Wuj Richin ri Rutikeribel 38:23 - Kaqchiquel Bible

²³ Y ri Judá xubij: Tik'oje' na k'a kan rik'in ri ixoq ri xinya' kan chire richin chi man jun tich'on itzel chiqij, roma xatinteq-el richin nabeya' kan ri ti alaj tzuntzun y re ixoq re' xa man xawil ta kan, xcha'.

Wuj Richin ri Rutikeribel 38:23 ပူးပေါင်းရင်းမြစ်များ

Apocalipsis 16:15

Y ri oxi' itzel taq espíritu ri' kan xekimol k'a ri winaqi' ri chiri' ri nibix Harmagedón chire pa ch'abel hebreo. Y jari' toq k'o jun xch'on y xubij: Yin xkipe, achi'el jun eleq'om, kan jebel k'a ruwa-kiq'ij ri kichajin ri kik'aslen y e ch'ajch'oj, keri' man xkek'ixbitej ta chikiwech ri winaqi', xcha'.

Efesios 5:12

roma ri banobel ri', yekibanala' pa taq ewel, y kan xaxe ninatex nik'ixbisan.

2 Corintios 4:2

Roj man niqaben ta ri banobel ri man pa saqil ta yeban-wi y xa e richin k'ix. Man yeqaq'ol ta ri winaqi'; man niqajel ta chuqa' rubanik ri ruch'abel ri Dios ri niqabij. Roj kan ja wi k'a ri qitzij ri niqaq'alajirisaj y ri' kan nuben k'a chi xabakuchi yojk'ul-wi. Ri Dios kan nutz'et k'a pe chi keri'.

Romanos 6:21

¿Y achike k'a xuk'en-pe chiwe ri itzel k'aslen ri xik'uaj? Roma wakami xa yixk'ix toq noqaqa chi'ik'u'x ri itzel k'aslen ri'. Y re itzel banobel re' xa kamik nuk'en-pe.

Wuj Richin Etamabel-Tzij 6:33

Y ri achin ri' xa xtikajtej y xtik'ayewatej k'a, kan xtik'ixbitej k'a kan chupan chijun ruk'aslen y man jun bey chik xtel ri k'ix ri' rik'in.

2 Sam 12:9

¿Achike roma man xaya' ta rejqalen ri nuch'abel, y xa xaben itzel chinuwech? Xakamisaj k'a chi espada ri Urías ri heteo, y kan xok-qa awixjayil ri rixjayil rija'. Roma xakamisaj ri Urías rik'in ri ki-espada ri amonita,

Wuj Richin ri Rutikeribel 38:22

K'ari' rija' xtzolin rik'in ri Judá y xberubij chire: Man xinwil ta kan ri ixoq; chuqa' ri achi'a' ek'o chiri' xkibij chuwe chi chiri' man jun bey k'o ta jun ixoq ri yerutz'elwachij achi'a', xecha' chuwe, xcha'.

Wuj Richin ri Rutikeribel 38:24

Oxi' yan k'a ik' tiq'ax toq xbanatej ri', jari' toq xapon rutzijol rik'in ri Judá y xbebix chire: Ri awali' Tamar xmakun rik'in achin y wakami royoben jun ak'ual, xuche'ex. Y ri Judá xubij: Tiwelesaj-pe richin tibox pa q'aq', xcha'.