Wuj Richin ri Rutikeribel 38:14 - Kaqchiquel Bible

¹⁴ Roma ri' rija' xujel kan ri rutziaq ri nik'utu chi rija' jun malka'n ixoq y xuq'uj-el jun tzieq y xutz'apej-el rupalej rik'in jun tzieq richin man jun netaman ruwech. Y xbetz'uye' chuchi' ri tinamit Enaím, chuchi' ri bey ri nibe pa tinamit Timnat. Rija' rutz'eton chik k'a chi ri Selá xk'iy yan q'anej, y k'a man jani ya'on ta chire richin chi nok rachijil.

Wuj Richin ri Rutikeribel 38:14 ပူးပေါင်းရင်းမြစ်များ

Wuj Richin ri Rutikeribel 38:26

Y ri Judá xretamaj k'a chi ronojel ri' e richin rija' y xubij: Más utz ri ruk'aslen rija' chuwech ri nuk'aslen yin, roma yin man xinya' ta ri nuk'ajol Selá chire, xcha' ri Judá y man jun bey chik k'a xk'oje' ta rik'in ri Tamar.

Wuj Richin ri Jeremías 3:2

Titzu' k'a jebel la ruwi' taq juyu' ri akuchi xiya' kiq'ij ch'aqa' chik dios. Kan pan ewel k'a yixtz'uye' pa taq bey richin ye'iwoyobej achi'a', achi'el nikiben ri winaqi' ri ek'o pa tz'iran ruwach'ulew richin ye'eleq'. Kan xitz'ilobisaj re ruwach'ulew rik'in ri itzel taq imak.

Wuj Richin Etamabel-Tzij 7:12

Roma ri' toq man k'o ta pa bey, xa k'o chiri' akuchi nikimol-wi-ki' ri winaqi', kan yeroyobej k'a ri achi'a' ri pa taq krusin-bey.

Ez 16:25

Y chiri' pa taq krusin-bey xaya' kiq'ij ri wachibel. Man xaya' ta rejqalen chi rat at jebel ok, xa kan xasuj k'a ri ach'akul chikiwech xabachike ri yeq'ax keri'. Y kan jantape' k'a xamakun rik'in ri banobel ri'.

Wuj Richin ri Rutikeribel 38:15

Y toq ri Judá xutz'et, xuch'ob chi jun ixoq itzel ruk'aslen, roma rutz'apen ri rupalej.

Wuj Richin Etamabel-Tzij 7:10

Jari' toq ri ixoq ri' xbek'ulun-pe chuwech ri ala', ruwiqon-ri' achi'el jun ixoq itzel ruk'aslen, y kan nowineq chubanik.

Wuj Richin ri Rutikeribel 38:19

y ri Tamar kan xaxe xuben ri keri', man jun chik achike ta ri xroyobej xa kan jari' xbe; xberelesaj k'a ri tzieq chupalej y xberukusaj chik jun bey ri rutziaq ri nuk'ut chi kan malka'n.