Wuj Richin ri Rutikeribel 32:30 - Kaqchiquel Bible

³⁰ Y ri Jacob xubij Penuel*f28* chire ri tinamit ri', roma xinwetamaj ruwech ri Dios y k'a in k'es na kan, xcha'.

Wuj Richin ri Rutikeribel 32:30 ပူးပေါင်းရင်းမြစ်များ

Wuj Richin ri Q'axanri'il 12:8

Roma ri', rik'in rija' kan yojtzijon-wi chiqawech y niqatzu-qi'; y richin chi niq'ax chuwech ri ninbij chire, yin ninkusaj ri ch'abel ri niq'ax chuwech rija'. Y wi ri nusamajel Moisés kan in rutz'eton toq in tzijowineq rik'in, ¿achike k'a roma man jun rukiy chiwech y janila itzel yixch'on chirij rija'?, xcha'.

Wuj Richin ri Rutikeribel 16:13

Ri Agar xubij k'a qa pa ránima: ¿Kan qitzij kami chi ja ri Jehová Dios ri xuk'ut-ri' chinuwech richin xintz'et y kan k'a in k'es na?, xcha'. Y roma ri', rija' xuya' jun rubi' ri Dios y xubij chire: Ri Dios ri Nitz'eton Wichin.*f13*

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Deut 5:24

y xkibij chuwe: Kan qitzij na wi ri Jehová ri qa-Dios xuk'ut ri ruq'ij-ruk'ojlen y ri ruchuq'a' chiqawech, y chuqa' xqak'axaj ri ruch'abel pa runik'ajal ri q'aq'. Roma ri' qetaman chi ri Jehová xch'on qik'in y k'a oj k'es na.

San Juan 1:18

Kan man jun k'a wineq ri tz'eteyon ta richin ri Dios, xa kan xaxe ri ruk'ajol ri tz'eteyon richin. Ri Dios xaxe ri juney ruk'ajol k'o y janila nrajo'. Jari' ri xoq'alajirisan-qa ri Dios chiqawech re wawe' chuwach'ulew.

Hebreos 11:27

Kan kuqul-wi k'a ruk'u'x rik'in ri Dios toq xel-pe pan Egipto. Y roma kan achi'el rutzuliben ri Dios ri man tz'etel ta, roma ri' man xuxibij ta ri' chuwech ri royowal ri rey.

2 Timoteo 1:10

Y wakami xq'alajin ri utzil ri' roma xok'ulun yan el ri qakolonel Jesucristo. Rija' xrelesaj ri ruchuq'a' ri kamik, y rik'in ri utzilej ch'abel richin kolotajik, xuq'alajirisaj chiqawech ri k'aslen ri man k'isel ta.

Efesios 1:17

Nink'utuj chire ri Dios chi ri Espíritu kan ta pa ruk'iyal ri na'oj ri xtuya' chiwe, y chi k'iy ta xtuq'alajirisaj chiwech richin niwetamaj más ruwech ri Dios.

Ex 33:14

K'ari' ri Jehová xubij chire ri Moisés: Kan xkibe k'a awik'in, richin chi man k'ayew ta xtana' y kan xtik'oje' ri uxlanen awik'in, xcha'.

Colosenses 1:15

Ri Dios man tz'etel ta, jak'a kan niq'alajin roma ri Jesucristo ri ruk'ajol, ri kan k'o pe nabey chuwech ronojel ri xetz'ukutej, y ja rija' ri k'o pa ruwi' ronojel ri k'o.

Gálatas 1:6

Yin kan xinmey-qa toq xinwak'axaj chi rix xijech'ej kan iwi' rik'in ri Dios, roma rix xa xitzeqelibej yan el ri jun wi chik ch'abel richin kolotajik, y man nitzeqelibej ta ri Dios ri xoyon iwichin richin xuya' ri rutzil ri Cristo pan iwi'.

2 Corintios 4:6

Pa rutikeribel, ri Dios xubij chi tik'oje' saqil ri pa q'equ'm. Y ja chuqa' rija' ri nisaqirisan ri pa taq qánima, richin chi roj kan tiqasaqirisaj y tiqaq'alajirisaj k'a chikiwech ri winaqi' ri ruq'ij-ruk'ojlen ri Dios, ri kan nitz'etetej-wi rik'in ri Jesucristo.

2 Corintios 3:18

Roma ri' qonojel roj ri qakuquban qak'u'x rik'in ri Jesucristo, man tz'apel ta chik qach'obonik. Xa kan niq'alajin k'a ri ruq'ij-ruk'ojlen rija' qik'in roj, y ri ru-Espíritu nuben chiqe chi yojok achi'el rija'.

1 Rey 12:25

K'ari' ri Jeroboam xupaba' chik q'anej ri tinamit Siquem ri chiri' chuwi' taq juyu' richin Efraín y chiri' xk'oje-wi-qa. Y chirij ri' xupaba' chik q'anej ri tinamit Penuel.

Wuj Kichin ri To'onela' 8:17

Y keri' chuqa' xuwulaj ri kachoch ri chajinela' richin nikito-ki' ri winaqi', ri ek'o chiri' pa Penuel, y xerukamisaj chuqa' konojel ri winaqi' richin ri tinamit.

Wuj Kichin ri To'onela' 8:8

Y xel-el chiri' y xjote-q'anej pa tinamit Penuel, y xuk'utuj chuqa' utzil chike achi'el xuk'utuj chike ri aj-Sucot, jak'a ri aj-Penuel xa xkibij-pe chire achi'el xkibij ri aj-Sucot.

Deut 34:10

Kan man jun bey chik k'a xk'oje' jun q'alajirisey ruch'abel ri Dios chikikojol ri israelita achi'el ri Moisés ri achoq ik'in xch'on-wi ri Jehová naqaj y kan xtzijon rik'in.

Wuj Richin ri Rutikeribel 28:19

Y xubij Betel*f26* chire ri tinamit ri', stape' ri pa nabey rubini'an Luz ri tinamit ri'.

1 Corintios 13:12

Re wawe' chuwech re ruwach'ulew man e tz'aqet ta ri etamabel ri ek'o qik'in. Kan junan rik'in ri yojtzu'un ta pa jun espejo ri xa tz'il ruwech, y man kan ta niq'alajin ri achike niqatz'et. Jak'a xtapon ri q'ij toq kan xtiq'alajin-wi ri niqatz'et. Chupan ri q'ij ri' kan xtiqetamaj jebel ruwech ri Dios, kan achi'el rija' retaman qawech roj wakami.

Wuj Richin ri Josúe 5:13

Y ri Josué k'o k'a ke taq ri' chunaqaj ri tinamit Jericó, toq xutz'et jun achin pa'el chuwech y ruk'uan jun espada pa ruq'a' ri eleneq pa ruk'ojelibal. Y ri Josué xjel-apo rik'in y xubij chire: ¿At achike k'a rat? ¿At qachibil o xa at etzelanel qichin?, xcha' chire.

Wuj Richin ri Rutikeribel 35:9

Y toq ri Jacob tzolejineq chik pe ri pa Padán-Aram, ri Dios xuk'ut chik ri' chuwech y xrurtisaj,

Wuj Kichin ri To'onela' 13:17

Xeri' ri Manoa xuk'utuj chire ri ángel: ¿Achike k'a abi' rat, richin keri' toq xtibanatej ri xabij, roj kan xqojmatioxin chawe y xtiqaya' aq'ij?, xcha'.

Wuj Kichin ri To'onela' 13:18

Y ri ángel richin ri Jehová xubij: ¿Achike roma nak'utuj ri nubi' ri xa kan ewatel chikiwech ri winaqi'?, xcha'.

Wuj Richin ri Isaías 9:5

Ronojel k'a ri kixajab ri e etzelanel qichin xkek'aq pa q'aq', chuqa' kan keri' xtiban rik'in ri kitziaq ri k'isineq chupan ri kik'.