Wuj Richin ri Rutikeribel 32:10 - Kaqchiquel Bible

¹⁰ Yin man ruk'amon ta k'a richin xink'ul ronojel utzil re xaya' chuwe, y kan abanon wik'in ronojel ri qitzij. Toq yin xiq'ax-el pa ruwi' re raqen-ya' Jordán, man jun nuk'uan-el, xaxe re ti nuch'ame'y y wakami xitzolin-pe y e peteneq e ka'i' tzobaj winaqi' wik'in.

Wuj Richin ri Rutikeribel 32:10 ပူးပေါင်းရင်းမြစ်များ

Wuj Richin Bix Chire ri Dios 18:35

Ja rija' ri niya'on ri ch'akonik chuwe. Rija' kan yirutemej, y kan yiruto' richin yibe pa jotol.

Wuj Richin ri Rutikeribel 24:27

y xubij: Nim aq'ij-ak'ojlen rat Jehová ru-Dios ri wajaw Abraham y at nu-Dios chuqa' yin, rat janila xajoyowaj ruwech ri wajaw y xaben ri xasuj chire y chuqa' xak'ut ri bey chinuwech yin chi choj xinoqaqa-el pa kachoch ri rach'alal ri wajaw, xcha'.

2 Sam 7:18

K'ari' ri rey David xok-apo chupan ri jay ri banon rik'in tzieq, y xbek'oje' chuwech ri Jehová richin nich'on rik'in. Y xubij: Nimalej Jehová, ¿in achike ta k'a yin y ri wijatzul richin chi oj ato'on-pe k'a re wawe'?

1 Pedro 5:5

Y rix ri k'a ix ak'uala' na, tinimaj k'a kitzij ri e uk'uayon iwichin. Y kan chi'iwonojel tinimala' tzij chiwech. Man tinimirisaj-iwi', roma chupan ri ruch'abel ri Dios ri tz'iban kan, nubij:*f8* Ri Dios man yeqa ta chuwech ri nikinimirisaj-ki'. Jak'a ri nikiqasaj-ki', rija' nuya' ri rutzil pa kiwi', nicha'.

2 Corintios 12:11

Yin xa xinben achi'el jun wineq ri man jun etamabel rik'in, roma xinya-qa nuq'ij. Jak'a xa kan ja rix xixbanon chuwe chi xinben keri'. Pa ruk'exel ri' ja ta rix ri ruk'amon ta chi xixch'on richin xinito' y stape' chi yin xa man jun nuq'ij, jak'a man más ta in ko'ol chikiwech ri nikibananej chi e nima'q taq e taqon roma ri Cristo.

San Lucas 17:10

Xa kan keri' chuqa' rix toq ibanon chik ri samaj ri rubin ri Dios chiwe, tibij: Roj oj samajela' ri man jun ok yojk'atzin-wi. Roma xaxe ok ri bin chiqe, xaxe ri' ri xqaben, kixcha', xcha' ri Jesús chike ri rutijoxela'.

San Lucas 5:8

Toq ri Simón ri nibix chuqa' Pedro chire, xutz'et re jun meyel banobel re' xbexuke' chuwech ri Jesús, y xubij chire: Wajaw, man ruk'amon ta k'a chi yak'oje-pe wik'in, roma yin in jun aj-mak, xcha'.

Wuj Richin ri Miqueas 7:20

Jehová, jantape' ta k'a xtaya' pa qawi' ri awajowabal ri xasuj chire ri Abraham y ri Jacob. Ronojel ri xasuj chike ri qati't-qamama' ojer kan, jari' ta k'a ri xtaya' pa qawi' roj wakami.

Wuj Richin ri Isaías 63:7

Yin kan ninwajo' yich'on pa ruwi' ri rajowabal ri Dios, y kan ninbixaj bix richin ninya' ruq'ij roma ri xuben pa qawi'. Roma ri nimalej rajowabal pa ruwi' ri tinamit Israel, kan xuk'ut chi kan xojrupoqonaj y kan janila k'iy ri xuben pa qawi'.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin Etamabel-Tzij 4:18

Ri kibey ri chojmilej taq winaqi', kan junan rik'in ri nabey saqil ri niq'alajin-pe ri nimaq'a', nabey xa juba' ok ri saqil y napon k'a ri ramaj toq ri saqil kan jebel niberubana-pe.

Wuj Richin Bix Chire ri Dios 85:10

Rija' janila yojrajo' y kan nuben qik'in ri rusujun chiqe. Nuben ri ruchojmilal qik'in, y kan nuya' uxlanen pa qánima.

Wuj Richin Bix Chire ri Dios 84:7

Y ri kuchuq'a' kan nik'iyer rokik yeq'ax chupan ri bey ri'. Y pa ruk'isibel chire ri kibinen, yatkitz'et rat chiri' pa juyu' Sión.

Wuj Richin Bix Chire ri Dios 61:7

Xtinq'et ta k'a tzij chawech richin q'asen. Kan kinato' rik'in ri awutzil y man kinamalij kan.

Wuj Richin Bix Chire ri Dios 16:2

Ri wánima xubij chire ri Jehová chi ja rija' wajaw yin, y ronojel ri utz nink'ul, kan rik'in rija' peteneq-wi.

Wuj Richin Bix Chire ri Dios 8:5

Man rik'in ri' abanon chire chi k'o ruq'ij y rejqalen, xaxe kan qajineq juba' chawech rat.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Wuj Richin ri Achin Job 8:7

Stape' ri abeyomel pa nabey kan ti juba' ok, ri xtibek'oje' awik'in kan más nim chuwech ri xk'oje' awik'in pa nabey.

Deut 8:18

Toqaqa k'a chi ik'u'x ri Jehová ri qa-Dios roma kan ja rija' ri xtiya'on ronojel ri uchuq'a' y ri ch'obonik chiwe richin xkixbeyomer, richin nuben ri rujikiban kik'in ri qati't-qamama', achi'el re xqatz'et yan.

Wuj Richin ri Rutikeribel 32:7

Toq ri Jacob xrak'axaj re' janila xuk'en rukiy y xsach ruk'u'x, k'ari' xeruch'er pa ka'i' tzobaj konojel ri e beneq chirij, ri winaqi' y ri rawej ri e kokoj y ri e nima'q, y chuqa' ri camello.

Wuj Richin ri Rutikeribel 32:5

Wakami ek'o chik nuwákix y ek'o nubur, ek'o chuqa' nukarne'l, nutzuntzun, ek'o e k'iy nusamajela' chi achi'a' chi ixoqi'. Ninteq rubixik re' chawe richin rat yinak'ul ta chi utzil, xcha' ri Jacob.

Wuj Richin ri Rutikeribel 30:43

Keri' toq janila xbeyomer ri Jacob, xek'oje' k'a e k'iy ixoqi' y achija' taq rawej, y e k'iy rusamajela' chi achi'a' chi ixoqi' ri e ximil pa samaj rik'in y e k'iy ru-camello y rubur.

Wuj Richin ri Rutikeribel 28:15

Jare' ink'o awik'in y xabakuchi xkabe-wi in beneq awik'in, y xkatink'en chik pe jun bey chupan re ruwach'ulew re', man xkatinya' ta kan, k'a toq xtinben awik'in ri xinbij chawe, xcha' ri Dios chire.

Wuj Richin ri Rutikeribel 18:27

Jak'a ri Abraham xubij chire: Yin xa in poqolaj y xa in ulew y jun k'ixbel ninben chawech y rat kan at jun k'aslik Dios.

2 Sam 17:24

Chirij ri' ri David xel-el chuchi' ri raqen-ya' y xapon pa tinamit Mahanaim. Ri Absalón chuqa' xuq'axaj ri raqen-ya' Jordán kik'in ri ruwinaq ri e richin oyowal.

Wuj Richin ri Rutikeribel 24:12

Y xubij k'a ri samajel: Jehová Dios richin ri Abraham y wichin yin, tabana' utzil chi ronojel ri nutaqikil kan ta utz xtel chinuwech, y taya' joyowanik pa ruwi' ri wajaw.

Wuj Richin ri Rutikeribel 28:13

Y ri Jehová kan k'o el más pa jotol chire y nubij: Ja yin Jehová ri ki-Dios ri Abraham ri amama', in ru-Dios chuqa' ri Isaac, la ulew akuchi at kotz'ol-wi xtinya' chawe y chuqa' chike ri awijatzul.

Wuj Richin ri Rutikeribel 31:3

Y ri Jehová xch'on k'a rik'in ri Jacob y xubij chire: Más utz chi yatzolin pa kiruwach'ulew ri awati't-amama' ri akuchi ek'o-wi ri awach'alal y yin kan xkibe awik'in, xcha' chire.