Wuj Richin ri Rutikeribel 37:9 - Kaqchiquel Bible

⁹ Y xuben chik k'a jun achik', y kan xutzijoj chuqa' chike ri rach'alal, y xubij: Yin kan xinben chik k'a jun achik', kan xinwachik'aj chi ri q'ij, ri ik', y julajuj ch'umila' nikiqasaj-ki' chinuwech, xcha'.

Wuj Richin ri Rutikeribel 37:9 ပူးပေါင်းရင်းမြစ်များ

Wuj Richin ri Rutikeribel 37:7

K'o jun q'ij yojq'aton trigo pa juyu', y ri boraj wichin yin xpa'e-el, y ri boraj iwichin rix ri ek'o chuchi' ri wichin yin, nikiqasaj-ki' chuwech ri wichin yin, xcha'.

Filipenses 2:15

Richin keri' kan niq'alajin chi kan utz wi ri ik'aslen, y man ta jun itzel nilitej chiwij. Tiq'alajin k'a chi ix ralk'ual ri Dios, y chi man jun etzelal k'o pan iwánima, stape' ixk'o chuwech re ruwach'ulew chikikojol winaqi' ri man choj ta kik'aslen; ri kan e sachineq-wi rik'in ri kich'obonik. Ja rix k'a ri yixsaqirisan kichin ri winaqi' ri' roma ja rix ri ix achi'el rusaqil ri ruwach'ulew,

Dn 8:10

Kan janila k'a xnimer re jun uk'a' re' y kan xeberuq'i' ronojel ri ek'o chikaj; y xeruqasaj k'a pe juba' chire ri ch'umila' k'a pan ulew y xerupalibej.

Wuj Richin ri Rutikeribel 47:12

Xerilij k'a konojel, ri rutata', ri rach'alal, konojel ri aj pa rachoch ri rutata' y konojel ak'uala'.

Wuj Richin ri Rutikeribel 46:29

Y ri José kan xuben-wi ruchojmil ri carruaje richin chi niberuk'ulu' ri rutata' ri chiri' pa Gosen. Y toq xkik'ul-ki' rik'in, xuq'etej y janila xoq' chuwa-ruk'u'x.

Wuj Richin ri Rutikeribel 45:9

Roma ri' ja tibek'ama' ri nata' y tibebij chire chi kere' rubin-pe ri ak'ajol José chiqe: Ri Dios xiruya' richin ninq'et-tzij pa ruwi' chijun ruwach'ulew Egipto. Wakami k'a katanpe wik'in chi'anin.

Wuj Richin ri Rutikeribel 44:19

Toq xojpe pa nabey mul, rat xak'utuj chiqe chi wi k'a k'es na ri qatata' y wi k'o jun chik qach'alal,

Wuj Richin ri Rutikeribel 44:14

Toq ri Judá y konojel ri rach'alal xe'apon chik pa rachoch ri José, rija' k'a k'o na chiri'. K'ari' rije' xkiqasaj-qa-ki' k'a pan ulew chuwech,

Wuj Richin ri Rutikeribel 43:28

Y rije' kan rik'in k'a qasanri'il xkibij: Ri qatata' k'a k'es na, utz ruwech matiox, xecha' chire.

Wuj Richin ri Rutikeribel 41:32

Y re ka'i' achik' re xaben, re' kan nel chi tzij chi ri Dios kan xtuben-wi y kan chi'anin yan xtibanatej.

Wuj Richin ri Rutikeribel 41:25

Kan jari' toq ri José xubij chire ri rey: Ri e ka'i' awachik' ri xe'aben, xa jun k'a ri ye'el wi chi tzij. Ri Dios xuk'ut yan chawech ri achike ri nrajo' chi nik'uluwachitej chupan ri q'ij ri e peteneq.

Wuj Richin ri Rutikeribel 37:10

Y chuqa' xutzijoj k'a chire ri rutata' stape' xutzijoj yan chike ri rach'alal, jak'a ri rutata' xuch'olij y xubij chire: ¿Achike k'a chi achik' ri xawachik'aj rat? ¿Chij ri ate' y yin y konojel ri awach'alal xtiqaqasaj ta k'a qi' k'a pan ulew chawech rat?, xcha' chire.

Wuj Richin ri Rutikeribel 37:8

Jak'a ri rach'alal xkibij chire: ¿Xtaq'et ta k'a tzij rat pa qawi' roj? ¿Kan xkatok ta k'a aj-raqen chiqakojol?, xecha'. Xketzelaj k'a más roma ri rachik' roma kan xutzijoj chike.

Wuj Richin ri Rutikeribel 20:3

Y ri Dios xch'on pa rachik' ri Abimélec chupan ri aq'a' ri', y xubij chire: Wakami rat kan k'o chi xkaken roma re jun ixoq re xak'en-qa, xa k'ulan y k'o rachijil, xcha'.

Wuj Richin ri Rutikeribel 42:6

Y ri q'atoy-tzij ri chiri' pa ruwach'ulew Egipto ja ri José, y ja rija' ri nik'ayin ri trigo chike konojel ri winaqi'. Y toq ri rach'alal xe'apon k'a qa, rije' kan xexuke-qa chuwech y xkiqasaj-qa-ki' k'a pan ulew.

Wuj Richin ri Rutikeribel 43:26

Y toq ri José xapon k'a pa rachoch ri paq'ij, rije' xkiya' k'a ri sipanik chire, ri e kik'amalon-pe y xkiqasaj-qa-ki' k'a pan ulew chuwech.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.