Wuj Richin ri Rutikeribel 39:12 - Kaqchiquel Bible

¹² jari' toq xpe ri ixoq ri', xuchop ri José chi rutziaq y xubij chire: Katanpe pa ch'at wik'in, xcha' chire. Y ri José junanin xukol-el-ri' pa ruq'a', y xel-el pa jay. Jak'a ri rutziaq ri ruq'un xa xk'oje' kan pa ruq'a' ri ixoq.

Wuj Richin ri Rutikeribel 39:12 ပူးပေါင်းရင်းမြစ်များ

2 Timoteo 2:22

Chuqa' rat katanimej chuwech ri itzel taq rayinik ri nipe pa kik'aslen ri k'a e k'ajola' na. Tatija' aq'ij chi nak'uaj jun k'aslen choj. Kan takuquba' ak'u'x rik'in ri Dios, katajowan y tik'oje' uxlanibel-k'u'x awik'in kik'in konojel ri rik'in ch'ajch'ojilej kánima yech'on rik'in ri Dios.

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

Wuj Richin ri Molojri'il 7:26

Yin kan xinwil chuqa' jun ri más ruk'eyul ke chuwech ri kamik, y ri' jun ixoq ri nuya' pikbel. Rija' achi'el jun kolo', y ri ruq'a' e achi'el cadena. Ri achin ri jebel chuwech ri Dios nanimej chuwech jun ixoq keri', jak'a ri man jebel ta chuwech ri Dios kan chi'anin niqaqa pa ruq'a'.

Wuj Richin Etamabel-Tzij 6:5

Xa kan titija' k'a iq'ij nikol-iwi' chuwech ri k'as, achi'el nukol-ri' ri masat chuwech ri kanonel, kan tikolo-iwi' achi'el nuben ri aj-xik' chikop chuwech ri pikbel richin ri chapoy-chikop.

Wuj Richin Etamabel-Tzij 5:8

Roma ri' ninbij k'a chiwe chi man jun bey kixk'oje-apo naqaj chire ri ixoq ri', y chuqa' man jun bey kixk'oje-apo naqaj chire ri ruchi' rachoch ri ixoq ri'.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

Wuj Richin ri Rutikeribel 39:10

Stape' ri ixoq ri' ronojel k'a q'ij nubochila' ri José richin chi nik'oje' rik'in, y nutej ruq'ij chi nijel-apo chunaqaj, jak'a ri José kan man jun bey ri xrajo' ta.

Wuj Richin ri Rutikeribel 39:8

Jak'a rija' xubij chire: ¡Ni! Ri awachijil in ruya'on kan richin ninchajij ronojel ri k'o pa rachoch y rokik chi yin ink'o wawe', rija' man jun achike ta nuch'ob rij.

Wuj Richin Etamabel-Tzij 1:15

Jak'a rix alaboni', kan man k'a ke'itzeqelibej rije' chupan ri bey ri kik'uan, xa kan tijech'ej kan iwi' chire ri kibey rije'.

1 Sam 15:27

Y kan jari' toq ri Samuel xupiskolij-el-ri' richin chi nibe, y ri Saúl xujik' kan ri rutza'n ri rutziaq ri ruq'un richin xuq'et-qa, jak'a ri tzieq ri' xa xretzetej.

Wuj Richin ri Rutikeribel 39:11

Y k'o k'a jun q'ij toq ri José k'o chi xok-apo pa jay richin niberubana' rusamaj, y e maneq chik ch'aqa' ri pa jay;

Wuj Richin ri Rutikeribel 39:13

Y toq ri ixoq xutz'et chi ri tzieq richin ri José xk'oje' kan pa ruq'a', toq xanimej-el chuwech,

2 Sam 13:11

Jak'a toq xuya-apo chuwech, ri Amnón xa xuchop chuq'a' y xubij chire chi tikotz'e-qa rik'in.