Wuj Richin ri Rutikeribel 32:2 - Kaqchiquel Bible

² Y toq rija' xerutz'et xubij k'a qa pa ránima: Re' jere' ri e banoy oyowal, ri e richin ri Dios, xcha-qa. Y roma ri' ri chiri' ri akuchi xeruk'ul-wi xubij Mahanaim chire, y re' nel chi tzij ri ka'i' tzobaj ri xkik'ul-ki'.

Wuj Richin ri Rutikeribel 32:2 ပူးပေါင်းရင်းမြစ်များ

2 Sam 2:8

Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.

Wuj Richin ri Josúe 21:38

Ri tzobaj richin ri Gad xujech kan ri tinamit Mahanaim, Hesbón, Jazer y ri Ramot richin ri Galaad. Y ri Ramot ri' tinamit richin tobel kichin ri winaqi' ri chaq k'ate' nikiben jun kamik. Re' e kaji' tinamit rik'in ri kisoq'olbal.

Wuj Richin ri Josúe 5:14

K'ari' ri achin ri' xubij chire ri Josué: Man jun chike ri ka'i' ri nabij rat, yin kan in tata'al kichin ri e richin ri Jehová ri in peteneq wakami, xcha'. Jari' toq ri Josué xuxuk-xumej-ri' chuwech richin xuya' ruq'ij, y xubij chire: Ajaw ¿achike k'a nawajo' nabij chuwe yin ri asamajel?, xcha'.

San Lucas 2:13

Kan jari' xe'ok'ulun ch'aqa' chik ángel ri janila e k'iy e peteneq chila' chikaj. Y rije' nikiya' k'a ruq'ij ri Dios, y nikibij:

Wuj Richin Bix Chire ri Dios 148:2

Chi'iwonojel rix ri ix aj-chikajil rusamajela' ri Dios kan tiya' ruq'ij. Chi'iwonojel ri ixk'o chikaj, kan tinimirisaj ruq'ij.

Wuj Richin Bix Chire ri Dios 34:7

Ri ángel richin ri Jehová, kan e ruchajin ri k'o rukiy ri Dios chikiwech, y kan yeruto'.

1 Rey 2:8

Keri' chuqa' ri Simí ruk'ajol ri Guerá y rijatzul kan ri Benjamín aj-Bahurim. Rija' xa xroyoj itzel pa nuwi' ri q'ij toq yin in beneq pa Mahanaim. Chirij ri', xa xiberuk'ulu' chik chuchi' ri raqen-ya' Jordán, y yin xinya' nutzij chire pa rubi' ri Jehová chi man ninkamisaj ta.

2 Sam 17:24

Chirij ri' ri David xel-el chuchi' ri raqen-ya' y xapon pa tinamit Mahanaim. Ri Absalón chuqa' xuq'axaj ri raqen-ya' Jordán kik'in ri ruwinaq ri e richin oyowal.

Dn 10:20

Y rija' xubij: ¿Awetaman ri achike roma in peteneq awik'in? Yin in peteneq awik'in richin nonq'alajirisaj chawech ri tz'ibatel kan chupan ri wuj ri richin ri qitzij. Chirij ri' kan xkitzolej chik richin ninbenbana' oyowal rik'in ri itzel ángel ri k'o pa ruwi' ri ruwach'ulew Persia. Toq xkitikir chirij rija', xa xtibeyakatej chik pe ri itzel ángel ri k'o pa ruwi' ri ruwach'ulew Grecia. Y ninwajo' k'a richin nawetamaj chi kan xaxe k'a ri Miguel ri chajinel iwichin rix ri nito'on wichin.

Wuj Richin ri Nimalej Bix 6:13

Kaxajo' k'a rat, ixjayilonel richin ri Salomón, kaxajo'. Kaxajo' richin yatqatz'et. ¿Achike roma niwajo' yinitz'et chi yin yixajo'? ¿Achike roma niwajo' yinitz'et yixajo' achi'el nuben jun xten toq nik'ule'?

Wuj Richin Bix Chire ri Dios 103:21

Tinimirisaj ruq'ij ri Jehová, chi'iwonojel ri ixk'o chila' rik'in; chi'iwonojel ri ix nima'q taq rusamajela' rija'.

2 Rey 6:17

K'ari' ri Eliseo xch'on rik'in ri Dios y xubij: Tabana' utzil Jehová, tajaqa' ri runaq'-ruwech ri nusamajel richin yerutz'et ri aj-labal ri ataqon-pe rat, xcha'. K'ari' ri Jehová xuben chire ri samajel richin xjaqatej ri runaq'-ruwech. Y xutz'et k'a chi ri juyu' e nojineq chi aj-labal ri yech'oke' chirij kiej y ri e beneq pa carruaje rik'in q'aq', ri kisutin-rij ri tinamit.

1 Rey 4:14

Ri Ahinadad ruk'ajol ri Idó ja rija' ri k'o pa ruwi' ri ruwach'ulew akuchi k'o-wi ri tinamit Mahanaim.

2 Sam 2:12

Y ri Abner chiri' pa Mahanaim xel-wi-el richin xbe pan oyowal k'a pa tinamit Gabaón. Y rija' e rachibilan k'a el ri aj-labal ri e richin ri Is-bóset.

1 Crón 12:22

Q'ij, q'ij ye'apon k'a más achi'a' rik'in ri David, k'a toq xek'iyer ri aj-labal, y xkiben jun nimalej tzobaj achi'el kajlabal ri ch'umila'.

Wuj Richin Bix Chire ri Dios 24:10

¿Y achike ri' ri rey ri k'o ruq'ij? Ja ri Jehová ri k'o ronojel uchuq'a' pa ruq'a', Ja rija' ri rey ri k'o ronojel ruq'ij.