Wuj Richin ri Rutikeribel 31:12 - Kaqchiquel Bible

¹² Y chuqa' xubij: Tatz'eta' jebel konojel ri achija' ri ye'etz'an kik'in ri ixoqi' taq tzuntzun kan ruyon k'a xilon q'eq kij, seq y q'eq kij. Roma yin kan nutz'eton ronojel ri rubanon chawe ri Labán.

Wuj Richin ri Rutikeribel 31:12 ပူးပေါင်းရင်းမြစ်များ

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Deut 24:15

Toq nuk'is ri q'ij, kan jari' titojo-el chire, y man tiben chi nik'is-qa ri q'ij y man niya' ta chire ri xuch'ek, roma rija' xa man jun k'o rik'in y xaxe rik'in ri' nuq'axibej-wi-ri'. Richin keri' man nisujun ta chuwech ri Jehová ri qa-Dios chiwij y man yixqaqa ta pa mak rix.

Wuj Richin ri Rutikeribel 31:42

Y xa man ta k'o ri Dios richin ri Abraham wik'in, ri ru-Dios chuqa' ri nata' Isaac, ri kan jantape' xk'oje' rukiy chuwech, xa choj ta keri' xinateq-pe, y man jun ta xaya-pe chuwe. Jak'a ri Dios xutz'et chi janila xintej poqon awik'in y janila xisamej, roma ri' xch'on awik'in ri chaq'a' chi man kach'on wik'in chi oyowal, xcha' ri Jacob chire ri Labán.

Efesios 6:9

Y keri' chuqa' rix ajaw; ja ri utz ri tibana' kik'in ri isamajela'. Y man jun itzel tibila' o tibanala' chike richin tikixibij-ki'. Rije' kan k'o kajaw ri chila' chikaj. Man timestaj k'a chi rix chuqa' k'o jun iwajaw. Y rija' kan junan nuben chiqe qonojel.

Hechos 7:34

Wakami yatinteq k'a el pan Egipto, chukolik ri nutinamit, roma nintz'et k'a chi janila tijoj-poqonal nikik'owisaj, y wak'axan chuqa' ri oq'ej ri nikiben, y jare' k'a xiqaqa-pe chikikolik, xcha' ri ajaw chire ri Moisés.

Wuj Richin ri Molojri'il 5:8

Man tamey toq yetz'ilox ri winaqi' man jun k'o kik'in y xa man pa ruchojmilal ta ri niban chike. Roma ri jun aj-raqen k'o jun chik ri k'o más ruq'ij ri k'o pa ruwi' y ri k'o más kejqalen ja chik ri' ri ek'o pa kiwi' ri e ka'i' rije'.

Wuj Richin Bix Chire ri Dios 139:3

Rat kan awetaman k'a ri nubinibal y toq yinuxlan. Kan chijun k'a ri nubey chawech rat k'o-wi.

Wuj Richin Bix Chire ri Dios 12:5

Jak'a ri Jehová kere' nubij: Xkiyakatej k'a richin xkento' ri man jun ok k'o kik'in y yetz'ilox, chuqa' roma ri kijiloj ri k'o nik'atzin chike kan xkento' pa kiq'a' ri yetz'ilo kichin, ncha'.

Wuj Richin ri Chojmirisabelri'il 19:13

Man k'a ke'iwetzelaj ri iwinaq, y man k'a kixeleq' kik'in. Y toq nisamej jun wineq iwik'in kan jari' titojo', man tiya' kan richin jun chik q'ij ri xuch'ek.

Ex 3:9

Ri kiraqoj-chi'ij ri israelita kan napon-wi chinuwech yin y chuqa' nintz'et chi kan janila e ya'on pa tijoj-poqonal koma ri aj-Egipto.

Wuj Richin ri Rutikeribel 31:10

Y chupan k'a ri q'ij toq ri chikopi' ye'etz'an, jari' toq yin xinwachik'aj y xintz'et k'a chupan ri wachik' chi ri achija' taq tzuntzun ri yek'oje' kik'in ri ixoqi' taq tzuntzun, k'o seq y q'eq chikij, y chuqa' taq e xilon q'eq.

Wuj Richin Bix Chire ri Dios 10:14

Rat kan atzuliben ri tijoj-poqonal ri nikik'owisaj ri winaqi', kan ach'obon chik richin xke'ato'. Ri man jun nito'on kichin, kan awik'in rat kikuquban-wi kik'u'x; rat kan at to'onel kichin ri meba'i'.