Wuj Richin ri Rutikeribel 32:20 - Kaqchiquel Bible

²⁰ y chuqa' tibij chire: Ri asamajel Jacob xa xambey kan, xkixcha', xcha' chike. Roma ri Jacob xuch'ob: Rik'in ri nusipanik ri ninteq-el xa xtik'o-qa ri royowal y toq yin xtintz'et k'a ruwech rik'in juba' kan xkiruk'ul chi utzil, xcha-qa.

Wuj Richin ri Rutikeribel 32:20 ပူးပေါင်းရင်းမြစ်များ

Wuj Richin Etamabel-Tzij 21:14

Ri sipanik ri pan ewel yejach-wi, nikiqasaj ruwi' oyowal, y toq yepuaqix ri winaqi' ri akuchi xa man jun yetz'eton, ri nimalej taq oyowal yechup-qa.

2 Timoteo 2:25

Y rik'in ch'uch'ujil tabij chike ri winaqi' ri man junan ta kich'obonik pa ruwi' ri ruch'abel ri Dios, chi tikijala' ri kich'obonik. Rik'in juba' rija' nuya' q'ij chike richin nikitzolij-ki' chikij y xtiketamaj ri qitzij.

Wuj Richin ri Jonás 3:9

Rik'in juba' rik'in re' ri Dios xqojrukuy, y xtiqaqa ruwi' ri royowal pa qawi' y man xqojken ta, xecha'.

Wuj Richin Etamabel-Tzij 16:14

Toq kan royowal ri rey, jari' ri nibin chi kan k'o-wi ri xtuteq pa kamik ri q'ij ri'; jak'a ri wineq ri kan k'o runa'oj, nitikir nuben chi niqaqa ruwi' ri royowal ri rey.

Wuj Richin Etamabel-Tzij 15:18

Ri wineq ri kan richin wi chi niyakatej royowal, xa nuyek oyowal chikikojol ri winaqi'; jak'a ri wineq ri kan ch'uch'uj ránima, kan nuqasaj ruwi' oyowal.

Wuj Richin Etamabel-Tzij 6:35

Y roma royowal ri achijlonel, stape' k'iy ri nisujulux chire, kan man jun ri nrajo', y stape' ta nipuaqix kan man nik'o ta ri royowal.

1 Rey 20:31

K'ari' ri aj-samaj richin ri Ben-hadad xkibij chire: Roj qak'axan-pe chi ri e rey re wawe' pan Israel janila e joyowanel. Qakusaj k'a el ri qatziaq richin bis y tiqaya' el jun kolo' chiqaqul, y jo' rik'in ri rey Acab, rik'in juba' xa yojrukol kan y man yojrukamisaj ta, xecha' chire.

1 Sam 6:5

Ke'ibana' k'a ri wachibel ri' roma ja re ch'oy re' ri yek'ison yan re qaruwach'ulew. Y rik'in re' kan tiya' k'a ruq'ij ri ki-Dios ri aj-Israel. Rik'in juba' xtuben richin xtrelesaj-el ri q'axo'n ri k'o qik'in y ri k'o pa kiwi' ri qa-dios y pa ruwi' ri qaruwach'ulew.

Wuj Richin ri Rutikeribel 43:11

K'ari' ri kitata' xubij k'a chike: Man jun k'a xtiban, wi kan k'o k'a chi nibanatej achi'el ri nibij rix, kan keri' k'a ri'; xaxe k'a tik'uaj jun sipanik chukojol ronojel ri nik'uaj-el, tik'uaj chire ri q'atoy-tzij ri', ri más utz ri yeruya' chupan re ruwach'ulew re': Tik'uaj-el jutaqba' bálsamo, kab ri nikiya' ri taq chikopi', jubulej taq aq'om, mirra, nuez y almendra.

Wuj Richin ri Rutikeribel 32:19

Y chuqa' keri' xubij-el chike ri xe'uk'uan-el ri ruka'n, y ri rox, y konojel ri e tzeqelibeyon-el ri tzobaj sipanik ri': Kere' xtibij chire ri Esaú toq xtik'ul,

Wuj Richin ri Rutikeribel 32:21

Y keri' ri Jacob xuteq k'a el nabey ri sipanik, y rija' chupan ri aq'a' ri' xwer kan chiri' ri akuchi k'o-wi-qa.

Wuj Richin Etamabel-Tzij 18:16

Ri sipanik ri nuben jun wineq chire jun chik, kan nuben k'a chire chi nuch'ek-apo ruk'ojlen rik'in; re sipanik re' kan nitikir k'a nuya-apo chikikojol ri k'o nima'q kiq'ij.