Wuj Richin ri Rutikeribel 39:3 - Kaqchiquel Bible

³ Y ri rajaw kan xunabej chi ri Jehová kan k'o-wi rik'in ri José, roma ronojel ri nuben rija', ri Dios kan nuben chire chi kan utz nel chuwech.

Wuj Richin ri Rutikeribel 39:3 ပူးပေါင်းရင်းမြစ်များ

Wuj Richin Bix Chire ri Dios 1:3

Re wineq re' kan achi'el k'a jun che' ri tikil chuchi' jun raqen-ya', ri kan nuya' ruwech toq napon ri ruq'ijul y ri ruxaq kan man yetzaq ta el. Ronojel ri nuben kan utz k'a nel chuwech.

Wuj Richin ri Rutikeribel 30:27

Jak'a ri Labán xubij chire: Nink'utuj utzil chawe richin kak'oje' wik'in, roma kan xya'ox jun retal chuwe, chi awoma rat, ri Jehová ruya'on urtisanik pa nuwi'.

San Mateo 5:16

Kan keri' ta k'a xtisaqirisan ri ik'aslen rix chikiwech ri winaqi'; Richin keri' toq xtikitz'et k'a ri utzilej taq ibanobal, ri winaqi' kan xtikiya' k'a ruq'ij-ruk'ojlen ri aj-chikajil qatata'.

2 Crón 26:5

Rokik k'es ri Zacarías ri rutijonel, ri Ozías kan xuya' ruq'ij ri Jehová, y roma ri' ri Jehová kan xuben chire chi utz xel chuwech ronojel.

1 Sam 18:14

Y ri David kan rik'in na'oj xuben ronojel re', roma ri Jehová kan k'o-wi rik'in.

Wuj Richin ri Rutikeribel 21:22

Y rokik ri' chuqa' kere' ri xk'uluwachitej: Ri Abimélec y ri Ficol ri tata'al kichin ri aj-labal xkibij chire ri Abraham: Rik'in ronojel ri ye'aben, kan q'alaj-wi chi ri Dios kan k'o-wi awik'in.

Wuj Richin ri Rutikeribel 26:28

Y rije' xkibij: Xqatz'et yan chi ri Jehová kan k'o-wi awik'in y qach'obon-pe chi tijunamatej-qawech y tiqabana' jun jikibel-tzij.

Apocalipsis 3:9

Roma ri' xtinben chi xkexuke' chiwech ri jun tzobaj winaqi' ri e richin ri Satanás ri nikibij chi e judío y xa man qitzij ta. Kere' xtinben chike richin tiketamaj chi yin kan yixinwajo'.

1 Corintios 16:2

Jare' ri ruchojmilal: Ri nabey q'ij chire ri wuqu' q'ij k'atzinel chi rix nich'er kan juba' chire ri nich'ek, richin niya-el chike ri qach'alal. Keri' tibana' richin chi k'o chik ronojel toq xkinapon yin, y man nik'atzin ta chik chi k'ari' nimol.

Wuj Richin ri Zacarías 8:23

Chupan ri q'ij ri', xtibebanatej k'a chi e lajuj achi'a' ri kepe pa ch'aqa' chik ruwach'ulew, xtikichop chi rutziaq jun iwinaq, y xtikibij k'a chire: Taya' q'ij chiqe richin yojbe awik'in, roma qak'axan chi iwik'in rix k'o-wi ri Jehová, xkecha'. Jare' ri rutzijol ri xuya' ri Dios.

Wuj Richin ri Nehemías 2:20

Jak'a yin xinbij chike: Ri Dios ri rajaw ri kaj, ja rija' ri xtibanon chi utz xtibe chiqawech y roj ri oj rusamajela' xqojyakatej y xtiqayek k'a q'anej re Jerusalem. Jak'a rix kan man xkixilon ta, ni ta xtiq'et-tzij y kan man xkixnatex ta chik wawe', xicha' k'a chike.

1 Crón 22:13

Kan xkabe k'a pa jotol wi rat xtaben ronojel ri achike nubij ri pixa' ri ya'on kan chire re tinamit ri xuya' ri Jehová chire ri Moisés. Kan tatija' k'a aq'ij: Kan kof k'a kak'oje': Man k'a kamayamo-qa: Y man taxibij-awi'.

1 Sam 18:28

Jak'a ri Saúl xutz'et chi ri Jehová kan k'o-wi rik'in ri David y chuqa' ri rumi'al kan nrajo-wi.

Wuj Richin ri Rutikeribel 39:23

Y roma kan pa ruq'a' ri José k'o-wi ronojel, ri aj-raqen richin ri cárcel kan man jun chik nuch'ob pa ruwi' ronojel, roma ri Jehová kan nuto-wi ri José y ronojel ri nuben kan utz nel chuwech.

Wuj Richin ri Rutikeribel 30:30

roma toq man jani kinoqaqa awik'in e juba' ok y wakami e janila e k'iy, y re' kan ja ri Jehová ri urtisayon awichin woma yin, ¿k'a janipe' k'a xkisamej pa nuyonil pa kiwi' ri ek'o pa wachoch?, xcha'.

Wuj Richin ri Rutikeribel 26:24

Chupan ri aq'a' ri' ri Jehová xuk'ut-ri' chuwech y xubij chire: Ja yin ri in ru-Dios ri atata' Abraham. Man taxibij-awi' roma yin kan ink'o awik'in y xtinya' urtisanik pan awi' y kan xtik'iyer ri awijatzul roma janila xinwajo' ri Abraham ri nusamajel.

Wuj Richin ri Rutikeribel 21:20

Y ri Dios kan xk'oje-wi rik'in ri ala' y xk'iy-q'anej y chiri' chupan ri tz'iran ruwach'ulew ri rubini'an Parán xk'oje-wi, y rija' xretamaj xok jun kanonel.

Wuj Richin ri Rutikeribel 39:2

Jak'a ri Jehová kan xuto-wi ri José y ronojel k'a ri nuben, kan utz k'a nel chuwech. Y rija' nisamej k'a pa rachoch ri rajaw ri k'o chiri' pan Egipto.

2 Rey 18:7

Ri Jehová kan xk'oje' k'a rik'in rija', y xabakuchi nibe-wi richin nuben oyowal, kan utz k'a nel chuwech ronojel ri nuben. Y kan xyakatej k'a chirij ri rey richin Asiria y kan man xrilij ta ri rey ri'.

Wuj Richin ri Rutikeribel 21:23

Wakami k'a tajikiba' ri atzij chinuwech yin y chuwech ri Dios richin man ta jun xtach'ob chi naben ta chuwe yin, ni ta chike ri walk'ual y ni ta chike ri wiy-mam. Kan ta achi'el ri utzil ri xinben chawe yin, kan ta keri' ri rajel ruk'exel ri naben wik'in yin y kik'in konojel re winaqi' re e richin re ruwach'ulew re', re akuchi xatoqaqa-wi, xcha' ri Abimélec chire ri Abraham.

Wuj Richin ri Rutikeribel 39:21

Jak'a ri Jehová kan xuto-wi ri José y xujoyowaj k'a ruwech, y xuben chi utz xtz'et roma ri aj-raqen richin ri cárcel y chuqa' xuben chi utz nitz'et ri rubanobal.

Deut 2:7

Ri Jehová ri qa-Dios kan ruya'on k'a urtisanik pa ruwi' ronojel ri qabanon-pe; y kan oj ruchajin k'a pe chupan re jun nimalej tz'iran ruwach'ulew re'. Kan chupan k'a chi kawineq juna' k'o-pe qik'in y man jun ri man ta xuya' chiqe.

Wuj Richin ri Josúe 1:9

Tawak'axaj k'a ri ninbij chawe: Tatija' k'a aq'ij y kow k'a kak'oje', man taxibij-awi', ni man timayamo-qa ri awánima roma yin Jehová ri a-Dios kan xkik'oje' awik'in xabakuchi xkabe-wi, xcha' ri Dios chire ri Josué.

1 Sam 3:19

Ri Samuel xk'iy-q'anej y ri Jehová kan k'o-wi rik'in, y kan xbanatej k'a ronojel ri xubij ri Jehová chire.

1 Crón 9:20

Pa nabey ja ri Finees ri ruk'ajol kan ri Eleazar xok aj-raqen pa kiwi' ri yechajin ri ruchi' ri rachoch ri Dios, y kan ja ri Jehová xk'oje' rik'in.

2 Crón 1:1

Ri Salomón, ri ruk'ajol kan ri David, xjikibex k'a chupan ri ruq'atbal-tzij y ri Jehová Dios kan k'o-wi rik'in y kan janila k'a xunimirisaj ruq'ij.