Wuj Richin ri Rutikeribel 39:1 - Kaqchiquel Bible

¹ Kere' k'a xk'uluwachitej: Toq ri José xuk'uex-el k'a pan Egipto, ri ismaelita xkik'ayij kan chiri'. Y ri xloq'on richin ri José, jun achin aj-Egipto rubini'an Potifar; y re' jun aj samaj richin ri rey y chuqa' aj-raqen kichin ri achi'a' e chajinela' richin ri rey.

Wuj Richin ri Rutikeribel 39:1 ပူးပေါင်းရင်းမြစ်များ

Wuj Richin Bix Chire ri Dios 105:17

Jak'a richin xerukol xuteq k'a jun achin nabey chikiwech rije' pa ruwach'ulew Egipto. Ri achin ri' ja ri José ri xk'ayix-el richin xbe'ok samajel yuqul pa samaj.

Wuj Richin ri Rutikeribel 37:28

Y toq yeq'ax yan el ri chiri' ri k'ayinela', ri e rijatzul kan ri Ismael, ri aj kela' pa Madián, jari' toq ri rach'alal ri José xbekelesaj-pe ri pa jul, y xkik'uaj-q'anej richin nikik'ayij-el chike ri winaqi' ri'. Keri' toq xkik'ayij-el ri José, chi juwineq raqen saqipueq, y xuk'uex el k'a pan Egipto.

Wuj Richin ri Rutikeribel 37:36

Jak'a ri aj-Madián xbekik'ayij kan ri José pan Egipto, chire jun achin rubini'an Potifar, jun aj samaj richin ri rey y aj-raqen pa kiwi' ri chajinela'.

Wuj Richin ri Rutikeribel 37:25

K'ari' xebetz'uye' richin xkitej kiway. Y jari' toq xekitz'et jun tzobaj winaqi' ri e rijatzul kan ri Ismael ri e peteneq, ri yepe k'a kela' pa ruwach'ulew Galaad, y kik'amon-pe jubulej taq aq'om, bálsamo, y mirra chikij ri ki-camello y kik'uan-el richin chi nikik'uaj k'a kela' pa ruwach'ulew Egipto.

Hechos 7:9

Rije' itzel k'a xkina' chire ri kichaq' José. Roma ri' toq xkik'ayij-el, y xuk'uex-el k'a pan Egipto. Jak'a ri Dios kan k'o-wi rik'in ri José,

Wuj Richin ri Rutikeribel 45:4

Y xubij k'a chike ri rach'alal chi kejel-apo rik'in. Y toq rije' xejel-apo rik'in rija' xubij chik jun bey chike chi ja rija' ri José ri kach'alal, ri xkik'ayij-pe pan Egipto.

Wuj Richin ri Rutikeribel 40:3

y xeberuya' kan pa cárcel ri k'o chiri' pa rachoch ri aj-raqen kichin ri chajinela' richin ri rey, ri akuchi tz'apel-wi ri José.