Wuj Richin ri Rutikeribel 39:16 - Kaqchiquel Bible

¹⁶ Y ri tzieq ri' k'a xk'oje' na kan rik'in rija', richin chi nuk'ut na apo chuwech ri rachijil toq napon pa rachoch.

Wuj Richin ri Rutikeribel 39:16 ပူးပေါင်းရင်းမြစ်များ

Wuj Richin Bix Chire ri Dios 37:32

Ri banoy etzelal kan chaq nuq'elebej ri choj ruk'aslen, y nukanoj rubanik richin nukamisaj.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Wuj Richin ri Jeremías 4:22

Ri nuwinaq kan maneq kina'oj, man ketaman ta nuwech. Kan e alk'ualaxela' ri maneq ketamabal y kan man jun niq'ax chikiwech. Kan janila e nowineq richin nikiben etzelal, jak'a man ketaman ta nikiben ri utz.

Wuj Richin Bix Chire ri Dios 37:12

Ri banoy etzelal nuch'ob richin nuben itzel chire ri choj ruk'aslen, y kan nuqach'ach'ej rey chirij.

Wuj Richin ri Rutikeribel 39:15

Jak'a toq xrak'axaj chi yin xisik'in rik'in ronojel wuchuq'a', xanimej y xel-el pa jay y roma ri' kan man xuk'uaj ta chik el re rutziaq, xcha' ri ixoq.

Wuj Richin ri Rutikeribel 39:17

Y toq xapon k'a ri rachijil, rija' xubij k'a chire: Ri asamajel hebreo ri ak'amon-pe, xaxe xpe richin xrajo' xuya' nuk'ix.