Wuj Richin ri Rutikeribel 32:31 - Kaqchiquel Bible

³¹ Y toq rija' xuq'axaj-apo ri tinamit Penuel, jari' toq xel-pe ri q'ij pa ruwi'; y rija' nijekma'y k'a nibiyin.

Wuj Richin ri Rutikeribel 32:31 ပူးပေါင်းရင်းမြစ်များ

2 Corintios 12:7

Yin kan janila k'a e nima'q ri e ruq'alajirisan ri Dios chinuwech. Jak'a richin chi ronojel re' man tikiben chuwe richin ninnimirisaj nuq'ij, roma ri' toq k'o jun yabil ya'on chire ri nuch'akul. Y ri Satanás nukusaj re yabil re' achi'el jun k'ix richin chi nintej poqon pa ruq'a'.

2 Corintios 12:9

Jak'a ri ajaw xubij chuwe: Rat xaxe k'a kakikot rik'in ri wutzil y man jun chik ri xtik'atzin ta chawe. Toq maneq chik awuchuq'a' nana' rat, yin kan xkik'oje' awik'in y ninya' ri uchuq'a' ri nik'atzin chawe, xcha' chuwe. Roma ri' yin janila yikikot roma ri e nuk'uluwachilon ri xa nikik'ut chi maneq wuchuq'a'. Y rik'in ri' kan niqaqa-wi k'a pe ri ruchuq'a' ri Cristo pa nuwi'.

Wuj Richin ri Malaquías 4:2

Jak'a rix ri k'o nukiy chiwech kan pa ruchojmilal k'a ri xtinben iwik'in. Ri ruchojmilal kan xtiyik'lun pan iwi' achi'el niyik'lun ri q'ij. Y chupan ri q'ij ri', rix kan xtik'ul raxnaqil achi'el toq nimeq'e-pe ri q'ij. Kan xkixropiyaj k'a roma kikoten achi'el yeropilan ri taq alaji' wákix toq yebe'el-pe pa ki-coral.

Wuj Richin Bix Chire ri Dios 38:17

Wakami yin xa kan yitzaq yan k'a. Ri rukiy ri nuq'axo'n kan jantape' k'o.

Wuj Kichin ri To'onela' 8:8

Y xel-el chiri' y xjote-q'anej pa tinamit Penuel, y xuk'utuj chuqa' utzil chike achi'el xuk'utuj chike ri aj-Sucot, jak'a ri aj-Penuel xa xkibij-pe chire achi'el xkibij ri aj-Sucot.

Wuj Richin ri Rutikeribel 32:25

Y toq ri achin ri' xutz'et chi man nitikir ta nuch'ek ri Jacob, xuya' jun q'a' tzan-racheq y xujalk'atij-ri' ri rubaqil, keri' xuben rokik xkichuq-ki' rik'in ri achin,

Wuj Richin ri Rutikeribel 19:23

Y toq xel k'a pe ri q'ij jari' toq xapon ri Lot chiri' pa Sóar,

Wuj Richin ri Rutikeribel 19:15

Y toq niseqer yan pe, ri ka'i' ángel xkipararej k'a ri Lot y xkibij chire: Kayakatej y chi'anin ri' tak'uaj-el ri awixjayil y la ka'i' ami'al, man xa kek'is kan wawe' chupan re rutojbalil rumak re tinamit, xecha'.

Wuj Richin ri Rutikeribel 32:32

Roma ri' k'a re wakami ri rijatzul ri Israel man nikitej ta ri iboch' ri k'o chutzan-racheq ri kawej roma chiri' xsokotej-wi chire ri Jacob.

1 Rey 12:25

K'ari' ri Jeroboam xupaba' chik q'anej ri tinamit Siquem ri chiri' chuwi' taq juyu' richin Efraín y chiri' xk'oje-wi-qa. Y chirij ri' xupaba' chik q'anej ri tinamit Penuel.

1 Rey 18:26

Ri achi'a' ri' xkikamisaj k'a ri kiwákix y xkichojmirisaj pa ruwi' ri porobel, y k'ari' xkichop nikik'utuj to'onik chike ri Baal. Xkichop k'a ri ch'owen ri' nimaq'a' yan, y nikibila' k'a: ¡Baal kach'on-pe chiqe! Yecha'. Jak'a man jun nich'on-pe chike. Y rije' kan yeropilan k'a chirij ri porobel ri kibanon-q'anej. Y keri' nikiben xapon ri nik'aj-q'ij.

Wuj Richin ri Rutikeribel 16:13

Ri Agar xubij k'a qa pa ránima: ¿Kan qitzij kami chi ja ri Jehová Dios ri xuk'ut-ri' chinuwech richin xintz'et y kan k'a in k'es na?, xcha'. Y roma ri', rija' xuya' jun rubi' ri Dios y xubij chire: Ri Dios ri Nitz'eton Wichin.*f13*

Ex 24:10

Y rije' xkitz'et k'a ri Dios richin ri Israel ri chiri' y ri akuchi pa'el-wi rija' jun k'a nimalej ripirik abej rubini'an zafiro, niyok'olin y ch'ajch'oj-ch'ajch'oj nitzu'un ri ruwi', kan achi'el ri kaj toq ch'ajch'oj-ch'ajch'oj ri ruwech.

Ex 24:11

Y ri Jehová kan man jun k'a achike ta xuben chike rije'. Y kan ja ri chiri' chuwech rija' xewa-xe'uk'ya-wi.

Deut 5:24

y xkibij chuwe: Kan qitzij na wi ri Jehová ri qa-Dios xuk'ut ri ruq'ij-ruk'ojlen y ri ruchuq'a' chiqawech, y chuqa' xqak'axaj ri ruch'abel pa runik'ajal ri q'aq'. Roma ri' qetaman chi ri Jehová xch'on qik'in y k'a oj k'es na.

Deut 5:26

Roma xa kan man jun k'a wineq ri nak'axan ri ruch'abel ri Dios ri nich'on pa jun ruxaq-q'aq' y nik'ase' ta kan, achi'el ri xqak'axaj roj.

Wuj Kichin ri To'onela' 6:22

K'ari' xunabej chi ja ri ángel richin ri Jehová ri xch'on rik'in y xubij: ¡Ajaw Jehová!, wakami kan xintz'et ruwech ri ángel ri ataqon-pe!, xcha'.

Wuj Kichin ri To'onela' 6:23

Jak'a ri Jehová xubij-pe chire: Tik'oje' uxlanibel-k'u'x awik'in y man taxibij-awi' roma xa man xkaken ta, xcha'.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.