Wuj Richin ri Rutikeribel 38:26 - Kaqchiquel Bible

²⁶ Y ri Judá xretamaj k'a chi ronojel ri' e richin rija' y xubij: Más utz ri ruk'aslen rija' chuwech ri nuk'aslen yin, roma yin man xinya' ta ri nuk'ajol Selá chire, xcha' ri Judá y man jun bey chik k'a xk'oje' ta rik'in ri Tamar.

Wuj Richin ri Rutikeribel 38:26 ပူးပေါင်းရင်းမြစ်များ

1 Sam 24:17

y xubij: Rat kan más at choj chinuwech yin. Rat xatzolij rajel ruk'exel chuwe rik'in utzil, y yin xa kan ja ri itzel xinben chawe.

San Juan 8:9

Toq ri sujunela' chirij ri ixoq xkak'axaj ri xubij ri Jesús, ri kánima xubij chike chi rije' chuqa' e aj-maki', y xe'eleyaj el ri chiri'. Xenabeyej-el ri rijita'q, y k'ari' xebe ri más k'a e ak'uala'. Xa kan xaxe chik k'a ri Jesús y ri ixoq ri xk'oje' kan.

Romanos 13:12

Ri q'equ'm niq'ax yan, y niq'alajin yan pe ri saqil. Roma ri', wi k'a k'o qamak ri niqaben pa taq q'equ'm, tiqaya' kan. Nik'atzin chi ja ri saqil ri nok qatobal, achi'el jun aj-labal toq nukusaj ri rutobal.

Romanos 3:19

Y qetaman k'a chi ronojel ri tz'ibatel kan, nich'on chiqij roj ri ojk'o chuxe' ri pixa'. Y ri pixa', k'o richin chi man jun tibin chi maneq rumak, y richin nuk'ut chiqawech chi qonojel k'o chi yojapon na chuwech ri ruq'atbel-tzij ri Dios.

San Mateo 3:8

Wi kan qitzij chi rix nitzolej-pe ik'u'x rik'in ri Dios, kan tiq'alajin k'a chupan ri ik'aslen.

Wuj Richin ri Habacuc 1:13

Rat Jehová kan at ch'ajch'oj y man nakoch' ta natz'et ri mak. Chuqa' man nakoch' ta natz'et ri etzelal ri yebanatej. ¿Achike k'a roma xtaya' q'ij chike ri aj-Babilonia richin xtikiben ri etzelal? ¿Achike k'a roma kan man jun xtabij, toq rije' xqojkiya' pa tijoj-poqonal, stape' roj más choj qak'aslen chikiwech rije'?

Ez 16:52

Rat k'o chi nakoch' ri qasanri'il, roma más xamakun chikiwech ri e ka'i' awach'alal. Xaben chike rije' chi man jun kimak y roma ri' kan k'o chi xtawejqalej ri k'ix.

Wuj Richin ri Achin Job 40:5

Toq yin xich'on, xa xinbij k'a ronojel ri xitikir xinbij. Wakami xa maneq achike ta chik ri xkitikir xtinbij, xcha'.

Wuj Richin ri Achin Job 4:5

Y re wakami toq xa ja rat ri atk'o chupan ri tijoj-poqonal, namalij ak'u'x. Toq xawil re tijoj-poqonal re' xa nisach ak'u'x.

2 Sam 24:17

Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

2 Sam 20:3

Y toq xapon ri David pa rachoch chiri' pa Jerusalem, xeroyoj ri lajuj ru-concubina ri e ruya'on kan richin nikichajij ri rachoch. K'ari' xeruya' pa jun chik jay, xerilij y xechajix chiri', jak'a man jun bey chik xk'oje' kik'in. Xa kan xetz'ape' chiri', y xek'oje' achi'el malkani' k'a xeken na el.

2 Sam 16:22

K'ari' xkiben k'a jun ti jay ri banon rik'in tzieq pa ruwi-q'anej ri rachoch ri David, y chiri' ri Absalón xk'oje' kik'in ri e ru-concubina ri rutata'. Y re' chikiwech konojel ri winaqi' xbanatej-wi.

Wuj Richin ri Rutikeribel 38:14

Roma ri' rija' xujel kan ri rutziaq ri nik'utu chi rija' jun malka'n ixoq y xuq'uj-el jun tzieq y xutz'apej-el rupalej rik'in jun tzieq richin man jun netaman ruwech. Y xbetz'uye' chuchi' ri tinamit Enaím, chuchi' ri bey ri nibe pa tinamit Timnat. Rija' rutz'eton chik k'a chi ri Selá xk'iy yan q'anej, y k'a man jani ya'on ta chire richin chi nok rachijil.

Wuj Richin ri Rutikeribel 37:33

Y rija' xretamaj k'a ruwech ri tzieq y xubij: Ja', jare' ri rutziaq ri nuk'ajol. Y xubij chuqa': Rik'in juba' jun itzel laj chikop xwech'on richin y xuk'ux, xcha' ri Jacob.

Wuj Richin ri Rutikeribel 4:1

Ri Adán xk'oje' k'a rik'in ri Eva ri rixjayil, y ri Eva xk'oje' k'a jun ti ral ri xubini'aj Caín,*f5* kere' ri bi'aj xuya' chire ri ak'ual roma xubij k'a: Rik'in ri ruto'onik ri Jehová xink'ul jun ti wal ala', xcha'.

1 Sam 24:18

Rat xak'ut chinuwech chi kan ja ri utz nawajo' naben chuwe, roma man xinakamisaj ta kan, toq ri Jehová xirujech pan aq'a'.