Wuj Richin ri Rutikeribel 32:26 - Kaqchiquel Bible

²⁶ y xeri' ri achin xubij: Taya-el q'ij chuwe richin yibe, roma niseqer yan pe, xcha'. Jak'a ri Jacob xubij chire: Man xkatinya' ta el k'a toq in awurtisan chik kan, xcha'.

Wuj Richin ri Rutikeribel 32:26 ပူးပေါင်းရင်းမြစ်များ

Os 12:4

Xuchuq-ri' rik'in ri ángel y xch'akon chirij, xoq' y xuk'utuj utzil chi tijoyowex ruwech. Chiri' k'a pa Betel xilitej-wi roma ri Dios, y kan xtzijon k'a rik'in ri chiri'.

Wuj Richin Bix Chire ri Dios 67:1

Ri Dios kan ta xtujoyowaj qawech y xqojrurtisaj. Kan ta k'a xtuya' ri rutzil pa qawi', rik'in ajowabel.

1 Crón 4:10

Ri Jabés kan xch'on rik'in ri Dios richin ri ruwach'ulew Israel, y xubij: Nink'utuj jun utzil chawe chi taya' urtisanik pa nuwi', y taya' jun nimalej ruwach'ulew chuwe, y xkinato' y xkinakol chuwech ri etzelal, richin keri' man nintej ta poqon, xcha'. Y ri Dios kan xrak'axaj ri ruk'utunik ri xuben.

Wuj Richin ri Nimalej Bix 3:4

Kan xaxe toq xiq'ax-pe chiri' kik'in rije', jari' toq xinbenk'ulu-pe ri ninwajo' yin. Kan jari' xintzeqeba-wi' chuqul, y man xinwisq'opej ta kan, k'a toq xojapon pa rachoch ri nte', ri akuchi rija' xyawej kan chuwij yin.

Romanos 8:37

Jak'a chupan ronojel ruwech tijoj-poqonal, roj kan yojch'akon-wi chire ronojel roma ri Cristo ri kan yojrajo'.

Ex 32:10

Wakami k'a xa taya' q'ij chuwe yin richin chi ninwelesaj woyowal chikij y xkenk'is k'a konojel. Y xeri' yin xtinben k'a jun nimalej tzobaj winaqi' kik'in ri awijatzul rat, chuwech re ruwach'ulew, xcha' ri Jehová.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Wuj Richin ri Isaías 64:7

Man jun chike ri qawinaq ri nunataj ta ri abi', y man jun najowan nuto-ri' awik'in. Roma ri' rat kan man atk'o ta chik qik'in, y kan xojamalij kan roma ri qamak.

Wuj Richin ri Isaías 45:11

Kere' ninbij yin Jehová, ri in Loq'olej kichin ri winaqi' israelita ri xibanon kichin: Rix ri ch'aqa' chik winaqi', man jun achike ta roma yixch'ojin pa kiwi' ri walk'ual, ri achike xtikik'uluwachij rije' chiwech-apo. Rix man jun achike roma nibij chuwe ri achike k'atzinel richin ninben yin.

Wuj Richin ri Nimalej Bix 7:5

Ri ajolon kan jantape' ayakon chikaj, achi'el ri juyu' Carmelo. Ri rusumal-awi' kan jijoj achi'el ri betz' keq. Y roma kan jebel ok, yin xiq'ate' kan chiri'.

Deut 9:14

Taya' q'ij chuwe richin yenk'is y kan xtiyojtej jumul ri kibi' chuwech ri ruwach'ulew, y xaxe k'a rik'in ri awijatzul rat xtinben jun nimalej ruwach'ulew y kan janila k'a xkek'iyer y xtik'oje' janila kuchuq'a' chikiwech rije', xcha' ri Jehová chuwe.

Wuj Richin ri Rutikeribel 32:25

Y toq ri achin ri' xutz'et chi man nitikir ta nuch'ek ri Jacob, xuya' jun q'a' tzan-racheq y xujalk'atij-ri' ri rubaqil, keri' xuben rokik xkichuq-ki' rik'in ri achin,

Wuj Richin ri Rutikeribel 32:27

Y ri achin xuk'utuj k'a chire: ¿Achike ri abi'? Y rija' xubij chire: Yin Jacob ri nubi', xcha' chire.