Wuj Richin ri Rutikeribel 33:9 - Kaqchiquel Bible

⁹ Y ri Esaú xubij: Ni, wach'alal yin. Yin k'iy k'o wik'in. Tik'oje' kan awik'in rat, la' kan e awichin wi rat, xcha'.

Wuj Richin ri Rutikeribel 33:9 ပူးပေါင်းရင်းမြစ်များ

Wuj Richin ri Rutikeribel 27:39

K'ari' ri Isaac xubij chire ri Esaú: Xkak'oje' nej chire ri ruwach'ulew ri niwachin, chuqa' nej xkak'oje-wi chire ri ruwach'ulew ri akuchi niqaqa raxq'ab y job richin chila' chikaj.

Filemón 1:7

Wach'alal Filemón, wak'axan chi janila ye'awajo' ri qach'alal y k'iy kikoten aya'on pa taq kánima. Y roma ri' yin chuqa' janila kikoten k'o pa wánima, y rik'in ri' xaben chuwe richin xinkuquba' nuk'u'x.

Filemón 1:16

Toq rija' xel-pe awik'in, xa choj jun loq'on samajel. Jak'a re wakami man xaxe ta asamajel, xa kan qach'alal chik roma xunimaj yan ri Jesucristo. Stape' yin kan janila ninwajo' ri Onésimo, rat kan más ta k'a xtawajo'.

Hechos 21:20

Toq xkak'axaj ri xubij ri Pablo chike, rije' xkiya' k'a ruq'ij-ruk'ojlen ri Dios roma ri'. Jak'a rije' xkibij chire ri Pablo: Qach'alal, janila k'a nikikot ri qánima roma ri xatzijoj-qa chiqe, jak'a ek'o man keri' ta. Rat kan awetaman chik k'a chi e janila e k'iy judío ri kiniman chik, y ja rije' k'a ri yebin chi kan nik'atzin chi niban ri nubij chupan ri pixa' ri richin kan ri Moisés.

Hechos 9:17

K'ari' ri Ananías kan xberukanoj na wi ri Saulo k'a chupan ri jay ri bin-wi-el chire. Jak'a toq k'o chik ri chiri' pa jay rik'in ri Saulo, xuya' k'a ruq'a' pa ruwi' y xubij k'a chire: Wach'alal Saulo, ri ajaw Jesús ri xuk'ut-ri' chawech toq achapon-pe bey pa Damasco, xiruteq k'a pe awik'in richin chi yatzu'un chik jun bey, y richin chi niqaqa chuqa' ri Loq'olej Espíritu pan awi' richin nunojisaj ri awánima, xcha' ri Ananías chire.

Wuj Richin ri Molojri'il 4:8

Etaman k'a chirij jun achin ri xa ruyon k'o: Maneq rixjayil, maneq ralk'ual y man jun chuqa' rach'alal. Man rik'in ri' man nitane' ta chi samaj y man nikuqer ta ruk'u'x rik'in ri rubeyomel ri rumolon chik y kan man nubij ta qa juba', ¿achoq roma k'a janila yisamej? Y ¿achike roma man yik'ase' ta juba' chi utzil man nicha' ta qa? Ronojel re' xa kan q'axel y janila samaj ruk'amon-pe.

Wuj Richin Etamabel-Tzij 16:7

Toq ri rubanobal ri wineq kan niqa' chuwech ri Jehová, kan e jajun chuqa' ri winaqi' ri ye'etzelan richin, nisiliso-qa ri koyowal chirij.

Wuj Kichin ri To'onela' 20:23

roma rije' kan xejote' k'a q'anej pa rachoch ri Jehová ri jun q'ij kan y chijun q'ij xe'oq' chuwech k'a toq xok na pe ri aq'a'. Rije' xkik'utuj k'a chire ri Jehová wi utz yebe chik jun bey richin nibekibana' oyowal kik'in ri aj-Benjamín, ri e kach'alal. Y ri Jehová kan xubij k'a chi utz yeyakatej chik el chikij.

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Wuj Richin ri Rutikeribel 4:9

Y ri Jehová xubij chire ri Caín: ¿Akuchi k'o-wi ri achaq' Abel?, xcha'. Y rija' xubij: Man wetaman ta. ¿Yin kami in chajiy richin ri nuchaq'?, xcha'.

Wuj Richin Etamabel-Tzij 30:15

Ri jut rubini'an sanguijuéla ek'o ka'i' ral, ri kan jantape' nikibij: Taya' qaway, taya' qaway; chuqa' chuwech re ruwach'ulew ek'o e oxi' ri man nikuqer ta kik'u'x, xa kan jantape' k'o ri nikajo'; y k'o chik jun rukaj ri chaq nrajo' y nrajo' y man jun bey ri nubij ta, ni chik.

Wuj Richin ri Rutikeribel 27:40

Rik'in k'a ri a-espada xtato-awi' y xtawilij k'a ri achaq' y xtibanatej k'a chi toq xtik'oje' awuchuq'a' xtawelesaj-awi' chuxe' ri ruchuq'a' ri achaq', xcha'.

Wuj Richin ri Rutikeribel 33:10

Jak'a ri Jacob xubij chire: Yin nink'utuj utzil chawe chi wi kan qitzij xjunamatej-qawech, tak'ulu' re nusipanik re nuk'amon-pe chawe, roma re xqatz'et chik qawech, kan achi'el xintz'et ruwech ri Dios. Roma kan rik'in utzil xinak'ul.