Wuj Richin ri Rutikeribel 34:7 - Kaqchiquel Bible

⁷ Ri e ruk'ajol ri Jacob xetzolej-pe pa juyu', jari' toq xketamaj, y rije' janila xyakatej koyowal roma kan janila itzel xuben ri Siquem chikikojol ri e rijatzul ri Israel, roma xuqasaj ruq'ij ri rumi'al ri Jacob, ri kan man ruk'amon ta chi nibanatej keri'.

Wuj Richin ri Rutikeribel 34:7 ပူးပေါင်းရင်းမြစ်များ

Wuj Kichin ri To'onela' 20:6

Y roma ri' yin xinwelesaj pa kablajuj peraj ri ruch'akul ri nu-concubina, y xinteq jujun peraj pa taq itzobaj richin niwetamaj re jun nimalej etzelal y kamik re xbanatej chupan re qaruwach'ulew Israel.

Wuj Richin ri Josúe 7:15

Y ri xtilitej chi k'o rik'in ri banon chire chi nik'is jumul, xtiporox k'a: Rija' y ronojel ri k'o rik'in, roma xuq'ej ruwi' ri rujikibel-tzij ri Jehová y roma kan xuben re jun mak re' chiqakojol roj, xkacha' chike, xcha' ri Jehová.

Deut 22:21

k'ari' xtelesex-el chuchi' ri rachoch ri rutata' y ri achi'a' richin ri tinamit ri' xtikikamisaj chi abej, roma kan janila nim ri itzel xuben pan Israel, roma xk'oje' yan achin rik'in toq k'a k'o na pa rachoch ri rutata'. Y keri' xtelesex ri etzelal chi'ikojol rix.

Hebreos 13:4

Tiya' ruq'ij ri k'ulubik. Roma ri achijlonel y ri ixjayilonel man yemakun ta toq nikik'uaj-ki' chupan ri k'ulubik. Jak'a wi nikikanoj jun chik richin yek'oje' kik'in kan yemakun. Chuqa' ri man e k'ulan ta y nikikanoj jun richin yek'oje' rik'in, xa yemakun. Y ri Dios kan xtuq'et k'a tzij pa kiwi' ri keri' nikiben.

Wuj Richin ri Rutikeribel 20:9

K'ari' ri Abimélec xroyoj ri Abraham y xubij chire: ¿Achike k'a ri xawajo' ri xaben ta chiqe? ¿Achike ta k'a itzel banobel ri nubanon chawe richin xak'en-pe re jun nimalej mak re' pa nuwi' y pa kiwi' konojel ri winaqi' ri ek'o chupan re ruwach'ulew re'? Re' kan man utz ta ri xaben wik'in yin.

1 Pedro 2:9

Jak'a rix kan ix jun tinamit ri kan ix cha'on roma rija', roma ja rija' ri xelesan-pe iwichin chupan ri q'equ'm y xixruya' chupan ri saqil. Xuben chi xixok ru-sacerdote, jun loq'olej rutinamit y xixok ruwinaq richin chi nitzijoj ri meyel taq rubanobal.

Santiago 3:10

Rik'in ri qaq' niqaya' ri urtisanik, y rik'in chuqa' ri' niqaya' ri etzelanik. Wach'alal, man ruk'amon ta chi keri' niqaben.

Efesios 5:3

Roma rix kan ix loq'olej, man niben ri nirayij. Chi achin chi ixoq man tikanola-iwi' richin yixmakun, ni man tiben ch'aqa' chik etzelal ke taq ri'. Man ruk'amon ta richin nirayij-apo ri utz ri k'o rik'in jun chik.

1 Corintios 10:8

Chuqa' man tiben chi ri achi'a' y ri ixoqi' nikikanola-ki' richin yemakun achi'el xkiben rije', y roma ri' pa jun q'ij xeken e 23,000 winaqi'.

1 Corintios 6:18

Y rija' kan nrajo' chi rix achi'a' y rix ixoqi' kixanimej chuwech ri mak, y man tikanola-iwi' richin ye'ibanala' ri itzel taq banobel ri'. Ronojel ruwech mak man jun nuben chire ri ruch'akul ri wineq ri nibanon, jak'a re mak re' kan nuya' pa k'ayew ri ruch'akul ri wineq ri nibanon keri'.

Wuj Richin Etamabel-Tzij 7:7

Xentz'et k'a pe ri k'a e k'ajola' na, y chikikojol rije' jun ri xa kan k'a man jani k'o ta runa'oj.

Wuj Richin Bix Chire ri Dios 93:5

Nimalej Jehová, ri apixa' rat kan jari' k'a ri choj. Ri ruch'ajch'ojil kan jari' ri ruk'amon chire ri awachoch. Kan keri' k'a nimalej Jehová, tibe-q'ij tibe-seq.

2 Sam 13:21

Y toq ri David xrak'axaj ronojel re', kan janila k'a xyakatej royowal. Jak'a man jun xubij chire ri Amnón roma kan jari' ri nabey ruk'ajol, y janila nrajo'

Deut 23:17

Man tichop jun itzel k'aslen achi'el nikiben ri ch'aqa' chik winaqi', chi ri ixoqi' yek'oje' kik'in achi'a', y ri achi'a' yek'oje' kik'in kach achi'a' pa rachoch ri ki-dios, richin yeqa' chuwech ri ki-dios.

Wuj Richin ri Chojmirisabelri'il 4:27

Wi k'o jun chike ri winaqi' nuq'ej ruwi' jun chike ri nupixa', y man xunabej ta chi man utz ta ri xuben,

Wuj Richin ri Chojmirisabelri'il 4:13

Jak'a wi konojel ri winaqi' israelita xkiq'ej ruwi' ri nupixa' y man xkinabej ta chi man utz ta ri xkiben, re' kan xemakun k'a chinuwech.

Wuj Richin ri Chojmirisabelri'il 4:2

tubij chike ri ruwinaq chi wi k'o ta jun wineq ri nuq'ej ruwi' ri pixa' richin jantape' y man ruch'obon ta richin keri' nuben; kan kere' k'a ri xtuben:

Wuj Richin ri Rutikeribel 46:7

Konojel k'a xebe, ri ruk'ajol, ri rumi'al, y konojel rumam chi xten chi ala'.

1 Timoteo 5:13

Xa xtikichop yeq'oran, yebe chi taq jay. Y man xaxe ta chik ri yeq'oran, xa nikichop nikikamulula' tzij, nikijula-apo-ki' xabakuchi y nikibila' tzij ri man e ruk'amon ta.

Colosenses 3:5

Roma ri', kan tikamisaj ri itzel taq rayinik ri xa richin re ruwach'ulew. Ri achi'a' y ri ixoqi' man tikikanola-ki' richin yemakun. Kan man k'a kixok man ix ch'ajch'oj ta. Man tiya' q'ij chire ri itzel taq irayibel. Man chik tirayij chi iwik'in ta rix k'o-wi ronojel. Roma ri keri' xa kan junan rik'in ri niya' ta kiq'ij ri dios ri xa man e qitzij ta.

Wuj Richin ri Rutikeribel 34:6

Y jari' toq ri rutata' ri Siquem xbe rik'in ri Jacob richin xberuk'utuj ri rumi'al.

Wuj Richin ri Rutikeribel 34:8

Jak'a ri Hamor xbech'on k'a kik'in rije' y xubij chike: Ri nuk'ajol Siquem kan xbe ránima chirij ri iwana' rix. Roma ri' tibana' utzil tiya' q'ij richin nok rixjayil,

Deut 22:20

Jak'a wi nibek'ulun-pe chi qitzij xa man xten ta chik,

Wuj Richin ri Jeremías 29:23

Kere' ri xtikik'uluwachij roma man utz ta xekiben chiri' pan Israel. Kan xemakun kik'in ri kixjayilal ri kachpochel. Y roma pa nubi' yin, xkibij ch'abel ri man e qitzij ta, ri xa man nubin ta chike richin nikiben. Yin Jehová kan wetaman ronojel re' y kan nutz'eton, xcha' ri Dios chupan ri wuj.