Wuj Richin ri Rutikeribel 32:11 - Kaqchiquel Bible

¹¹ Kinakolo' k'a wakami pa ruq'a' ri wach'alal Esaú, roma janila ninxibij-wi' chuwech; rik'in juba' yirukamisaj yin y ri ak'uala' y ri kite'.

Wuj Richin ri Rutikeribel 32:11 ပူးပေါင်းရင်းမြစ်များ

Wuj Richin Etamabel-Tzij 18:19

Wi kan k'o itzel ri abanon chire ri awach'alal, kan man xkatok ta rik'in, roma xa nukowirisaj-ri' achi'el jun tinamit ri k'o tz'aq chirij; y ri man junan ta awech rik'in ri awach'alal, xa kan achi'el ri nawajo' ta yatok-apo pa jun jay ri k'o k'arak'ik ch'ich' chuchi'.

San Mateo 6:13

Man k'a taya' q'ij richin yojtzaq pa mak, xa kan qoj akolo' k'a chuwech. [K'o awuchuq'a', y k'o aq'ij-ak'ojlen richin jantape', kan keri' wi.]*f14* Kere' k'a tibij.

Os 10:14

Roma ri' ri winaqi' ri ek'o pa taq itinamit xa kan xtisach k'a kik'u'x. Ronojel ri jay richin tobel ri tz'apen-kij chi tz'aq xa xkewulex, achi'el xuben ri rey Salman chire ri tinamit Bet-arbel chupan ri labal, toq ri teja' xekamisex junan kik'in ri taq kal.

Dn 3:17

roma kan qetaman k'a chi ri Dios ri niqasamajij roj, kan nitikir yojrukol chuwech ri q'aq' ri', y chuqa' nitikir yojrukol pan aq'a' rat rey.

Wuj Richin Bix Chire ri Dios 142:6

Tabana' utzil tawak'axaj ri nuch'abel, roma kan janila in poqonatajineq. Kinakolo' chikiwech ri e tzeqelibeyon wichin. Roma rije' kan más kuchuq'a' chinuwech yin.

Wuj Richin Bix Chire ri Dios 119:134

Kinakolo' chikiwech ri e etzelanel wichin, richin nintaqej ri apixa'.

Wuj Richin Bix Chire ri Dios 43:1

Nu-Dios yin, taq'ata' tzij pa nuwi', y taq'alajirisaj chi maneq numak. Kinato' k'a chikiwech ri winaqi' ri man yatkitzeqelibej ta, y chikiwech ri kan xaxe q'oloj y ri itzel taq banobel ri yekiben.

Wuj Richin Bix Chire ri Dios 31:2

Tabana' utzil kinawak'axaj, y kinakolo' chi'anin. Kinawewaj k'a chikiwech ri e etzelanel wichin achi'el xa ta ninwewaj-wi' chirij jun nimalej abej. Kan ja rat k'a ri at nutobal richin yikolotej.

Wuj Richin Bix Chire ri Dios 25:20

Tachapa' k'a ri wánima y kinakolo'. Man ta k'a xkik'ixbitej, roma yin kan nukuquban nuk'u'x awik'in.

Wuj Richin Bix Chire ri Dios 16:1

Nu-Dios yin, tabana' utzil kinachajij, roma kan nukuquban nuk'u'x awik'in.

1 Sam 24:15

Kan ja ri Jehová ri xtiq'aton-tzij pa qawi' roj oj ka'i'. Kan ja k'a rija' xtitz'eton ri nuk'aslen y kan xkiruto' pan aq'a' rat, xcha' ri David chire ri Saúl.

1 Sam 12:10

Y ri qawinaq xtzolej k'a kik'u'x y xkibij: Jehová, roj kan xojmakun chawech, roma xatqamalij kan y xeqasamajij ri Baal y ri Astarté. Tabana' jun utzil, qojakolo' pa kiq'a' ri etzelanel qichin, y kan xkatqasamajij k'a, xecha'.

Wuj Richin ri Rutikeribel 27:41

Ri Esaú kan xretzelaj k'a ri ruchaq' roma ri urtisanik ri xya'ox chire y xubij k'a: K'o na jun q'ij ri nata' xtiken; k'ari' xtinbenkamisaj ri nuchaq' toq xtik'o-el ri qabis, xcha' ri Esaú.

Deut 22:6

Wi k'o ta jun nril jun ti sokaj richin jun ti aj-xik' chikop pa ruwi' jun che', o pan ulew rik'in taq saqmolo' o taq alaji' y ri te'ej jupul pa ruwi', man tuk'uaj-el ri te'ej; y xaxe utz nuk'uaj ri taq alaji' o ri taq saqmolo'.

Wuj Richin ri Rutikeribel 27:42

Xbetzijox k'a chire ri Rebeca ri ruch'abel ri nimalaxel ral; k'ari' rija' xuteq royoxik ri chaq'laxel y xubij chire: Ri animal xukuquba-qa ruk'u'x roma xubij-qa chi yaberukamisaj.

Wuj Richin ri Rutikeribel 32:3

Y ri Jacob jari' toq xuben chi yeruteq k'a el uk'uey rutzijol pa Seir, ri k'o pa ruwach'ulew Edom richin tibekiya' rutzijol chire ri Esaú.

Wuj Richin ri Rutikeribel 32:7

Toq ri Jacob xrak'axaj re' janila xuk'en rukiy y xsach ruk'u'x, k'ari' xeruch'er pa ka'i' tzobaj konojel ri e beneq chirij, ri winaqi' y ri rawej ri e kokoj y ri e nima'q, y chuqa' ri camello.

Wuj Richin ri Rutikeribel 33:4

Jak'a ri Esaú junanin xbe chuk'ulik, xuq'etej y xutz'ubaj, y chi e ka'i' janila xe'oq'.

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.

2 Sam 7:18

K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?