Wuj Richin ri Rutikeribel 37:4 - Kaqchiquel Bible

⁴ Toq xkitz'et ri rach'alal chi ja rija' ri janila najowex roma ri kitata', kan janila k'a xketzelaj, kan man yech'on ta chik chire rik'in ajowabel.

Wuj Richin ri Rutikeribel 37:4 ပူးပေါင်းရင်းမြစ်များ

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

1 Juan 4:20

Y wi niqabij chi niqajo' ri Dios y xa niqetzelaj jun qach'alal, man qitzij ta ri niqabij. Roma wi man yeqajo' ta ri qach'alal ri kan yeqatz'et, ¿yojtikir kami niqajo' ri Dios ri xa man qatz'eton ta ruwech?

1 Juan 3:12

Man tiqaben achi'el xuben ri Caín ojer kan. Rija' kan richin-wi ri Itzel-Wineq y kan xukamisaj ri Abel ri ruchaq'. ¿Y achike k'a roma xukamisaj? Roma ri rubanobal kan e itzel jak'a ri rubanobal ri Abel kan e choj.

1 Juan 2:11

Jak'a ri netzelan richin jun rach'alal, kan pa q'equ'm k'o-wi, y kan chupan ri' nibiyin-wi. Y man retaman ta akuchi beneq-wi, roma ja ri q'equ'm banayon chire chi moyirineq.

Wuj Richin Bix Chire ri Dios 69:4

Yinketzelaj y xa man jun achike ta roma; janila k'a xek'iyer, y kan man e ajlatel ta chik, kan más chik k'a xek'iyer ke chuwech ri rusumal-nuwi'. Ri e etzelanel wichin kan xk'oje' k'a kuchuq'a'. Kan nikich'ojij k'a chuwe ri xa man xinweleq'aj ta.

1 Sam 17:28

Jak'a ri Eliab ri nimalaxel runimal ri David xyakatej royowal toq xrak'axaj chi ri David nitzijon kik'in ri achi'a' ri' y xubij chire: ¿Achike roma xape wawe'? ¿Achoq ik'in xe'aya-wi kan ri ka'i' oxi' taq qakarne'l ri ek'o pa tz'iran ruwach'ulew? Yin wetaman chi roma ri retzelal ri awánima y ri animirisanen at peteneq wawe', xaxe richin nawajo' natz'et ri oyowal, xcha'.

Wuj Richin ri Rutikeribel 37:5

Ri José xuben k'a jun achik', y toq xutzijoj chike ri rach'alal, rije' kan más k'a xketzelaj,

Wuj Richin ri Rutikeribel 4:5

Jak'a ri Jehová man xqa' ta chuwech ri Caín y man xuk'awomaj ta ri rusipanik. Y ri Caín kan janila k'a xpe royowal y kan xjalatej-qa ri ruwech.

Tito 3:3

Roma toq rubanon kan, roj chuqa' oj nakaneq rik'in ri qach'obonik. Man xojniman ta tzij, y yalan oj sachineq ri chiri'. Man xojtikir ta xqaq'il-qi' chuwech ri mak. Xa kan xqaben ronojel ri itzel ri xqarayij. Yalan itzel ri qak'aslen xqak'uaj. Itzel xeqatz'et ri ch'aqa' chik roma ri utz k'o kik'in. Y kan niqetzelaj-qi'.

Wuj Richin Bix Chire ri Dios 38:19

Ri e etzelanel wichin kan e janila e k'iy, y kan janila k'a kuchuq'a'. Kan janila k'a e k'iy ri ye'etzelan wichin, y xa man jun nubanon chike.

Wuj Richin ri Rutikeribel 49:23

Ri ch'abnela' ri e etzelanel richin, kan xkiya' pa q'axo'n, kan man nikiya' ta kan ruk'aqik ch'ab chirij.

Wuj Richin ri Rutikeribel 37:11

Ri rach'alal nich'upun kik'u'x chirij, jak'a ri rutata' janila nuch'ob rij re achik' re'.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

Wuj Richin ri Jeremías 12:6

Roma ri e awach'alal y ri e aj pan awachoch ja jun rije' xatkiq'ol. Ja jun rije' nikireq kichi' richin yech'on itzel chawij. Man takuquba' ak'u'x kik'in, stape' nikibij jebel taq ch'abel chawe, xcha' chuwe.

Marcos 3:25

Keri' chuqa' pa jun jay, wi xa yejalajo' chikiwech y yech'aratej, re winaqi' re' xa xkek'is.