Wuj Richin ri Rutikeribel 37:8 - Kaqchiquel Bible

⁸ Jak'a ri rach'alal xkibij chire: ¿Xtaq'et ta k'a tzij rat pa qawi' roj? ¿Kan xkatok ta k'a aj-raqen chiqakojol?, xecha'. Xketzelaj k'a más roma ri rachik' roma kan xutzijoj chike.

Wuj Richin ri Rutikeribel 37:8 ပူးပေါင်းရင်းမြစ်များ

Hechos 7:35

Kan ja ri Dios ri xtaqo-el ri Moisés chikikolik ri ruwinaq, y chi kan ja chuqa' rija' ri nuk'uan kichin. Y ri xto'on richin ri Moisés, ja ri ángel ri xuk'ut-ri' chuwech chupan ri ruxulu' kiej, y nik'at. Re Moisés re', jare' ri xetzelex koma ri ruwinaq, y achoq chire bin-wi: ¿Achike biyon chawe chi nim aq'ij y yatikir chuqa' naq'et-tzij pa qawi'?, keri' kibin chire.

1 Sam 10:27

Jak'a ri e q'ori' xkibij: ¿Nitikir kami rija' yojrukol?, xecha'. Y kan man xkiya' ta k'a rejqalen y man jun k'a sipanik xkiya' chire. Jak'a ri Saúl xuben chi man xniman ta chike.

Hebreos 10:29

Y wi keri', ¿man nich'ob ta kami rix chi xa más ruk'ayewal niqaqa pa ruwi' ri wineq ri nuxolq'otij ri rubi' ri Ruk'ajol ri Dios, y nuben chi man jun rejqalen ri rukik'el ri xya'on rejqalen ri jikibel-tzij?, roma ja kik' ri' ri xch'ajch'ojirisan ri ruk'aslen. Chuqa' ri wineq ri nixolq'otin richin, kan nretzelaj chuqa' ri Loq'olej Espíritu ri niya'on utzil pa qawi'.

San Lucas 20:17

Y ri Jesús xerutzu' k'a ri winaqi', y xubij: ¿Achike kami nik'ulun-wi chi tzij ri nubij chupan ri ruch'abel ri Dios?*f32* toq nubij: K'o k'a jun abej ri man xqa' ta chikiwech ri banoy taq jay. Jak'a re wakami kan más k'atzinel chire ri jay richin chi kow xpa'e' kan, nicha' ri ruch'abel ri Dios.

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

Wuj Richin Bix Chire ri Dios 118:22

K'o k'a jun abej ri man xqa' ta chikiwech ri banoy taq jay. Jak'a re wakami ri abej ri' kan más k'atzinel chire ri jay richin chi kow xpa'e' kan.

1 Sam 17:28

Jak'a ri Eliab ri nimalaxel runimal ri David xyakatej royowal toq xrak'axaj chi ri David nitzijon kik'in ri achi'a' ri' y xubij chire: ¿Achike roma xape wawe'? ¿Achoq ik'in xe'aya-wi kan ri ka'i' oxi' taq qakarne'l ri ek'o pa tz'iran ruwach'ulew? Yin wetaman chi roma ri retzelal ri awánima y ri animirisanen at peteneq wawe', xaxe richin nawajo' natz'et ri oyowal, xcha'.

Ex 2:14

Y ri achin ri' xubij: ¿At achike k'a rat? Rat man at tata'al ta y man at q'atoy-tzij ta chi nachojmirisaj oyowal ri yebek'ulun-pe chiqakojol ¿O xa nawajo' yinakamisaj achi'el xaben chire ri aj-Egipto?, xcha' chire ri Moisés. Jari' toq ri Moisés kan janila xuxibij-ri' y xubij-qa: Xa xnabetej yan ri xinben, chi xinkamisaj ri jun aj-Egipto, xcha-qa.

Wuj Richin ri Rutikeribel 49:26

Re urtisanik re ninya' chawe yin ri in atata', kan más k'a nim, chuwech ri urtisanik ri xink'ul kan yin chuwi-ruq'a' ri nata'. re urtisanik re' xtapon k'a más k'a kela' ke chikiwech ri q'asen taq juyu'. Kan ja rat ri xacha'ox chikikojol ri awach'alal, richin chi nak'ul kan re urtisanik re', xcha'.

Wuj Richin ri Rutikeribel 37:4

Toq xkitz'et ri rach'alal chi ja rija' ri janila najowex roma ri kitata', kan janila k'a xketzelaj, kan man yech'on ta chik chire rik'in ajowabel.

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Wuj Richin ri Rutikeribel 37:9

Y xuben chik k'a jun achik', y kan xutzijoj chuqa' chike ri rach'alal, y xubij: Yin kan xinben chik k'a jun achik', kan xinwachik'aj chi ri q'ij, ri ik', y julajuj ch'umila' nikiqasaj-ki' chinuwech, xcha'.

Wuj Richin ri Rutikeribel 42:10

Y rije' xkibij chire: Man keri' ta, qajaw, roj xaxe oj peteneq richin noqaloq'o-el trigo.

Wuj Richin ri Rutikeribel 44:18

K'ari' ri Judá xjel-apo rik'in ri José y xubij chire: Táta, nink'utuj jun nimalej utzil chawe, richin chi tawak'axaj ri xtinbij chawe, roma rat kan at achi'el ri rey, ri k'o q'atbel-tzij pa ruq'a' y roma ri' tabana' utzil man tiyakatej awoyowal chuwe.

Wuj Richin ri Rutikeribel 50:18

Y xe'apon k'a ri rach'alal rik'in, xebexuke' chuwech y xkiqasaj-ki' k'a pan ulew y xkibij chire: Jare' ojk'o pan aq'a', niqayuquba-qi' pa samaj awik'in, xecha' chire.

Deut 33:16

Ri ruwach'ulew kan ta k'a xtuya' chiwe ronojel ruwech beyomel. Xtiqaqa ta más rutzil ri Jehová pan iwi' rix chikiwech ri iwach'alal. Ronojel re' xtuben ri Jehová ri xch'on-pe chupan ri k'ix ri nik'a'on pa q'aq'.

1 Sam 18:8

Ri Saúl kan man utz ta xrak'axaj ri xkibij ri ixoqi', roma ri' kan xyakatej janila royowal y xubij-qa pa ránima: Ri ixoqi' xkibij chi ri David xerukamisaj e 10,000, y jak'a yin xaxe ok 1,000 ri nikibij. Wakami xaxe chik k'a juba' nrajo' richin nikikusaj kan rey, xcha-qa.