Wuj Richin ri Rutikeribel 32:5 - Kaqchiquel Bible

⁵ Wakami ek'o chik nuwákix y ek'o nubur, ek'o chuqa' nukarne'l, nutzuntzun, ek'o e k'iy nusamajela' chi achi'a' chi ixoqi'. Ninteq rubixik re' chawe richin rat yinak'ul ta chi utzil, xcha' ri Jacob.

Wuj Richin ri Rutikeribel 32:5 ပူးပေါင်းရင်းမြစ်များ

Wuj Richin ri Rutikeribel 33:8

Y ri Esaú xuk'utuj chire ri Jacob: ¿Achike nawajo' nach'ek rik'in ri q'ataj awej ri e nuk'ulun kan pa bey?, xcha'. Y ri Jacob xubij: Richin yensipaj chawe richin ninwil utzil awik'in, xcha'.

Wuj Richin ri Rutikeribel 33:15

Y ri Esaú xubij: Wi keri', taya' q'ij chuwe richin yenya' kan e ka'i-oxi' achi'a' awik'in ri e peteneq chuwij, xcha'. Jak'a ri Jacob xubij chire: Man nik'atzin ta chi naben keri'. Yin xa yiruben rik'in ri xinwil utzil awik'in rat, wajaw yin, xcha'.

Wuj Richin ri Achin Job 6:22

Jak'a yin k'a man jun ri nuk'utun ta chiwe. Man nuk'utun ta méro chiwe; ni man nuk'utun ta chiwe ri ibeyomel chi'ijujunal.

2 Sam 16:4

K'ari' ri rey xubij chire ri Sibá: Wakami k'a, ronojel ri rulew ri Mefi-bóset xtinwelesaj chire y xtinya' chawe rat, xcha'. K'ari' ri Sibá xubij: Yin ri in asamajel. Kan xtinqasaj k'a wi' chawech, y kan ta beneq ruwech xtinwil utzil awik'in rat, xcha'.

1 Sam 1:18

K'ari' ri Ana xumatioxij kan chire, y xtzolin ri akuchi k'o-wi, xbewa' y kan janila xkikot.

Wuj Richin ri Rut 2:2

Y k'o k'a jun q'ij ri Rut xubij chire ri ralite': Tabana' utzil, taya' q'ij chuwe richin chi yibe pa juyu', richin yibepich'olin pa rulew ri xtijoyowan nuwech, xcha'. Y ri Noemí xuya' k'a el q'ij chire.

Wuj Richin ri Rutikeribel 47:25

Y rije' xkibij: Rat janila at utz naben qik'in, roma yojakol chuwech ri kamik. Roma ri' wakami niqayuquba-apo-qi' pa rusamaj ri rey, xecha'.

Wuj Richin ri Rutikeribel 33:11

Tak'ulu' k'a re jun sipanik re nuk'amon-pe chawe, roma yin kan nuk'ulun ri rutzil ri Dios y k'o wik'in ronojel ri nik'atzin chuwe, xcha'. Y k'iy k'a mul xusuj chire y k'ari' ri Esaú xuk'ul.

Wuj Richin ri Rutikeribel 31:16

Roma ronojel ri rubeyomel ri qatata', xa xelesex yan chire roma ri Dios y xok k'a kan qichin roj y kichin ri qal. Wakami k'a tabana' ronojel ri nubij ri Dios chawe, xecha' ri rixjayilal chire.

Wuj Richin ri Rutikeribel 30:43

Keri' toq janila xbeyomer ri Jacob, xek'oje' k'a e k'iy ixoqi' y achija' taq rawej, y e k'iy rusamajela' chi achi'a' chi ixoqi' ri e ximil pa samaj rik'in y e k'iy ru-camello y rubur.

San Lucas 12:45

Jak'a ek'o ch'aqa' chik samajela' nikich'ob-qa pa kánima chi ri kajaw xa k'a man jani noqaqa, y nikichop ta k'a kich'ayik ri ch'aqa' chik samajela' chi achi'a' chi ixoqi', y xaxe ta wa'in nikiben, y nikichop q'abarik.

Wuj Richin ri Rutikeribel 31:3

Y ri Jehová xch'on k'a rik'in ri Jacob y xubij chire: Más utz chi yatzolin pa kiruwach'ulew ri awati't-amama' ri akuchi ek'o-wi ri awach'alal y yin kan xkibe awik'in, xcha' chire.