Wuj Richin ri Rutikeribel 37:34 - Kaqchiquel Bible

³⁴ K'ari' rija' xuretz ri rutziaq chirij, xukusaj ri tzieq ri richin bis y janila k'iy q'ij xubisoj ri rukamik ri ruk'ajol.

Wuj Richin ri Rutikeribel 37:34 ပူးပေါင်းရင်းမြစ်များ

Wuj Richin ri Rutikeribel 37:29

Y ri Rubén toq xtzolin-pe akuchi beneq-wi y xbe akuchi k'o-wi ri jul, xutz'et chi xa maneq chik ri José chiri', xpe bis rik'in y roma ri' xuretz ri rutziaq chirij.

2 Sam 3:31

Chirij ri' ri David xubij chire ri Joab y ri ruwinaq, chi richin nibekimuqu' kan ri Abner, rije' k'o chi nikiretz ri kitziaq chikij, tikikusaj tzieq richin bis, y ke'ik'o-el chuwech ri kamineq. Y ri rey David chirij k'a ri kamineq xbe-wi.

Apocalipsis 11:3

Y yin xkenteq k'a el ri e ka'i' nusamajela', richin nikiq'alajirisaj ri nuch'abel chupan ri 42 ik' ri'.*f2* Y rije' kikusan tzieq richin bis, xcha'.

Hechos 14:14

Jak'a toq ri Bernabé y ri Pablo xkinabej ri nikich'ob ri winaqi', rije' xpe bis pa kánima, y roma ri' xkiretzela' ri kitziaq ri kikusan. Kan jari' k'a toq xe'ok rik'in uchuq'a' chikikojol ri winaqi', y nikibila' k'a chike:

San Mateo 26:65

Kan jari' ri Caifás xuretz-qa ri rutziaq chirij roma itzel xrak'axaj, y xubij: Man nik'atzin ta chi noqaqa chik jun richin norubij chiqe chi re Jesús kan aj-mak-wi. Rix, k'ari' niwak'axaj-qa chi'iwonojel chi xuyoq' rubi' ri Dios.

San Mateo 11:21

Kan toq'ex k'a iwech rix aj-Corazín; kan toq'ex k'a iwech rix ri aj-Betsaida, roma xa ja ta ri pa taq tinamit Tiro y Sidón xebanatej-wi ri meyel taq banobel ri', ri winaqi' aj chiri' kan xtzolej yan ta pe kik'u'x y kikusalon ta chik kitziaq richin bis, y kiyalon ta chik chaj chikij, richin nikik'ut ri bis.

Joel 2:13

Kan ja k'a ri iwánima ri janila tibison, y man ja ta ri niretz ri itziaq chiwij retal richin yixbison. Kan titzolej-pe ik'u'x rik'in ri Jehová ri qa-Dios, roma rija' janila nujoyowaj iwech y janila nikoch'on. Xa kan niyoke' na chire ri royowal, y kan janila nim ri rajowabal. Chuqa' rija' kan janila joyowanik k'o rik'in, y rija' jantape' nikuyun mak; y man nrajo' ta nuya-pe ri rutojbalil-mak.

Wuj Richin ri Jeremías 36:24

Y stape' ri Elnatán, ri Delaías y ri Guemarías xkik'utuj utzil chire ri rey chi man tuporoj ri wuj, rija' kan man xunimaj ta kitzij. Y man xkik'en ta k'a rukiy y man xkiretz ta k'a ri kitziaq chikij retal richin yebison, ni ri rey, ni konojel ri aj-raqen ri xkak'axaj ronojel ri xusik'ij ri Baruc.

Wuj Richin ri Isaías 36:22

K'ari' ri Eliaquim, ri Sebná y ri Joah xebe rik'in ri Ezequías, y xkiretz-el ri kitziaq chikij retal richin bis. Y toq xe'apon, k'ari' xbekitzijoj chire ronojel ri xubij kan ri aj-raqen pa kiwi' ri aj-labal aj-Asiria.

Wuj Richin ri Isaías 32:11

Rix ri kan man jun nimey, kan kixbaybot, rix ri kan ikuquban ik'u'x, kan kixruyikikej xibinri'il. Kan tiwelesaj k'a ri itziaq ri ikusan, y kan tikusaj tzieq richin bis.

Wuj Richin Bix Chire ri Dios 69:11

Toq ninkusaj ri nutziaq richin bis, konojel rije' nikiben chuwe chi yinok yakol kitze'en.

Wuj Richin ri Achin Job 2:12

Toq rije' ye'apon yan k'a apo rik'in, kan man niketamaj ta chik ruwech roma ri ruk'uluwachin. Jari' toq xkoq'ej ruwech rik'in raqoj-chi'ij, y chikijujunal rije' xkiretz ri kitziaq chikij y xkijopij ulew chikaj y pa kiwi'.

Wuj Richin ri Achin Job 1:20

Kan jari' toq ri Job xuretz ri rutziaq chirij roma bis, y xujuk'uk'ej-el ri rusumal-ruwi', y xuxuk-xumej-ri' richin xuya' ruq'ij ri Dios roma ri xuk'uluwachij,

Wuj Richin ri Nehemías 9:1

Y xkimol k'a ki' konojel ri nuwinaq, y chijun q'ij man jun kiway xkitej, xkikusaj kitziaq richin bis, y xkiya' poqolaj pa kijolon richin xkik'ut chi janila yebison. Y re' xbanatej chupan ri q'ij juwineq kaji' richin ri ik' wuqu'.

1 Crón 21:16

Toq ri David xtzu'un-q'anej, jari' toq xutz'et ri ángel k'o pa kinik'ajal ri ruwach'ulew y ri kaj, y ruk'uan jun espada relesan-el pa ruk'ojelibal richin nuq'ijuj ri Jerusalem. Ri David y ri e tata'al ri ek'o rik'in kan jari' xkilukuba-qa-ki' pan ulew. Y rije' kikusan ri tzieq richin bis.

2 Rey 19:1

Toq ri rey Ezequías xrak'axaj re', xuretz ri rutziaq y xukusaj tzieq richin bis y xbe pa rachoch ri Jehová.

1 Rey 21:27

Toq ri Acab xrak'axaj ri ch'abel ri xubij ri Elías, xuretz ri rutziaq chirij y xukusaj jun tzieq richin bis y kan man xwa' ta, y kan rik'in ri rutziaq ri' nikotz'e-qa; xuqasaj-ri' y kan janila k'a nibison ri nitzu'un.

1 Rey 20:31

K'ari' ri aj-samaj richin ri Ben-hadad xkibij chire: Roj qak'axan-pe chi ri e rey re wawe' pan Israel janila e joyowanel. Qakusaj k'a el ri qatziaq richin bis y tiqaya' el jun kolo' chiqaqul, y jo' rik'in ri rey Acab, rik'in juba' xa yojrukol kan y man yojrukamisaj ta, xecha' chire.

2 Sam 1:11

Toq ri David xrak'axaj chi keri' xbanatej, xuretz ri rutziaq chirij roma bis, y chuqa' keri' xkiben konojel achi'a' ri ek'o-apo rik'in.

Wuj Richin ri Josúe 7:6

K'ari' ri Josué y ri e tata'al kichin ri e rijatzul kan ri Israel xkiretz ri kitziaq chikij y xkijopij ulew pa kijolon, retal richin yebison. K'ari' xkiqasaj-ki' k'a pan ulew chuwech ri káxa richin ri rujikibel-tzij ri Jehová; keri' xkiben k'a toq xqaqa na ri q'ij. K'ari' xeyakatej-q'anej.

Wuj Richin ri Rutikeribel 42:38

Y ri rutata' xubij chire: Ri nuk'ajol man xtinya' ta el chiwij rix, roma ri José ri runimal xken yan, y xaxe chik rija' xk'oje' kan wik'in; y wi ta k'o jun nuk'uluwachij-pe chupan re taqikil re', ja rix k'o imak, wi yin xkiken roma bis chupan ri nurijixinen, xcha'.

Wuj Richin ri Rutikeribel 44:13

Rije' xkiretz ri kitziaq chikij roma bis, k'ari' xkiben chik pe ri rejqa'n ri kibur richin xetzolin chik pa tinamit.

2 Rey 2:12

Y toq ri Eliseo xutz'et keri', xsik'in y xubij: ¡Nata' yin, nata' yin, ri Jehová kan rubanon k'a chawe chi kan at jun nimalej to'onel y aj-labal richin ri tinamit Israel, xcha'. Y keri' kan man jun bey chik k'a xutz'et ruwech ri Elías. Chirij ri', ri Eliseo xuchop k'a ri rutziaq ri rukusan, y xuretz pa ka'i'.

2 Rey 22:11

Y toq ri Josías xrak'axaj ri nubij ri wuj richin ri pixa', xuretz ri rutziaq chirij roma bis.

1 Crón 7:22

Ri Efraín kan janila k'a k'iy q'ij xbison, y xe'apon ri e rach'alal rik'in richin xbekiq'ejela' kan.

Wuj Richin ri Achin Job 16:15

Y jari' xbanon chuwe chi janila yibison y nukusan ri tzieq richin bis. Xa maneq chik nuq'ij; xa jare' nutikiliben nik'aj-nuwech pan ulew.

Wuj Richin ri Jeremías 48:37

Konojel winaqi' xa xtikisokaj-el ri rusumal-kiwi', chuqa' xtikelesaj-el ri rusumal-kichi'. Konojel k'a xtikisokola' ri kiq'a' y xtikikusaj tzieq richin bis.

Wuj Kichin ri To'onela' 11:35

Y toq rija' xutz'et ri rumi'al, kan xuretz ri rutziaq chirij y xubij: ¡Numi'al yin, kan qitzij chi wakami xinaya' pa k'ayew! Kan ja chik k'a rat ri xatel-pe richin naya' re q'axo'n re' chuwe, roma yin kan k'o nusujun chire ri Jehová y man yitikir ta chik nintzolij-wi' chuwij, xcha'.