Wuj Richin ri Rutikeribel 4:2 - Kaqchiquel Bible

² Chirij re ak'ual re' xk'oje' chik jun ti ral y xubini'aj Abel y ri rusamaj ri xuben ja ri xerutik karne'l, y ri rusamaj ri Caín ja ri xusamajij ri ulew y xok jun tikonel.

Wuj Richin ri Rutikeribel 4:2 ပူးပေါင်းရင်းမြစ်များ

Wuj Richin ri Rutikeribel 3:23

Roma ri' ri Dios xerelesaj k'a pe chiri' chupan ri qejoj, richin chi ri Adán tusamajij na ri ulew ri achoq ik'in chuqa' banon-wi rija'.

Wuj Richin ri Rutikeribel 37:13

Xeri' ri Israel xubij chire ri José, ri ruk'ajol: Ri awach'alal yeyuq'un k'a pa Siquem. Ninwajo' chi ye'abetz'eta' kan, xcha'. Y rija' xubij: Utz, k'ari' táta yibe, xcha'.

Wuj Richin ri Rutikeribel 4:1

Ri Adán xk'oje' k'a rik'in ri Eva ri rixjayil, y ri Eva xk'oje' k'a jun ti ral ri xubini'aj Caín,*f5* kere' ri bi'aj xuya' chire ri ak'ual roma xubij k'a: Rik'in ri ruto'onik ri Jehová xink'ul jun ti wal ala', xcha'.

Wuj Richin ri Rutikeribel 4:3

Y q'axineq chik k'a k'iy juna', ri Caín xuk'en-pe juba' chire ri ruwech ri rutiko'n richin jun sipanik chire ri Jehová.

Wuj Richin ri Rutikeribel 47:3

Y ri rey xuk'utuj k'a chike chi achike kisamaj rije'. Y rije' kere' k'a xkibij: Qajaw, roj ri asamajela' kan oj yuq'unela' kichin karne'l pa qach'utinal-pe, achi'el ri samaj ri xkiben ri qati't-qamama'.

Wuj Richin ri Rutikeribel 9:20

Y toq q'axineq chik ronojel re', ri Noé roma jun tikonel, xusamajij-qa ri ulew y xerutik-qa uva;

Wuj Richin Bix Chire ri Dios 127:3

Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

Ex 3:1

Toq ri Moisés yeruyuq'uj ri karne'l e richin ri Jetro, ri rujinan, ri sacerdote chuqa' richin Madián, k'o k'a jun q'ij xeruk'uaj-el ri karne'l k'a pa tz'iran ruwach'ulew y xapon k'a chunaqaj ri juyu' richin ri Dios ri rubini'an Horeb.*f2*

Am 7:15

Jak'a ri Jehová xirelesaj-pe chupan ri samaj ri', y xubij chuwe chi kibe y kibech'on pa rubi' rija' chiwe rix.

San Lucas 11:50

Ri Dios xuben keri' richin pan iwi' rix ri ixk'o wakami, xtuya-wi ri kikamik konojel rije', nitiker-pe k'a pa rutikeribel re ruwach'ulew.

San Lucas 11:51

Nitiker-pe rik'in ri rukamik ri Abel*f24* k'a rik'in ri rukamik ri Zacarías,*f25* ri xkamisex chunaqaj ri porobel ri k'o chuwa-rachoch ri Dios. Roma ri' ninbij chiwe, chi ri Dios pan iwi' rix xtuya-wi ri kikamik konojel ri winaqi' ri'.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

1 Juan 3:12

Man tiqaben achi'el xuben ri Caín ojer kan. Rija' kan richin-wi ri Itzel-Wineq y kan xukamisaj ri Abel ri ruchaq'. ¿Y achike k'a roma xukamisaj? Roma ri rubanobal kan e itzel jak'a ri rubanobal ri Abel kan e choj.

1 Juan 3:15

Y ri nretzelaj ri rach'alal xa achi'el jun kamisanel. Y rix iwetaman, chi ri kamisanel maneq ru k'aslen ri man k'isel ta.