Wuj Richin ri Rutikeribel 32:9 - Kaqchiquel Bible

⁹ Y jari' toq rija' xubij: Ri Dios richin ri numama' Abraham y richin ri nata' Isaac, rat Jehová ri xabij chuwe chi kitzolin chupan ri nuruwach'ulew kik'in ri wach'alal y kan xtaya' urtisanik pa nuwi':

Wuj Richin ri Rutikeribel 32:9 ပူးပေါင်းရင်းမြစ်များ

Wuj Richin ri Rutikeribel 17:7

Ri jikibel-tzij ri xinben awik'in, chuqa' keri' xtinbenbana' kik'in konojel ri awijatzul, chi wiq chi tanaj ri xkepe chiqawech-apo richin q'asen, chi ja yin xkinok a-Dios y xkinok ki-Dios rije'.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

Wuj Richin ri Rutikeribel 28:15

Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.

Wuj Richin ri Rutikeribel 31:13

Ja yin ri in Dios richin Betel akuchi xaya-wi kan aceite pa ruwi' ri abej y akuchi xajikiba-wi ri ach'abel chinuwech, wakami kayakatej k'a y katel-el chupan re ruwach'ulew re'. Katzolin akuchi xatalex-wi, xcha' chuwe, xcha'.

Wuj Richin ri Rutikeribel 31:29

Yin kan k'o nuq'a' pan iwi' richin chi ninben itzel chiwe chi'iwonojel. Jak'a chupan re aq'a' re xq'ax kan, ri Dios richin ri atata' xch'on wik'in y xubij chuwe: Man kabech'on rik'in ri Jacob chi oyowal, xcha'.

Wuj Richin ri Rutikeribel 31:3

Y ri Jehová xch'on k'a rik'in ri Jacob y xubij chire: Más utz chi yatzolin pa kiruwach'ulew ri awati't-amama' ri akuchi ek'o-wi ri awach'alal y yin kan xkibe awik'in, xcha' chire.

Wuj Richin ri Rutikeribel 31:42

Y xa man ta k'o ri Dios richin ri Abraham wik'in, ri ru-Dios chuqa' ri nata' Isaac, ri kan jantape' xk'oje' rukiy chuwech, xa choj ta keri' xinateq-pe, y man jun ta xaya-pe chuwe. Jak'a ri Dios xutz'et chi janila xintej poqon awik'in y janila xisamej, roma ri' xch'on awik'in ri chaq'a' chi man kach'on wik'in chi oyowal, xcha' ri Jacob chire ri Labán.

Wuj Richin ri Rutikeribel 31:53

Ja ri ki-Dios ri amama' ri Abraham y ri Nacor xtiq'aton-tzij pa qawi' roj oj ka'i', xcha' ri Labán. Y ri Jacob xujikiba-rutzij chuwech ri ki-Dios ri rutata' y ru-Dios chuqa' rija'.

Wuj Richin ri Rutikeribel 32:8

Y xubij: Wi ta ri Esaú yeruchop ta chi oyowal jun chike ri tzobaj, ri jun chik tzobaj xtikolotej kan.

Wuj Richin ri Rutikeribel 49:25

Jak'a ri nu-Dios yin ri in atata' ri xtito'on awichin; ja ri Dios ri k'o ronojel uchuq'a' pa ruq'a' ri xturtisan awichin, kan xkarurtisaj-pe rik'in ri job ri niqaqa-pe chila' chikaj, kan xkarurtisaj k'a rik'in ri ya' ri k'o pa ruk'u'x re ruwach'ulew. Ri ak'uala' kan k'o k'a ri xtikitz'umaj y kan k'o chuqa' ak'uala' xke'alex.

2 Crón 20:12

¡Nimalej qa-Dios roj! Rat k'a xkaq'aton-tzij pa kiwi' ri winaqi' ri e yakatajineq-pe chiqij, roma roj kan maneq quchuq'a', y rije' kan janila e k'iy; roj man qetaman ta k'a achike ri k'atzinel chi niqaben, y roma ri' kan awik'in k'a rat niqakuquba' qak'u'x chi rat xqojato', xcha' ri Josafat.

2 Crón 20:6

y xch'on rik'in ri Jehová, y xubij: Jehová ri at qa-Dios roj y kichin kan ri qati't-qamama', rat kan k'a chila' k'a chikaj naq'et-pe-tzij pa kiwi' ri q'atbel taq tzij richin ri ruwach'ulew. Pan aq'a' k'a rat k'o-wi ronojel uchuq'a' y kan man jun xtich'akon chawij.

2 Crón 32:20

Jak'a ri rey Ezequías y ri q'alajirisey ruch'abel ri Dios rubini'an Isaías, ruk'ajol kan ri Amós, xech'on rik'in ri Dios y xkik'utuj to'onik chila' chikaj.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Ex 3:6

Y chuqa' xubij chire: Ja yin ri ru-Dios ri atata', ri ru-Dios ri Abraham, ri ru-Dios ri Isaac, y ri ru-Dios ri Jacob, xcha' chire. Toq xrak'axaj keri', ri Moisés xrewaj rupalej, roma xuxibij-ri' richin nutzu' ruwech ri Dios.

Wuj Richin ri Jeremías 32:16

Toq xinya' yan el ri ruwujil ri ulew chire ri Baruc, jari' toq yin xich'on rik'in ri Jehová y kere' xinbij chire:

1 Sam 30:6

Ri David janila bis k'o rik'in roma ri achi'a' ri e beneq rik'in nikibij chi nikik'eq chi abej roma ri xbanatej. Chijun k'a tinamit janila niq'axon ri kánima roma ri kalk'ual. Jak'a ri David kan xril ruchuq'a' rik'in ri Jehová ri ru-Dios.