Wuj Richin ri Rutikeribel 38:2 - Kaqchiquel Bible

² Y rija' xutzu' ruwech jun xten aj-Canaán rumi'al jun achin rubini'an Súa; xuk'uaj y xok k'a rixjayil.

Wuj Richin ri Rutikeribel 38:2 ပူးပေါင်းရင်းမြစ်များ

1 Crón 2:3

Ri e ruk'ajol kan ri Judá: Jeri Er, ri Onán y ri Selá. Ri kite' re oxi' achi'a' re' ja ri rumi'al ri Súa, aj-Canaán. Jak'a ri Er, ri nabey ruk'ajol ri Judá, xa kan man utz ta rubanobal; roma ri' ri Jehová kan chi'anin k'a xrelesaj-el ri ruk'aslen.

Wuj Richin ri Rutikeribel 24:3

richin chi naya' atzij chuwe yin y chuwech ri Jehová ri Dios, ri rajaw ri kaj, y ri rajaw re ruwach'ulew, richin chi man taya' q'ij chi ri nuk'ajol Isaac nik'ule' ta rik'in jun xten aj wawe' pa Canaán.

2 Corintios 6:14

Rix man tijunamatej-iwech kik'in ri winaqi' ri man kikuquban ta kik'u'x rik'in ri Cristo. Roma xa kan man nuk'uaj ta ri' jun k'aslen choj rik'in jun ri xa man choj ta. Ri nibiyin pa saqil man nitikir ta nibiyin rik'in jun ri nibiyin pa q'equ'm.

2 Sam 11:2

Y k'o k'a jun q'ij, toq xqaq'ij-qa, ri David xyakatej-el pa ruwarabel y xbek'astan-q'anej pa ruwi' ri rachoch. Y k'a chiri' xutz'et-qa jun ixoq ri natin y kan janila jebel ok.

Wuj Kichin ri To'onela' 16:1

K'o k'a jun q'ij ri Sansón xbe pa tinamit Gaza y chiri' xutz'et jun ixoq itzel ruk'aslen y xk'oje' rik'in.

Wuj Kichin ri To'onela' 14:2

Toq xtzolej-pe chirachoch, kere' k'a xberubij chike ri rute-rutata': Yin xintz'et kan jun xten pa Timná, kalk'ual ri aj-Filistea; nink'utuj utzil chiwe richin nik'utuj ta richin nok wixjayil, xcha'.

Wuj Richin ri Rutikeribel 46:12

Y ri e ralk'ual ri Judá, je ri Er, ri Onán, ri Selá, ri Fares y ri Zérah; ri Er y ri Onán xeken k'a kan chupan ri ruwach'ulew Canaán. Y ri ralk'ual ri Fares ja ri Jezrón y Jamul.

Wuj Richin ri Rutikeribel 34:2

Y ri achin Hamor heveo, ri tata'al ri chiri' chupan ri ruwach'ulew ri' k'o jun ruk'ajol rubini'an Siquem, y rija' xutz'et k'a ri Dina xuchop y rik'in uchuq'a' xkotz'e' rik'in.

Wuj Richin ri Rutikeribel 6:4

Chupan ri q'ij ri', toq ri e ralk'ual ri Dios xek'ule' kik'in ri xtani' ri', y xe'alk'ualan k'a, ek'o k'a achi'a' ri nima'q kipalen*f8* chuwech ri ruwach'ulew ri yekiya' pa k'ayew ri ch'aqa' chik. Y chikij k'a rije' ek'o k'a chuqa' ch'aqa' chik itzel taq achi'a' ri kan e achi'el ri xeq'ax yan ri xek'uluyaj-pe. Jare' ri itzel taq achi'a' ri maneq xibinri'il chikiwech ri yalan xenatex ri ojer kan.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

Wuj Richin ri Rutikeribel 3:6

Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

Wuj Richin ri Q'axanri'il 26:19

Ek'o k'a e 76,500 aj-labal chupan ri tzobaj richin ri Judá, y ri e aj-raqen pa kiwi' rije' ja ri Er y ri Onán, ri xa xeken ri chiri' pa ruwach'ulew Canaán, y ri ch'aqa' chik aj-raqen ja ri Selá, Fares, jun chik Zérah, jun chik Hesrón y ri Hamul.

Wuj Richin ri Rutikeribel 28:1

K'ari' ri Isaac xuteq royoxik ri Jacob xch'on-el rik'in y xubij chire: Tabana' utzil man kak'ule' rik'in jun xten aj wawe' pa Canaán.