Wuj Richin ri Rutikeribel 37:18 - Kaqchiquel Bible

¹⁸ Toq ri rach'alal xkitz'et-pe nej, rije' xkinojij richin nikikamisaj.

Wuj Richin ri Rutikeribel 37:18 ပူးပေါင်းရင်းမြစ်များ

Hechos 23:12

Pa ruka'n q'ij chire ri tich'on ri ajaw Jesucristo rik'in ri Pablo, ek'o k'a chike ri judío ri pan ewel xkich'obola' achike ri xtikiben chire ri Pablo. Kan xkibij chi man xkewa' ta ni man xke'uk'ya' ta, wi man xketikir ta xtikikamisaj. Xkibij chuqa' chi kan ja ta k'a ri Dios ri xtiya'on ruk'ayewal pa kiwi', wi xtikiq'ej ri kitzij.

Marcos 14:1

Xa ka'i' chik k'a q'ij nrajo' richin chi napon ri q'ij toq ri aj-Israel nikinataj toq ri Dios xuya' ri Solbelri'il chike. Chuqa' nikinimaq'ijuj toq nikitej ri kaxlan-wey ri maneq ch'amilej-q'or rik'in. Jari' toq ri aj-raqen kichin ri sacerdote y ri etamanela' chirij ri pixa' nikich'obola' achike rubanik richin niqaqa ri Jesús pa kiq'a' y nikikamisaj.

Wuj Richin Bix Chire ri Dios 37:32

Ri banoy etzelal kan chaq nuq'elebej ri choj ruk'aslen, y nukanoj rubanik richin nukamisaj.

Wuj Richin Bix Chire ri Dios 37:12

Ri banoy etzelal nuch'ob richin nuben itzel chire ri choj ruk'aslen, y kan nuqach'ach'ej rey chirij.

1 Sam 19:1

Ri rey Saúl xubij chire ri Jonatán y chike konojel ri aj-raqen, richin nibekikamisaj kan ri David, jak'a ri Jonatán janila nrajo' ri David.

San Juan 11:53

Y kan ja q'ij ri' toq ri achi'a' ri kan k'o kiq'ij, xkiya' yan chikiwech chi xtikikamisaj ri Jesús.

Wuj Richin Bix Chire ri Dios 31:13

Kan yentz'et k'a ri winaqi' yech'owiyaj pa taq kixikin y yexebexot chuwij. Nikimol k'a ki' richin nikajo' yinkikamisaj.

Marcos 12:7

Jak'a toq ri e qajoy richin ri ulew xkitz'et chi ja ri ruk'ajol ri rajaw ri ulew ri xapon, xkibila-qa chikiwech: Jare' ri xtichinan kan ronojel re ulew. Wakami tiqakamisaj richin niqichinaj kan roj ri ulew, xecha'.

San Mateo 27:1

Y toq xseqer-pe, konojel k'a ri aj-raqen pa kiwi' ri sacerdote y ri achi'a' ri kan k'o-wi kiq'ij, xkimol-ki' richin chi nikich'ob achike nikiben richin nikiteq ri Jesús pa kamik.

San Mateo 21:38

Jak'a ri e qajayon ri ulew, kan xaxe xkitz'et chi ja ri ruk'ajol ri rajaw ri ulew ri xapon, xkibila-qa chikiwech: Jare' ri xtichinan kan ronojel re ulew re qaqajon. ¿Achike roma man niqakamisaj? Richin keri' pa qaq'a' roj nik'oje-wi kan re ulew, xecha' k'a.

Wuj Richin Bix Chire ri Dios 109:4

Yin janila utz xinben kik'in, jak'a rije' xa xe'ok etzelanel wichin. Man rik'in ri' yin kan jantape' yich'on awik'in.

Wuj Richin Bix Chire ri Dios 105:25

Xuben k'a chike ri aj-Egipto richin itzel xekitz'et. Y xuben chi xpe itzel taq ch'obonik chikij.

Wuj Richin Bix Chire ri Dios 94:21

Ri winaqi' ri' xa kan nikimol k'a ki' richin nikelesaj ri ruk'aslen ri utzilej wineq. Nikiben k'a chire ri maneq rumak, chi nutoj rumak.

Wuj Richin ri Rutikeribel 37:19

Y rije' xkibila-qa chikiwech: Jare' peteneq ri achik'anel.

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Wuj Richin ri Rutikeribel 50:15

Toq kamineq chik k'a ri Jacob, ri e rach'alal ri José xkich'ob: Rik'in juba' ri José k'a k'o chuk'u'x ri xqaben chire y wakami xtuben ruk'exel chiqe, xecha-qa.

Wuj Richin ri Rutikeribel 50:20

Rix xich'ob chi niben itzel chuwe yin, jak'a ri Dios xixrukusaj richin utz, richin chi nitz'et chi xinkol kik'aslen janila chi winaqi'.

Wuj Richin Bix Chire ri Dios 31:14

Jak'a yin kan nukuquban nuk'u'x awik'in rat Jehová, roma kan ja rat at nu-Dios.