Wuj Richin ri Rutikeribel 34:1 - Kaqchiquel Bible

¹ K'o k'a jun q'ij ri Dina ri ral ri Lea, rumi'al ri Jacob, xel-el pa rachoch chi retamaxik kiwech ri xtani' aj chiri' chupan ri ruwach'ulew ri'.

Wuj Richin ri Rutikeribel 34:1 ပူးပေါင်းရင်းမြစ်များ

Wuj Richin ri Rutikeribel 30:21

Chikij k'a konojel re ral re', xk'oje' jun ral xten y xubini'aj Dina.

Wuj Richin ri Jeremías 2:36

¿Achike k'a roma kan chaq jantape' niwajo' yixbe-kela' yixbe-kela', richin nikanoj to'onik? Ri ruwach'ulew Egipto chuqa' xkixruk'ixbisaj achi'el xixruk'ixbisaj ri ruwach'ulew Asiria.

1 Timoteo 5:13

Xa xtikichop yeq'oran, yebe chi taq jay. Y man xaxe ta chik ri yeq'oran, xa nikichop nikikamulula' tzij, nikijula-apo-ki' xabakuchi y nikibila' tzij ri man e ruk'amon ta.

Wuj Richin ri Rutikeribel 46:15

E waqxaqi' ruk'ajol ri Jacob ri xek'oje' rik'in ri Lea pa Padán-aram y ri ch'aqa' chik ri e riy y ri e ruxikin riy ri Lea e juwineq oxlajuj konojel. Y ri Dina ral chuqa' ri Lea.

Wuj Richin ri Rutikeribel 30:13

K'ari' ri Lea xubij: Re ak'ual re' xtubini'aj Aser. Y re bi'aj re' nel chi tzij Kikoten. Y chuqa' xubij: Ri ixoqi' xtikibij chuwe: Utz ruwa-nuq'ij, y yin kan janila xkikikot, xcha'.

Wuj Richin ri Rutikeribel 28:6

Ri Esaú xutz'et toq xban ch'owen rik'in ri Jacob y xtaq-el k'a pa Padán-aram, richin chi chiri' tik'ule-wi y xrak'axaj toq xbix chire: Man takanoj awixjayil chikikojol re xtani' aj-Canaán, xuche'ex.

Wuj Richin ri Rutikeribel 27:46

Y jun q'ij ri Rebeca xapon rik'in ri rachijil y xubij chire: Janila xik'o yan nuk'u'x kik'in ri ixoqi' hitita la e rixjayil ri Esaú. Y wi ri Jacob xtik'ule' chik rik'in jun xten hitita achi'el ri ek'o wawe' pa Canaán, más utz ta wi yiken, xcha' ri Rebeca.

Wuj Richin ri Rutikeribel 26:34

Toq ri Esaú k'o chik kawineq rujuna' xk'ule' rik'in ri Judit rumi'al ri Beerí ri hitita. Chuqa' xk'ule' rik'in ri Basemat rumi'al chuqa' jun hitita rubini'an Elón.

Tito 2:5

chi nikiq'et ta ki' chubanik ri man ruk'amon ta, nikik'uaj ta jun k'aslen ch'ajch'oj, beneq ta ruwech nikiben ri k'atzinel pa kachoch, nikiben ta ri utz kik'in konojel y nikinimaj ta kitzij ri kachijilal; richin chi man niyoq'otej ta ri ruch'abel ri Dios.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.