Wuj Richin ri Rutikeribel 38:17 - Kaqchiquel Bible

¹⁷ Y ri Judá xubij: Ninteq-pe jun ti alaj tzuntzun chawe ri nincha-pe chikikojol ri wawej, xcha' chire. Y ri Tamar xubij: Taya' kan jun retal chuwe richin kan nateq-pe ri ti alaj tzuntzun chuwe, xcha'.

Wuj Richin ri Rutikeribel 38:17 ပူးပေါင်းရင်းမြစ်များ

Ez 16:33

Konojel k'a ixoqi' ri itzel kik'aslen, rije' k'o chi yetoj kan, jak'a rat xa man keri' ta naben. Xa ja rat ri yatojon-el kichin konojel ri ye'ajowan awichin. Ye'ayala' k'a sipanik chike ri achi'a' ri yepe pa taq jalajoj ruwach'ulew richin chi yemakun awik'in.

Wuj Richin ri Rutikeribel 38:20

Y ri Judá xuteq k'a ri alaj tzuntzun, xuteq chirij ri rachibil ri aj-Adulam, richin nitzolix-pe ri retal ri ruya'on kan chire ri ixoq; y ri rachibil ri Judá xa man xril ta ri ixoq.

San Lucas 16:8

Toq ri rajaw ri beyomel xrak'axaj ri xuben ri jun itzel samajel ri', xubij chi kan rik'in na'oj xuben ronojel ri'. Achi'el k'a ri achin ri', e keri' ri winaqi' ri k'a kikuquban na kik'u'x rik'in ri ruwach'ulew. Y janila wi e nowineq chikiwech ri kiniman ri Dios y e richin chik ri saqil.

Wuj Richin Etamabel-Tzij 20:16

Rat kan tak'ama' k'a kan ri rutziaq ri wineq, ri xupaba' kan ri' chuwech ruk'as jun chik; tabana' chi k'o tuyuquba' kan ri wineq, ri xupaba' kan ri' chuwech ri ruk'as jun chik wineq.

Wuj Richin ri Rutikeribel 38:16

Y roma ri Judá man retaman ta chi xa ja ajk'a ri rali' ri pa'el ri chiri', rija' xpa'e-qa y xjel-apo rik'in ri chiri' chuchi' ri bey y xubij chire: Taya' q'ij chuwe richin yik'oje' awik'in, xcha' chire. Y ri Tamar xubij chire: ¿Achike naya' chuwe richin yak'oje' wik'in?, xcha'.

Wuj Richin ri Rutikeribel 38:18

K'ari' ri Judá xuk'utuj chire: ¿Achike retal nawajo' chi ninya' kan chawe?, xcha'. Y ri Tamar xubij: Taya' kan la a-sello rik'in la rutzeqebal y la ach'ame'y la ak'uan, xcha' chire. Y ri Judá xuya' ri xuk'utuj chire y xk'oje' rik'in, y ri Tamar xyawej kan;

Wuj Kichin ri To'onela' 15:1

Y xk'uluwachitej k'a chi toq q'axineq chik ka'i-oxi' ik', y toq najin ri q'atoj trigo, jari' toq ri Sansón xbe richin niberutz'eta' ri rixjayil y xuk'uaj-el jun ti tzuntzun richin niberuya' chire, y xubij chire ri rujinan: Ninwajo' yinapon pa jay akuchi k'o-wi ri wixjayil, xcha' chire. Y ri rujinan man xuya' ta q'ij chire,