewal ri samaj y ri ch'akoj chupan jun samaj xa nuk'amala-pe ch'upun-k'u'x chiqakojolil, chuqa' re' xa q'axel y xa man tikirel ta nawil ronojel ri nawajo'.

Wuj Richin ri Chojmirisabelri'il 9:24

Y toq xoq'alajin-qa ri ruk'ojlemal ri Jehová kan xorepero' jun q'aq' y xuk'is ri kamelabel ri k'a nik'at na; kan xuk'is k'a ri kiq'anal ri chikopi' ri k'o pa ruwi' ri porobel. Y jari' toq konojel ri winaqi' xkitz'et ri xbanatej, xkireq kichi' roma kikoten y xkiqasaj-ki' k'a pan ulew.

Wuj Richin ri Q'axanri'il 16:15

Y ri Moisés xyakatej janila royowal y roma ri' xubij chire ri Jehová: Man tak'ul ri kisipanik. Rat kan jebel awetaman chi yin man jun bey numajon ta jun ti bur chuwi-kiq'a' y man jun chik ri nubanon ta chike, xcha' chire.

Wuj Richin ri Q'axanri'il 16:35

Y chaq k'ate' k'a xqaqa-pe q'aq' chila' chikaj rik'in ri Jehová y xeruk'is ri e 250 achi'a' ri xesuju pom.

Wuj Richin ri Q'axanri'il 18:12

Kan ronojel k'a chire ri nabey ruwech tiko'n ri nikiya-pe chuwe yin, kan jari' ri xtinya' chuqa' chiwe rix. Ninya' k'a chiwe ri más utz chire ri aceite olivo, ri más utz chire ri ruya'al uva y ri más utz chire ri jalajoj ruwech ixin.

Wuj Richin ri Q'axanri'il 18:17

Jak'a ri nabey taq al kichin ri wákix, ri karne'l y ri tzuntzun, re' man naya' ta q'ij richin chi yekol, roma re' kan e ch'aron richin ye'ok wichin yin. Y ja ri kikik'el ri chikopi' ri xtiya' pa ruwi' ri porobel y xtiporoj chuqa' ronojel ri kiq'anal ri chikopi' ri'. Y re' jare' jun sipanik ri nijubulin chinuwech yin.

Hebreos 11:4

Roma ri kuqubabel-k'u'x, ri Abel xusuj jun kamelabel más utz chire ri Dios ke chuwech ri xusuj ri Caín. Roma ri' man jun rumak xk'ulun chuwech ri Dios y kan xuk'awomaj ri rusipanik. Y stape' ri Abel xken yan, roma ri rukuqubabel-k'u'x ri xk'oje', k'a nich'on na wakami.

Hebreos 9:22

Y chupan ri ruq'ijul ri pixa', jubama ronojel xch'ajch'ojirisex rik'in ri kik'. Kan qitzij chi wi man ta nibiyin kik', man ta nikuyutej ri mak.

Apocalipsis 13:8

Ri chikop ri' xya'ox k'a ruq'ij koma konojel winaqi', ri man tz'ibatel ta pe ri kibi' toq kan k'a man jani k'o ta re ruwach'ulew chupan ri wuj richin k'aslen, ri ruwuj ri Karne'l, ri xkamisex.

Wuj Kichin ri To'onela' 6:21

Ri ángel xuya-apo ri rutza'n ri ruch'ame'y pa ruwi' ri ti'ij y ri kaxlan-wey. Y ri abej ri' kan xel k'a pe q'aq' pa ruwi' y xuk'is ronojel. Chirij ri' ri Gedeón kan man xutz'et ta chik ri ángel.

1 Sam 15:22

Y ri Samuel xubij: Ri Jehová kan más k'a niqa' chuwech chi ninimex ri rutzij. Man ja ta ri naporoj chikop ri niqa' chuwech, Man ja ta ri nasuj kamelabel ri niqa' chuwech. Rija' kan más k'a nikikot rik'in ri niniman-tzij ke chuwech nasuj kamelabel chuwech. Más rejqalen ri nanimaj rutzij ke chuwech ri ruq'anal ri chikop.