Wuj Richin ri Rutikeribel 39:9 - Kaqchiquel Bible

⁹ Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

Wuj Richin ri Rutikeribel 39:9 ပူးပေါင်းရင်းမြစ်များ

Wuj Richin ri Rutikeribel 13:13

Y ri winaqi' ri ek'o chiri' pa Sodoma janila ketzelal y e aj-maki' chuwech ri Jehová.

Wuj Richin ri Rutikeribel 20:3

Y ri Dios xch'on pa rachik' ri Abimélec chupan ri aq'a' ri', y xubij chire: Wakami rat kan k'o chi xkaken roma re jun ixoq re xak'en-qa, xa k'ulan y k'o rachijil, xcha'.

Wuj Richin ri Rutikeribel 20:6

Y ri Dios xch'on k'a rik'in ri Abimélec pa jun chik rachik' y xubij chire: Yin chuqa' wetaman chi rat xaben rik'in ruch'ajch'ojil ri awánima. Roma ri' man xinya' ta q'ij richin xamakun ta chinuwech yin.

Wuj Richin ri Rutikeribel 20:9

K'ari' ri Abimélec xroyoj ri Abraham y xubij chire: ¿Achike k'a ri xawajo' ri xaben ta chiqe? ¿Achike ta k'a itzel banobel ri nubanon chawe richin xak'en-pe re jun nimalej mak re' pa nuwi' y pa kiwi' konojel ri winaqi' ri ek'o chupan re ruwach'ulew re'? Re' kan man utz ta ri xaben wik'in yin.

Wuj Richin ri Rutikeribel 24:2

Y jari' toq xch'on rik'in jun rusamajel ri k'o pa rachoch ri k'o más ruq'ij y ri k'o pa ruwi' ri rubeyomel y xubij chire: Taya-pe la aq'a' chuxe' re wa',

Wuj Richin ri Rutikeribel 39:10

Stape' ri ixoq ri' ronojel k'a q'ij nubochila' ri José richin chi nik'oje' rik'in, y nutej ruq'ij chi nijel-apo chunaqaj, jak'a ri José kan man jun bey ri xrajo' ta.

Wuj Richin ri Rutikeribel 41:40

Wakami k'a, ja rat ri xkaq'aton-tzij chupan re jay richin re nuq'atbel-tzij y konojel nutinamit xtikinimaj atzij. Xaxe yin más k'a nuq'ij chawech rat, roma ja yin ri in rey, xcha'.

Wuj Richin ri Rutikeribel 42:18

y pa rox q'ij ri José xubij chike: Yin tikirel ta yixinkamisaj y roma ninxibij-wi' chuwech ri Dios man ninben ta keri'; roma ri' kan xkixk'ase', xaxe tibana' ri xtinbij chiwe.

2 Sam 11:27

Toq xq'ax yan ri q'ij richin bis, jari' toq ri David xuteq ruk'amik ri Betsabé richin xbek'oje' pa rachoch. Xok k'a rixjayil y xalex jun kalk'ual. Jak'a ri xuben ri David, kan itzel xutz'et ri Jehová.

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

Wuj Richin ri Nehemías 5:15

Jak'a ri e nabey aj-raqen chinuwech yin xekiya' kan pa k'ayew ri tinamit, roma kan q'ij-q'ij xkik'utuj waqlajuj onza saqipueq, y pa ruwi' ri' xkik'utuj kiway y ki-vino. Keri' chuqa' ri kisamajela' kan k'ayew xkiben chike ri qawinaq. Jak'a yin man keri' ta xinben, roma chinuwech yin, ri nu-Dios kan yalan-wi nim y janila rejqalen.

Wuj Richin ri Nehemías 6:11

Y yin kere' xinbij: Jun achin achi'el yin ¿ruk'amon kami chi nanimej? ¿Utz kami chi yin ninkol-el-wi' pa rachoch ri Dios richin ninkol ri nuk'aslen? ¡Ni! Yin man xkinok ta pa rachoch ri Dios, xicha'.

Wuj Richin ri Achin Job 31:23

Yin kan man yitikir ta ninben keri', roma kan k'o xibinri'il richin ri Dios pa nuk'aslen, roma rija' kan nuya-wi ruk'ayewal; kan man jun k'a yitikir ninben chuwech ri nimalej rubanik ri ruchuq'a' ri Dios.

Wuj Richin Bix Chire ri Dios 51:4

Kan chawech k'a rat, kan xaxe k'a chawech rat ximakun. Kan xinben k'a ri man niqa' ta chawech rat. Roma ri' kan choj ri aq'atbel-tzij ri xaya' pa nuwi'. Kan roma k'a ri numak toq naya' ruk'ayewal pa nuwi'.

Ex 20:14

Rix ri ix k'ulan man tikanoj jun chik.

Wuj Richin Etamabel-Tzij 6:29

Y keri' ri nuk'uluwachij jun achin ri nuju' ri' rik'in jun k'ulan ixoq; ri achin ri' kan xtrejqalej-wi k'a ri mak ri'.

Wuj Richin Etamabel-Tzij 6:32

Jak'a ri achin ri nuju-ri' rik'in jun k'ulan ixoq, xa ruyon rija' nroyoj wululen chirij, roma kan man nich'obon ta juba'.

Wuj Richin ri Molojri'il 7:26

Yin kan xinwil chuqa' jun ri más ruk'eyul ke chuwech ri kamik, y ri' jun ixoq ri nuya' pikbel. Rija' achi'el jun kolo', y ri ruq'a' e achi'el cadena. Ri achin ri jebel chuwech ri Dios nanimej chuwech jun ixoq keri', jak'a ri man jebel ta chuwech ri Dios kan chi'anin niqaqa pa ruq'a'.

Wuj Richin ri Jeremías 28:16

Roma ri', ri Jehová nubij chi rija' xkarelesaj k'a el chuwech re ruwach'ulew. Chupan re juna' re' xkaken, roma rik'in ri ach'abel xe'ataqchi'ij ri winaqi' richin xeyakatej chirij ri Dios, xicha' chire.

Wuj Richin ri Jeremías 50:7

Toq ri e etzelanel iwichin yixkil, kan yixkik'is. Y k'ari' rije' nikibij chi man kimak ta ri keri' xkiben iwik'in, roma rix kan xixmakun chinuwech, ri in qitzij yuq'unel, achoq ik'in xkikuquba-wi kik'u'x ri ite-itata'.

Wuj Richin ri Chojmirisabelri'il 20:10

Wi k'o ta jun achin ri nik'oje-qa rik'in ri rixjayil ri rachpochel, ri achin y ri ixoq kan xemakun, y chi e ka'i' k'a xkekamisex.

Wuj Richin ri Chojmirisabelri'il 6:2

Wi k'o ta jun wineq ri kan nujikiba' rutzij chikiwech ri winaqi' y chinuwech yin, chi man rubanon ta jun q'oloj y xa kan rubanon, re wineq re' kan aj-mak-wi. Roma rik'in juba' xa man rutzolin ta ri uxqanen kan pa ruq'a', o rik'in juba' neleq' rik'in ri ruwinaq; o rik'in juba' xa rubanon-qa richin chire, ri xa man richin ta.

Wuj Richin ri Q'axanri'il 32:23

Jak'a wi man xtiben ta keri', tiwetamaj k'a richin xixmakun chuwech ri Jehová y k'o jun q'ij xtiqaqa ri ruk'ayewal pan iwi' roma ri imak.

San Lucas 12:48

Jak'a wi k'o ta jun samajel ri xa man retaman ta achike nrajo' ri rajaw, y k'o ri man utz ta yerubanala-apo, stape' ta re samajel re' ruk'amon ta chi janila ruk'ayewal niqaqa pa ruwi', man keri' ta xtiban chire; ri ruk'ayewal ri xtiqaqa pa ruwi' rija' man kan ta xtik'o ruwi'. Roma, ri kan k'iy k'a ya'on chire, chuqa' kan k'iy k'a ri xtik'utux chire; chuqa' ri kan k'iy jachon kan pa ruq'a', kan k'iy k'a chuqa' ri xtik'utux chire.

1 Corintios 4:2

Y jun samajel kan nik'atzin chi tubana' ri samaj, achi'el ri rubin ri rajaw chire.

Tito 2:10

ni man ta ye'eleq' kik'in. Kan utz ta nikiben chire ronojel y kan nikiya' ta kiq'ij, richin utz ta yetz'et koma ri kajaw, y keri' ri winaqi' ri' xtiketamaj chi kan jebel ri ruch'abel ri Dios ri qakolonel.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

1 Juan 3:9

Roj ri oj ralk'ual chik ri Dios, qaya'on chik k'a kan rubanik ri mak, roma ri Dios xuya' ri ruk'aslen chiqe y xujel ri qach'obonik. Y roma ri k'aslen ri k'o qik'in roj kan rik'in ri Dios peteneq-wi, nuben k'a chiqe chi man chik yeqabanala' ta ri mak.

Apocalipsis 21:8

Jak'a ri man yinkinimaj ta, ri nikixibij-ki' ye'apon pa taq tijoj-poqonal woma yin, ri e itzel taq winaqi', ri kamisanela', ri achi'a' y ri ixoqi' ri nikikanola-ki' richin yemakun, ri aj-itza', ri yeya'on kiq'ij ch'aqa' chik dios y ri e tz'ukuy taq tzij; konojel re' xtikichinaj ri achi'el choy ri k'o q'aq' xolon rik'in chuwilej-abej chupan. Y jari' k'a ri ruka'n kamik, xcha'.

Apocalipsis 22:15

Jak'a ri itzel kik'aslen, man xke'ok ta chupan ri tinamit. Keri' chuqa' ri aj-itza', ri achi'a' y ri ixoqi' ri nikikanola-ki' richin yemakun, ri kamisanela', ri yeya'on kiq'ij ch'aqa' chik dios, y ri kan niqa' chikiwech nikitz'uk-tzij.