Wuj Richin ri Rutikeribel 31:34 - Kaqchiquel Bible

³⁴ Y jak'a ri Raquel ri e eleq'ayon-pe ri ru-dios ri rutata' y e rewan k'a chuxe' ri ruxalma ri ru-camello y rija' ch'okol pa ruwi'; rokik ri rutata' nikurul pa rachoch y man jun xril chiri'.

Wuj Richin ri Rutikeribel 31:34 ပူးပေါင်းရင်းမြစ်များ

Wuj Richin ri Rutikeribel 31:19

Jak'a ri Labán xa xberusokaj kisumal ri rukarne'l. Roma ri' ri Raquel xtikir xereleq'aj-el ri wachibel ri yek'atzin chire ri rutata' richin nuya' kiq'ij.

Wuj Richin ri Rutikeribel 31:17

Chirij ronojel re', ri Jacob kan jari' xuben chi nibe, xeruch'okoba-el ri rixjayilal y ri e ralk'ual chikij ri camello.

Wuj Richin ri Rutikeribel 31:33

Y ri Labán, pa rachoch k'a ri Jacob xok-wi-apo nabey chi kikanoxik ri ru-dios; xel-pe chiri' xok-apo pa kachoch ri Bilhá y ri Zilpá y man jun xril-pe chiri', xok-apo pa rachoch ri Lea y roma kan man jun chuqa' xril-pe chiri' k'ari' xok-apo pa rachoch ri Raquel.

Wuj Richin ri Rutikeribel 31:35

Y jari' toq rija' xubij chire ri rutata': Man tipe awoyowal chuwe táta, roma man yitikir ta yiyakatej-q'anej chawech roma xa janila in yawa' rik'in ri yabil ri nikik'owisaj konojel ixoqi' ronojel ik', xcha'. Y keri' toq ri Labán xukanola' ri ru-dios y man jun xril.

1 Sam 15:23

Roma ri mak richin ri yakatajinenri'il junan rik'in ri rumak ri nubananej chi niq'alajirisan. Ri nunimirisaj-ri' junan rik'in ri nuya' ruq'ij wachibel. Y roma rat xa man xanimaj ta rutzij ri Jehová, ri Jehová kan xaretzelaj yan. Rija' wakami kan man utz ta chik yarutz'et chi at rey, xcha'.

Os 3:4

Keri' chuqa' ri tinamit Israel, kan k'iy k'a q'ij xkek'oje' chi maneq ki-rey. Man xkek'oje' ta chik k'a tata'al chikikojol, Man xtikisuj ta chik kamelabel q'ij-q'ij, ni ri paban taq abej, ni ri efod, ni ri ch'aqa' chik ki-dios man xkek'oje' ta chik kik'in.

Wuj Richin ri Chojmirisabelri'il 15:9

Wi ta ri achin ri' nich'oke' ta pa ruwi' jun xalma richin kiej, re xalma re' xtok man ch'ajch'oj ta.

Wuj Kichin ri To'onela' 18:24

Rija' xubij chike: Xik'uaj-el ri nu-dios ri xenben y xik'uaj chuqa' ri nu-sacerdote. Y wakami xa kan man jun chik xk'oje' kan wik'in. ¿Achike k'a roma nibij-pe chuwe chi achike xinben?, xcha'.