Wuj Richin ri Rutikeribel 39:7 - Kaqchiquel Bible

⁷ Y jari' k'a toq kere' ri xk'uluwachitej: Ri rixjayil ri Potifar kan xurayij k'a ruwech ri José y roma ri' k'o k'a jun q'ij toq xubij chire: Yin ninrayij chi yak'oje' wik'in, xcha'.

Wuj Richin ri Rutikeribel 39:7 ပူးပေါင်းရင်းမြစ်များ

2 Sam 13:11

Jak'a toq xuya-apo chuwech, ri Amnón xa xuchop chuq'a' y xubij chire chi tikotz'e-qa rik'in.

2 Pedro 2:14

Xabachike ixoq ri nikitz'et, kan jari' nikajo' yek'oje' rik'in. Kan man yekos ta chubanik ri etzelal. Nikiben k'a chike ri kan k'a man jani jebel kuqul kik'u'x rik'in ri Dios chi yemakun. Jebel ketaman ronojel ruwech q'oloj, richin nikimol k'iy méro. Rije' kan xtiqaqa na wi ri ruk'ayewal pa kiwi'.

Ez 16:34

Ri ixoq itzel ruk'aslen kan nikanox koma achi'a' y re achi'a' re' nikitoj kan chire. Jak'a rat man yakanox ta y roma ri' ja rat yatojon-el kichin y xa man jun nak'ul.

1 Juan 2:16

Y ronojel re' man richin ta ri Qatata' Dios: Ri itzel taq rayinik richin ri ch'akulaj, rayibel richin nik'oje' awik'in ronojel ri natz'et, y ri nimirinen roma k'o beyomel, ronojel re' xa e richin ri ruwach'ulew.

San Mateo 5:28

Jak'a yin ninbij chi xabachike wineq ri nuya' ruwech chirij jun chik, ri nibanon keri', pa ránima xa kan xmakun yan.

Ez 16:32

Jak'a rat naben achi'el jun ixoq ri k'ulan y ye'akusaj chik apo ch'aqa' chik achi'a' pan awachoch.

Wuj Richin ri Achin Job 31:1

Yin kan nujikiban nutzij, chi kan man jun bey xtinrayij ta ruwech jun xten.

Ez 16:25

Y chiri' pa taq krusin-bey xaya' kiq'ij ri wachibel. Man xaya' ta rejqalen chi rat at jebel ok, xa kan xasuj k'a ri ach'akul chikiwech xabachike ri yeq'ax keri'. Y kan jantape' k'a xamakun rik'in ri banobel ri'.

Wuj Richin ri Jeremías 3:3

Roma ri itzel taq ibanobal ri', roma ri' maneq chik job rubanon, ni ri nabey taq job, ni ri ruk'isibel taq job. Man rik'in ri' kan man xk'oje' ta juba' ik'ix, achi'el ri ixoq itzel ruk'aslen maneq ruk'ix.

Wuj Richin Etamabel-Tzij 7:13

Y keri' ri ixoq ri' kan xaxe k'a xutz'et ri ala' ri', jari' xuchop y xutz'ubaj ruchi', y kan man juba' ruk'ix, xuchop k'a rubixik chire:

Wuj Richin Etamabel-Tzij 5:9

Man xa rik'in jun ixoq keri' tibek'isa' kan ri iwuchuq'a' man xa tibeya' kan ri utzilej taq ijuna' pa ruq'a' jun itzel ixoq.

Wuj Richin Etamabel-Tzij 2:16

Ri na'oj xa kan xkixrukol richin chi man yixqaqa pa ruq'a' ri ixoq ri itzel ruk'aslen, chuwech ri ixoq ri' ri nrajo' yixruch'ek rik'in ri jebelej taq ruch'abel.

Wuj Richin Bix Chire ri Dios 119:37

Man taya' q'ij chi xkentzu' ri xa man jun kejqalen; taya' nuk'aslen richin kan xtintzeqelibej ri abey.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

Wuj Richin Etamabel-Tzij 1:10

Rix alaboni', wi ri e banoy etzelal nikajo' chi yixok ta kachibil, rix kan man tiwajo' chi yixbe kik'in.

Wuj Richin Etamabel-Tzij 6:26

Ri ixoq, ri itzel ruk'aslen, yerukanoj ri achi'a' richin nuch'ek ruway chikij, jak'a ri k'ulan ixoq, yerukanoj achi'a' roma kan ja ri kik'aslen ri nrajo'.