Wuj Richin ri Rutikeribel 32:4 - Kaqchiquel Bible

⁴ Y rija' xubij-el chike ri k'o chi nibekibij chire: Kere' rubin-pe ri asamajel Jacob: Chiri' pa rachoch ri qach'utitata' Labán xinapon-wi y chiri' xik'oje-wi k'a ri q'ij toq xinel-pe re wakami.

Wuj Richin ri Rutikeribel 32:4 ပူးပေါင်းရင်းမြစ်များ

1 Pedro 3:6

achi'el xuben ri Sara. Rija' kan xunimaj rutzij ri Abraham ri rachijil, y kan ajaw xcha' chire. Y rix kan xkixok achi'el ri Sara wi nik'uaj jun utzilej k'aslen, y man jun achoq chuwech xtixibij-iwi'.*f5*

San Lucas 14:11

Roma ri', ri nikinimirisaj-ki', xa xtiqasex kiq'ij. Jak'a ri kan ruqasan-ri', xtinimirisex ruq'ij, xcha' ri Jesús.

Wuj Richin ri Molojri'il 10:4

Wi ri runa'oj ri q'atoy-tzij man utz ta chik awik'in rat, man tisach ak'u'x, xa taqasaj-awi' y re' nuben chawe chi man naben ta ri man ruk'amon ta.

Wuj Richin Etamabel-Tzij 15:1

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Wuj Richin Etamabel-Tzij 6:3

Wakami k'a, rix walk'ual alaboni', kan kere' k'a tibana' richin nikol-iwi' chuwech ri k'as ri', roma re wakami kan pa kiq'a' ri iwachibil ixk'o-wi, kan kixapon kik'in, kan kixkamela'an chikiwech, tinataj ri k'as chike stape' man niqa' ta chikiwech.

1 Rey 20:32

Y ri e aj-samaj richin ri rey xkikusaj k'a el ri kitziaq richin bis y xkiya' k'a el kolo' chikiqul y xebe k'a rik'in ri Acab ri rey richin Israel y xkibij chire: Ri asamajel Ben-hadad nubij-pe chi takuyu' rumak y taya' kan ruk'aslen, xecha'. Y ri Acab xuk'utuj wi k'a k'es na rija', y xubij chi ri Ben-hadad xa kan achi'el jun rach'alal.

1 Sam 26:17

Ri Saúl xrak'axaj k'a ri ruch'abel ri David, y xubij: ¿Ja ach'abel rat David ri at achi'el nuk'ajol ri ninwak'axaj?, xcha'. Y ri David xubij chi ja rija'.

Ex 32:22

Y ri Aarón xubij: Táta, man tipe awoyowal chuwe, roma rat kan awetaman chi re winaqi' re' kan niqa' chikiwech richin yemakun.

Wuj Richin ri Rutikeribel 33:8

Y ri Esaú xuk'utuj chire ri Jacob: ¿Achike nawajo' nach'ek rik'in ri q'ataj awej ri e nuk'ulun kan pa bey?, xcha'. Y ri Jacob xubij: Richin yensipaj chawe richin ninwil utzil awik'in, xcha'.

Wuj Richin ri Rutikeribel 32:18

K'ari' rat xtabij k'a chire: Re' e richin ri Jacob, ri asamajel, y e rutaqon-pe richin jun sipanik chire ri wajaw Esaú, y ri wajaw Jacob xambey kan, xkacha' chire.

Wuj Richin ri Rutikeribel 32:5

Wakami ek'o chik nuwákix y ek'o nubur, ek'o chuqa' nukarne'l, nutzuntzun, ek'o e k'iy nusamajela' chi achi'a' chi ixoqi'. Ninteq rubixik re' chawe richin rat yinak'ul ta chi utzil, xcha' ri Jacob.

Wuj Richin ri Rutikeribel 27:37

Y ri Isaac xubij chire ri ruk'ajol: Yin xinben yan k'a chire ri Jacob chi ja rija' xtik'oje' pan awi' rat y xinbij chi konojel ri rach'alal xke'ok rusamajela' y kan xkeruxim pa samaj, y xinbij chi xtuk'ul ta k'a pa ruk'iyal ri trigo y ri vino. ¿Achike chik ta k'a xtinben pan awi' rat, nuk'ajol yin?, xcha'.

Wuj Richin ri Rutikeribel 27:29

Y xkatkisamajij k'a konojel ri tinamit. y ri tzobaj winaqi' richin nima'q taq ruwach'ulew xkexuke' k'a chawech; Jak'a rat ri xkak'oje' pa kiwi' ri awach'alal, y kan xtikiqasaj k'a ki' chawech konojel ri e ral ri ate'. Xtiqaqa etzelanik pa kiwi' ri xke'etzelan awichin; y jebel ruwa-kiq'ij ri xke'ajowan awichin, xcha'.

Wuj Richin ri Rutikeribel 23:6

Táta, tamuqu' k'a ri akaminaq chupan ri jul ri akuchi nawajo-wi rat; y kan xtiqaya' k'a chawe ri akuchi nawajo-wi. Roma roj kan qetaman chi rat at jun nimalej tata'al richin ri Dios chiqakojol, xecha' chire.

Wuj Richin ri Rutikeribel 4:7

Roma toq ja ri utz ri naben, nak'ul ri aq'ij; ja wi xa ja ri itzel ri naben, ri mak kan at ruq'eleben k'a y nrajo' yaruchop. Jak'a rat k'o chi yach'akon chirij, xcha'.

Wuj Richin ri Rutikeribel 31:41

Keri' nubanon-pe kawineq juna' ri ink'o-pe chupan ri awachoch, kajlajuj juna' xatinwilij koma ri ami'al y waqi' juna' in samajineq-pe awik'in richin xinch'ek juba' taq wawej, ¿y jampe' man ta xajel wajel?

Wuj Richin Etamabel-Tzij 25:15

Wi rat man chi'anin ta yatoyower, kan yatikir naqasaj ruwi' ri royowal ri rey; ri buyul-buyul taq ch'abel xa kan nitikir chirij jun wineq, stape' kan kow achi'el ri baq.

Wuj Richin ri Rutikeribel 25:30

y xubij chire ri ruchaq': Taya' chuwe la q'utun la yatajin chubanik, roma yiken roma wayjal, xcha'. Y roma ri' Edom chuqa' xbix chire ri Esaú y re' nel chi tzij keq.

Wuj Richin ri Rutikeribel 33:14

Tabana' utzil, wajaw yin, katik'o-el chinuwech yin. Yin eqal-eqal xkibe kik'in ri wawej ri e ik'owineq chinuwech, y xqojbiyin ri janipe' yojtikir kik'in ri ak'uala' y keri' xqojapon k'a pa Seir y chiri' xtiqabek'ulu-wi-qi' awik'in, xcha'.

Wuj Richin ri Rutikeribel 36:8

Y ri Esaú, ri chuqa' nibix Edom chire, xbek'oje' k'a chuwi' taq juyu' richin ri ruwach'ulew Seir.

Wuj Richin ri Rutikeribel 36:9

Jare' k'a ri e rijatzul ri Esaú, ri kitata' ri aj-Edom, ri ek'o chuwi' taq juyu' richin Seir.

Wuj Kichin ri To'onela' 5:4

Toq rat Jehová xaya' kan ri juyu' Seir, toq xatel-pe pa ruwach'ulew Edom; kan jari' toq chijun k'a ri ruwach'ulew xsilon, y ri kaj xuya-pe job, y ri sutz' xeruya-pe ya'.

Wuj Richin ri Isaías 21:11

Ri Dios xuq'alajirisaj jun rutzijol chinuwech pa ruwi' ri ruwach'ulew Edom, y jare' k'a: K'o jun nisik'in-pe k'a pa tinamit Seir y xubij chuwe: Chajinel, ¿janipe' niseqer-pe? Chajinel, ¿janipe' niseqer-pe?, xcha'.