Wuj Richin ri Rutikeribel 37:5 - Kaqchiquel Bible

⁵ Ri José xuben k'a jun achik', y toq xutzijoj chike ri rach'alal, rije' kan más k'a xketzelaj,

Wuj Richin ri Rutikeribel 37:5 ပူးပေါင်းရင်းမြစ်များ

Wuj Richin ri Rutikeribel 28:12

Y xrachik'aj k'a chi k'o k'a jun q'a'n ri eleneq-el pan ulew y napon k'a chuchi' ri kaj y ri ángel richin ri Dios pa cholaj yexule-yejote' chupan ri q'a'n ri'.

San Juan 17:14

Rije' kan nuya'on-wi k'a ri ach'abel chike. Jak'a ri winaqi' ri k'a kikuquban na kik'u'x rik'in re ruwach'ulew xeketzelaj, roma rije' man e richin ta chik re ruwach'ulew, achi'el yin man in richin ta re ruwach'ulew.

Joel 2:28

Chirij k'a ronojel re', xtinya-pe ri nu-Espíritu pan iwi' chi'iwonojel rix. Chi xtani' chi alaboni' xtikiq'alajirisaj ri ninbij chike. Y ri k'a e k'ajola', pa jun achi'el achik' xtikitz'et ri ninq'alajirisaj chike. Y ri rijita'q taq achi'a', k'o xkenq'alajirisaj chike pa kachik'.

Dn 4:5

Jak'a k'o jun aq'a' xinben jun achik', ri kan xuk'en-pe xibinri'il chuwe. Y keri' ink'o pa nuch'at janila xinch'ob rij ri xintz'et, y kan xsach nuk'u'x.

Wuj Richin ri Rutikeribel 42:9

K'ari', rija' xoqaqa k'a chuk'u'x ri rachik' ri e rubanalon chikij rije', y rija' xubij k'a chike: Rix xa ix nachanela', xa ix peteneq xaxe richin no'itz'eta' kan achike rubanon ri qaruwach'ulew, wi k'o ruchuq'a' o maneq, xcha'.

Am 3:7

Toq k'o ninwajo' ninben, ronojel mul ninq'alajirisaj chike ri e q'alajirisey nuch'abel.

Wuj Richin ri Q'axanri'il 12:6

Y ri Jehová xubij k'a chike: Tiwak'axaj k'a ri ch'abel ri xtinbij chiwe. Wi ta k'o jun q'alajirisanel ri nuch'abel ri chi'ikojolil, yin yich'on ta rik'in pan achik' o yik'utumej ta chuwech.

Wuj Richin ri Rutikeribel 37:4

Toq xkitz'et ri rach'alal chi ja rija' ri janila najowex roma ri kitata', kan janila k'a xketzelaj, kan man yech'on ta chik chire rik'in ajowabel.

1 Rey 3:5

Y k'o k'a jun aq'a' ri Jehová xuk'ut-ri' chuwech pa rachik', ri chiri' pa Gabaón, y xubij chire: Tak'utuj k'a chuwe xabachike nawajo', y yin kan xtinya' chawe, xcha'.

Dn 2:1

Toq ri Nabucodonosor ruchapon ka'i' juna' chi niq'aton-tzij, jari' toq xeruben k'iy achik', y roma ri' kan nisach ruk'u'x man niwer ta chik.

Wuj Richin Bix Chire ri Dios 25:14

Rat kan junan k'a awech kik'in ri nikinimaj atzij, y kan najikiba' chik jun bey ri asujun.

Wuj Richin ri Rutikeribel 49:23

Ri ch'abnela' ri e etzelanel richin, kan xkiya' pa q'axo'n, kan man nikiya' ta kan ruk'aqik ch'ab chirij.

Wuj Richin ri Rutikeribel 41:1

Y toq q'axineq chik k'a ka'i' juna', ri rey xuben jun achik'. Rija' xrachik'aj chi pa'el chuchi' ri raqen-ya' Nilo.

Wuj Richin ri Rutikeribel 40:5

Y chi e ka'i' rusamajela' ri rey, ri ek'o pa cárcel, chikijujunal xkiben k'a jun achik'. Y chikijujunal ri achik' ri' kan k'o k'a nuk'exewachuj.

Wuj Richin ri Rutikeribel 37:8

Jak'a ri rach'alal xkibij chire: ¿Xtaq'et ta k'a tzij rat pa qawi' roj? ¿Kan xkatok ta k'a aj-raqen chiqakojol?, xecha'. Xketzelaj k'a más roma ri rachik' roma kan xutzijoj chike.

Wuj Richin ri Rutikeribel 31:10

Y chupan k'a ri q'ij toq ri chikopi' ye'etz'an, jari' toq yin xinwachik'aj y xintz'et k'a chupan ri wachik' chi ri achija' taq tzuntzun ri yek'oje' kik'in ri ixoqi' taq tzuntzun, k'o seq y q'eq chikij, y chuqa' taq e xilon q'eq.

Wuj Richin ri Rutikeribel 31:11

Jari' toq ri ángel richin ri Dios xch'on wik'in ri pa wachik' y xubij: Jacob, xcha'. Y yin xinbij: Jare' ink'o wawe', xicha'.

Wuj Richin ri Rutikeribel 37:6

roma xubij chike: Tiwak'axaj re achik' re xinben.

Wuj Richin ri Rutikeribel 20:3

Y ri Dios xch'on pa rachik' ri Abimélec chupan ri aq'a' ri', y xubij chire: Wakami rat kan k'o chi xkaken roma re jun ixoq re xak'en-qa, xa k'ulan y k'o rachijil, xcha'.