Wuj Richin ri Rutikeribel 32:28 - Kaqchiquel Bible

²⁸ Y rija' xubij chire ri Jacob: Man xtabini'aj ta chik Jacob, xa kan xtabini'aj k'a Israel, roma xatej-aq'ij richin xach'ek ri Dios y ri achi'a'; y kan xach'akon, xcha'.

Wuj Richin ri Rutikeribel 32:28 ပူးပေါင်းရင်းမြစ်များ

Apocalipsis 2:17

Roma ri', ri k'o rak'axabal kan trak'axaj k'a ri nubij ri Loq'olej Espíritu chike ri molaj nimanela'. Roma achike k'a ri xtich'akon, kan xtinya' k'a ri aj-chikajil-wey chire ri ewan.*f1* Y chuqa' xtinjech k'a jun ti seq abej chire, ri akuchi tz'ibatel-el jun k'ak'a' bi'aj, y xaxe ri nik'ulun richin ri netaman, kacha' chike, xcha' chuwe.

Wuj Richin ri Rutikeribel 35:10

y xubij chire: Rat, Jacob ri abini'an-pe, jak'a re wakami man chik xtabini'aj ta Jacob, kan xtabini'aj k'a Israel, xcha'. Y kan Israel k'a ri rubi' xuya'.

Wuj Richin ri Rutikeribel 17:5

Y ri abi' kan xtijalatej roma xkatok kitata' e k'iy nima'q taq tzobaj winaqi' chuwech re ruwach'ulew. Y roma ri' man chik k'a xtabini'aj ta Abram xa kan xtabini'aj Abraham.*f15*

Wuj Richin ri Rutikeribel 17:15

Ri Dios xubij chire ri Abraham: Ri awixjayil rubini'an-pe Sarai y re wakami Sara*f16* k'a ri rubi' ri xtabij.

Wuj Richin ri Isaías 65:15

Yin xtinben chiwe chi rix xkixken, y ri nusamajela' kan xtikikusaj ri ibi' rix richin nikoyoj itzel. Jak'a rije' xtinya' jun k'ak'a' kibi'.

Wuj Richin Etamabel-Tzij 16:7

Toq ri rubanobal ri wineq kan niqa' chuwech ri Jehová, kan e jajun chuqa' ri winaqi' ri ye'etzelan richin, nisiliso-qa ri koyowal chirij.

Wuj Richin ri Rutikeribel 33:4

Jak'a ri Esaú junanin xbe chuk'ulik, xuq'etej y xutz'ubaj, y chi e ka'i' janila xe'oq'.

San Juan 1:42

K'ari' ri Andrés xuk'uaj ri Simón, k'a rik'in ri Jesús. Y toq ri Jesús xutz'et, xubij k'a chire: Ja rat ri Simón ri ruk'ajol ri Juan. Wakami xtabini'aj k'a chuqa' Cefas, xcha'. Pa ch'abel hebreo ri Cefas nel chi tzij Pedro.

Wuj Richin ri Rutikeribel 25:31

Y ri Jacob xubij chire: Ninya' chawe ri q'utun wi ja yin xkinok nimalaxel pan ak'exel richin ninwichinaj kan ri awichin rat, xcha' chire.

2 Rey 17:34

Re wakami, k'a nikiben na achi'el xkiben rubanon kan: Ni man nikiya' ta rejqalen ri Jehová, ni man nikitaqej ta ronojel ri pixa' ri xuya' ri Jehová ojer kan chike ri e ruk'ajol kan ri Jacob ri xubini'aj chuqa' Israel.

2 Sam 12:25

Y roma ri' ri Jehová xuteq k'a el ri Natán rik'in ri David richin xberubij chi ri ak'ual ri' chuqa' xtubini'aj Jedidías.*f7*

1 Sam 26:25

Y ri Saúl xubij k'a chire ri David: Utz ruwa-aq'ij David, ri at achi'el nuk'ajol. Rat kan xtabebana' nima'q taq samaj y kan ronojel utz xtuben chawech, xcha'. K'ari' ri David choj xbe chupan ri rubey, y ri Saúl xtzolej kan akuchi peteneq-wi.

Wuj Richin ri Rutikeribel 32:24

Keri' ri Jacob xk'oje' k'a kan ruyon. Y k'o k'a jun achin ri xkichuq-ki' rik'in, k'a xseqer na pe.

Wuj Richin ri Rutikeribel 31:24

Jak'a ri Dios xch'on rik'in ri Labán, ri arameo, pa rachik' chupan ri aq'a' ri'. Y xubij chire: Tawak'axaj, man kabech'on rik'in ri Jacob rik'in oyowal, xcha'.

Wuj Richin ri Q'axanri'il 13:16

Jare' ri bi'aj kichin ri achi'a' ri xeruteq-el ri Moisés, richin nibekinachaj ri ruwach'ulew; y ri Oseas, ri ruk'ajol ri Nun, xya'ox chik jun rubi' roma ri Moisés y xubini'aj Josué.

1 Rey 18:31

Xrukusaj k'a kablajuj abej achi'el ri kajlabal ri tzobaj ri e ruk'ajol kan ri Jacob, ri chuqa' rubini'an Israel roma ri Jehová xujel ri rubi'.

Wuj Richin ri Rutikeribel 33:20

K'ari' xuben-q'anej jun porobel richin kamelabel y El-Elohé-Israel ri rubi' ri xuya'. Re bi'aj re' nel chi tzij, Dios jari' ri ru-Dios ri Israel.

Wuj Richin ri Rutikeribel 32:27

Y ri achin xuk'utuj k'a chire: ¿Achike ri abi'? Y rija' xubij chire: Yin Jacob ri nubi', xcha' chire.

1 Crón 1:34

Ri Abraham xralk'ualaj ri Isaac. Y ri e ruk'ajol ri Isaac, ja ri Esaú, y ri Israel.

Wuj Richin ri Isaías 43:1

Jak'a re wakami kere' nubij ri Jehová ri k'iytisanel kichin ri e rijatzul kan ri Jacob: Yin xibanon iwichin rix israelita. Y roma ri' man tixibij-iwi' roma kan ja yin ri xikolon iwichin. Yin kan xixinwoyoj rik'in ri ibi', y roma ri' xixok wichin yin.