Wuj Richin ri Rutikeribel 30:2 - Kaqchiquel Bible

² Ri rachijil janila xyakatej royowal y xubij chire: ¿In Dios yin k'a, richin ninben chawe chi man nik'oje' ta awal?, xcha' ri Jacob.

Wuj Richin ri Rutikeribel 30:2 ပူးပေါင်းရင်းမြစ်များ

Wuj Richin ri Rutikeribel 16:2

Roma ri' ri Sarai xubij chire ri rachijil: Rat awetaman chi ri Jehová rubanon chuwe richin man yek'oje' ta wal. Nink'utuj k'a utzil chawe richin kak'oje' rik'in ri xten Agar, ri nusamajel. Rik'in juba' rija' xtik'oje' jun ral y xtok wichin yin, xcha' chire. Y ri Abram kan xqa' k'a chuwech ri rutzij ri rixjayil.

Wuj Richin Bix Chire ri Dios 127:3

Ri alk'ualaxela' kan jun sipanik ri nuya' ri Jehová chike ri te'ej-tata'aj; kan jun urtisanik chike rije'.

2 Rey 5:7

Toq ri rey richin Israel xusik'ij re wuj re', kan xuretz k'a ri rutziaq chirij, y xubij: ¡Yin, man in Dios ta richin ninya' ruk'aslen re achin re', ni richin ninwelesaj ruk'aslen. ¿Achike k'a roma wik'in yin xuteq-pe richin chi nink'ach'ojirisaj-el chire ri ruyabil? Titz'eta' na pe, ri rey richin Siria kere' xuben xaxe roma nrajo' chi niyakatej-pe chiqij, xcha'.

1 Sam 1:5

Jak'a chire ri Ana más k'iy nuya' roma kan janila nrajo', stape' ri Jehová rubanon chire chi man nik'oje' ta ral.

Wuj Richin ri Rutikeribel 50:19

Jak'a ri José xubij chike: Man tixibij-iwi'. Yin man in Dios ta richin ninya' rutojbalil pan iwi'.

Efesios 4:26

Toq k'o nibanon chiwe chi yixoyower, man kixmakun. Y man tiya' q'ij chi k'a k'o na iwoyowal toq nitzaq-qa ri q'ij.

Marcos 3:5

Ri Jesús xerutzu' k'a rik'in royowal y chuqa' xbison-qa roma xerutz'et chi xa kowirineq ri kánima y man nikajo' ta nikinimaj. K'ari' rija' xubij chire ri achin ruwonon-ri' ri ruq'a': Tayuqu' la aq'a', xcha' chire. Y ri achin kan xuyuq ri ruq'a', y jari' toq xchojmir.

San Mateo 5:22

Jak'a yin ninbij chi wi k'o ta jun ri, stape' ta xaxe royowal ri nipe chire jun wineq, kan nimakun-wi y kan k'o chi tiq'at-tzij pa ruwi'. Chuqa' ri nibin chire jun chik wineq chi maneq runa'oj; ri nibin keri', kan aj-mak chuqa', roma ri' kan ruk'amon chi nuk'uex chikiwech ri achi'a' ri pa komon yeq'aton-tzij richin chi niq'at-tzij pa ruwi'. Y xabachike k'a ri nibin nakanik chire jun chik wineq, ri' xa kan oyoben chik roma ri q'aq'.

Wuj Richin Bix Chire ri Dios 113:9

Ri Jehová nuben chike ri ixoqi' ri man ye'alan ta chi nik'oje' kiq'ij pa taq kachoch. Chuqa' nuben chi yek'oje' kal, y yekikot. Kan tinimirisex k'a ruq'ij ri Jehová.

Ex 32:19

Y toq xe'apon akuchi ek'o-wi-qa, jari' toq ri Moisés xutz'et ri ruwachibel ri jun nima-alaj achij wákix y ri xajoj ri niban chuwech. Jari' toq xyakatej royowal y xuk'eq-qa pan ulew ri tz'alem taq abej, y xupaxij chiri' chuxe' ri juyu'.

Wuj Richin ri Rutikeribel 31:36

Y ri Jacob janila xyakatej royowal roma ri', y xuch'ojij chire ri Labán rik'in re ch'abel re': ¿Achike numak xinben chawech, richin kan xinatzeqelibej-pe?

Wuj Richin ri Rutikeribel 29:31

Y ri Jehová xutz'et chi ri Lea man kan ta chik najowex, roma ri' xuben chire chi yek'oje' ral; jak'a ri Raquel man alanel ta.

Wuj Richin ri Rutikeribel 25:21

Ri Isaac xuk'utuj k'a chire ri Jehová chi ri rixjayil nik'oje' ta ral roma rija' man alanel ta, y ri Jehová xrak'axaj y ri Rebeca xek'oje' k'a ral.

San Lucas 1:42

y kan rik'in k'a ruchuq'a' xch'on, y xubij: Jebel ruwa-aq'ij rat chiqakojol roj ixoqi' y keri' chuqa' ruwa-ruq'ij ri xtalex awik'in.