Wuj Richin ri Rutikeribel 39:10 - Kaqchiquel Bible

¹⁰ Stape' ri ixoq ri' ronojel k'a q'ij nubochila' ri José richin chi nik'oje' rik'in, y nutej ruq'ij chi nijel-apo chunaqaj, jak'a ri José kan man jun bey ri xrajo' ta.

Wuj Richin ri Rutikeribel 39:10 ပူးပေါင်းရင်းမြစ်များ

Wuj Richin ri Rutikeribel 39:8

Jak'a rija' xubij chire: ¡Ni! Ri awachijil in ruya'on kan richin ninchajij ronojel ri k'o pa rachoch y rokik chi yin ink'o wawe', rija' man jun achike ta nuch'ob rij.

1 Pedro 2:11

Wach'alal ri yalan yixinwajo', roma xa ix q'axel chuwech re ruwach'ulew, ninbij k'a chiwe chi man tiya' q'ij chire ri itzel taq rayinik pan ik'aslen roma jari' ri yebanon oyowal iwik'in.

2 Timoteo 2:22

Chuqa' rat katanimej chuwech ri itzel taq rayinik ri nipe pa kik'aslen ri k'a e k'ajola' na. Tatija' aq'ij chi nak'uaj jun k'aslen choj. Kan takuquba' ak'u'x rik'in ri Dios, katajowan y tik'oje' uxlanibel-k'u'x awik'in kik'in konojel ri rik'in ch'ajch'ojilej kánima yech'on rik'in ri Dios.

1 Tesalonicenses 5:22

Jak'a chire ronojel ruwech etzelal, kan tijech'ej-iwi' rik'in.

1 Corintios 15:33

Man k'a kixq'olotej, roma rix iwetaman chi wi yixok kachibil ri man utz ta ri kich'obonik, xa kan xtiyojtej chuqa' ich'obonik rix.

1 Corintios 6:18

Y rija' kan nrajo' chi rix achi'a' y rix ixoqi' kixanimej chuwech ri mak, y man tikanola-iwi' richin ye'ibanala' ri itzel taq banobel ri'. Ronojel ruwech mak man jun nuben chire ri ruch'akul ri wineq ri nibanon, jak'a re mak re' kan nuya' pa k'ayew ri ruch'akul ri wineq ri nibanon keri'.

Wuj Richin Etamabel-Tzij 23:27

Rat, kan tawetamaj k'a chi ri ixoq itzel ruk'aslen ruk'uan, xa achi'el jun jul ri janila nej rupan; y ri ixoq ri rutz'apen ruwech ri rachijil, xa junan rik'in jun jul ri nej rupan y latz' ok ri rubanik.

Wuj Richin Etamabel-Tzij 22:14

Kan achi'el k'a jun jul ri janila nim rupan, keri' ri pa ruchi' ri ixoq ri nukanoj jun chik achin, y k'a chiri' nibetzaq-wi ri achin, ri xa itzel nich'on chirij ri Jehová.

Wuj Richin Etamabel-Tzij 7:5

Y re', kan xtuben k'a chiwe chi yixrukol chuwech ri k'ulan ixoq ri yerukanola' achi'a', kan yixrukol chuqa' chuwech ri ixoq ri jebel ok taq ch'abel ri yerubij chiwe.

Wuj Richin Etamabel-Tzij 5:8

Roma ri' ninbij k'a chiwe chi man jun bey kixk'oje-apo naqaj chire ri ixoq ri', y chuqa' man jun bey kixk'oje-apo naqaj chire ri ruchi' rachoch ri ixoq ri'.

Wuj Richin Etamabel-Tzij 5:3

Ri ixoq itzel ruk'aslen kan nujaluj ri ruch'abel y ki-ki' nuben chire, achi'el ri kab ri nikiya' ri taq chikopi', kan buyul-buyul nuben chire ri ruch'abel, achi'el xa ta ruya'on aceite chikij.

Wuj Richin Etamabel-Tzij 2:16

Ri na'oj xa kan xkixrukol richin chi man yixqaqa pa ruq'a' ri ixoq ri itzel ruk'aslen, chuwech ri ixoq ri' ri nrajo' yixruch'ek rik'in ri jebelej taq ruch'abel.

Wuj Richin Etamabel-Tzij 1:15

Jak'a rix alaboni', kan man k'a ke'itzeqelibej rije' chupan ri bey ri kik'uan, xa kan tijech'ej kan iwi' chire ri kibey rije'.

Wuj Richin Etamabel-Tzij 9:16

Ri ixoq ri' kan nubij k'a chike ri k'a e ak'uala' na, kixanpe wik'in, y chike ri achi'a' ri man kan ta yenojin jebel, kan nubij k'a:

Wuj Richin Etamabel-Tzij 9:14

Ri ixoq ri' kan man nik'ix ta k'a nibetz'uye-pe pa ruchi' rachoch, ri nitzu'un pa bey, nitz'uye-pe pa ch'aket, ri pa jotol richin ri tinamit.

Wuj Richin Etamabel-Tzij 7:13

Y keri' ri ixoq ri' kan xaxe k'a xutz'et ri ala' ri', jari' xuchop y xutz'ubaj ruchi', y kan man juba' ruk'ix, xuchop k'a rubixik chire:

1 Timoteo 5:14

Roma ri' ninbij chike ri malkani' taq ixoqi' ri k'a e ak'uala' na chi kek'ule' chik jun bey, kek'oje' chik kal y ke'ok rajaw taq jay, man tikiya' q'ij chike ri e etzelanel chi yech'on-pe chikij.

Wuj Richin ri Rutikeribel 39:9

Chupan re awachoch man jun ri k'o ta más ruq'ij achi'el yin. Y roma ri' ri wajaw ruya'on q'ij richin ninben ronojel. Yin yitikir ninben ri ninwajo' rik'in ri k'o pa nuq'a', jak'a awik'in rat kan man jun xtinben, roma rat at rixjayil ri wajaw; yin man yitikir ta ninben ri nabij rat, roma man ruk'amon ta y yimakun chuwech ri Dios, xcha' ri José chire ri ixoq.

Wuj Richin ri Rutikeribel 39:11

Y k'o k'a jun q'ij toq ri José k'o chi xok-apo pa jay richin niberubana' rusamaj, y e maneq chik ch'aqa' ri pa jay;

Wuj Richin Etamabel-Tzij 23:28

Ri ixoqi' ri' kan nuben k'a achi'el jun eleq'om toq yeroyobej ri winaqi'; kan nuben chike ri achi'a' chi yetzaq pa mak.