Wuj Richin ri Rutikeribel 4:26 - Kaqchiquel Bible

²⁶ Y ri Set chuqa' xek'oje' ralk'ual, y jun chike rije' xubini'aj Enós. Y jari' toq rije' xkichop nikiya' ruq'ij ri Jehová.

Wuj Richin ri Rutikeribel 4:26 ပူးပေါင်းရင်းမြစ်များ

Wuj Richin Bix Chire ri Dios 116:17

Kan xtinsuj jun sipanik richin matioxinik chawe. Jak'a ri abi' rat ri xtinnataj beneq ruwech.

1 Rey 18:24

K'ari' rije' ri yesamajin kichin ri Baal xtikik'utuj to'onik chike ri ki-dios, y yin chuqa' xtink'utuj to'onik chire ri Jehová. Y ri Dios ri xtitaqon-pe q'aq' pa ruwi' ri porobel, jari' ri qitzij Dios, xcha' ri Elías. Y konojel ri winaqi' xkibij chi kan utz ri xubij.

Wuj Richin ri Sofonías 3:9

K'ari' xtinben chike ri tzobaj winaqi' richin ch'aqa' chik ruwach'ulew chi xkech'on wik'in yin, Jehová, y xaxe wik'in yin xkech'on-wi; y konojel xtikinimaj nutzij.

Joel 2:32

Y konojel k'a ri xkek'utun chi ja yin ri xkikolon kichin, kan xkekolotej-wi. Roma ri chiri' pa juyu' Sión y pa tinamit Jerusalem xtibek'oje' kolotajik, roma kan keri' nubin yin y kan e nuch'aron ri xtik'oje' kik'aslen.

Wuj Richin ri Rutikeribel 12:8

K'ari' xbe-el pa taq'aj ri chuwi-juyu', chiri' pa relebel-q'ij pa Betel y chiri' xupaba-q'anej ri rachoch ri banon rik'in tzieq y xuben chikikojol ka'i' tinamit; pa qajbel-q'ij k'o-wi ri Betel, y pa relebel-q'ij k'o-wi ri Ai. Y chiri' xuben-q'anej chuqa' jun porobel richin xuporoj jun kamelabel chuwech ri Jehová y kan xuya' ruq'ij.

San Lucas 3:38

Y ri Cainán ruk'ajol kan jun chik achin rubini'an Enós, y ri Enós ruk'ajol kan ri Set, y ri Set ruk'ajol kan ri Adán, y ri Adán ruk'ajol ri Dios.

Wuj Richin ri Jeremías 33:16

Chupan ri q'ij ri', ri tinamit Judá kan xtijike' y ri winaqi' ri ek'o pa Jerusalem kan xkek'ase' rik'in uxlanibel-k'u'x. Kan ja bi'aj re' ri xtikiya' chire: Ri Jehová jari' Ruchojmilal.

Wuj Richin ri Rutikeribel 26:25

Y chiri' ri Isaac xuben-q'anej jun porobel richin xuya' ruq'ij ri Jehová, y chiri' chuqa' xupaba-q'anej ri rachoch ri banon rik'in tzieq y ri samajela' ri e ximil pa samaj xkik'ot-qa jun chik pozo richin ya'.

1 Corintios 1:2

ninben-el re wuj re' chiwe rix molaj qach'alal ri ixk'o pa tinamit Corinto, ri ix oyon richin yixok loq'olej roma ri rusamaj ri Cristo. Rix wach'alal xixoyox roma ri Dios richin xixch'ajch'ojirisex, achi'el xuben kik'in ri ch'aqa' chik ri nikiya' ruq'ij ri qajaw Jesucristo ri ek'o pa ch'aqa' chik tinamit. Kan ja rija' k'a ri qajaw qonojel roj ri qakuquban qak'u'x rik'in.

Romanos 10:13

Chuqa' chupan ri ruch'abel ri Dios nubij k'a chi konojel k'a ri xkek'utun chi ja ri Dios ri nikolo kichin, kan xkekolotej-wi.*f32*

Hechos 11:26

Chiri' xek'oje-wi jun juna' kik'in ri molaj qach'alal richin xekitijoj janila chi winaqi' rik'in ri ruch'abel ri Dios. Y chiri' pan Antioquía ri nabey xbix nimanela' chike ri e tzeqelibey richin ri Jesucristo.

Hechos 2:21

Konojel k'a ri xkek'utun chi ja yin ri xkikolo kichin, kan xkekolotej-wi, xcha' ri Joel.

Wuj Richin ri Isaías 63:19

Kan qitzij, roj xa qabanon achi'el xa ta man jun bey aq'aton-tzij pa qawi', y achi'el xa ta man jun bey qak'uan ri abi'.

Wuj Richin ri Isaías 48:1

Tiwak'axaj k'a ri nuch'abel yin, rix israelita, rix ri ix rutzobaj kan ri Judá. Rix niya' itzij pa nubi' yin, y chuqa' ninataj ri nubi', yin ri i-Dios. Jak'a xa man qitzij ta niben, ni man niben ta pa ruchojmilal.

Wuj Richin ri Isaías 44:5

Rije' xtikibij chi ri e israelita, kan e wichin yin. Chuqa' xtikitz'ibaj chirij ri kiq'a' ri nubi' yin.