Wuj Richin ri Rutikeribel 3:6 - Kaqchiquel Bible

⁶ Y ri ixoq xutz'et k'a chi ri ruwech ri che' ri' kan jebel-wi richin nitij y kan rayixel-wi y kan nuya-wi etamabel. Roma ri' xuk'en k'a ri ruwech ri che' ri' y xutej. Y xberuya' chuqa' chire ri rachijil.

Wuj Richin ri Rutikeribel 3:6 ပူးပေါင်းရင်းမြစ်များ

Wuj Richin ri Rutikeribel 3:12

Y ri Adán xubij: Ri ixoq ri xaya' chuwe rat richin wachibil, xuya' chuwe ri ruwech ri che' y yin xintej, xcha'.

Wuj Richin ri Rutikeribel 3:17

Y ri Dios xubij chuqa' chire ri Adán: Roma kan xanimaj rutzij ri awixjayil y xatej ruwech ri che' ri xinbij chawe chi man tatej; awoma k'a rat xtiqaqa k'a itzel pa ruwi' re ruwach'ulew richin jantape'; y rik'in janila ruk'ayewal xtasamajij ri ulew richin xkawa' chijun ri ak'aslen.

Wuj Richin ri Rutikeribel 39:7

Y jari' k'a toq kere' ri xk'uluwachitej: Ri rixjayil ri Potifar kan xurayij k'a ruwech ri José y roma ri' k'o k'a jun q'ij toq xubij chire: Yin ninrayij chi yak'oje' wik'in, xcha'.

Wuj Richin ri Rutikeribel 6:2

jari' toq ri e ralk'ual ri Dios, xekitz'et chi ri xtani' ri', kan e jebejoj ok y roma ri' xekicha' richin xek'ule' kik'in.*f7*

2 Sam 11:2

Y k'o k'a jun q'ij, toq xqaq'ij-qa, ri David xyakatej-el pa ruwarabel y xbek'astan-q'anej pa ruwi' ri rachoch. Y k'a chiri' xutz'et-qa jun ixoq ri natin y kan janila jebel ok.

1 Rey 13:19

K'ari' ri achin aj-Judá xbe pa rachoch ri ti achin richin xwa-xuk'ya'.

Wuj Richin ri Achin Job 31:1

Yin kan nujikiban nutzij, chi kan man jun bey xtinrayij ta ruwech jun xten.

Ez 24:16

Rat Ezequiel, wakami xtinwelesaj-el ruk'aslen ri awixjayil, ri kan janila nawajo'. Jak'a rat kan man xkatoq' ta chirij, kan man xtibiyin ta ri ruya'al runaq'-awech roma rija'.

Ez 24:21

Stape' janila nikajo' ri wachoch ri k'o pa Jerusalem y kan janila kikuquban kik'u'x rik'in, yin kan xtinya' jun nimalej ruk'ayewal pa ruwi'. Y ri imi'al y ri ik'ajol ri xe'iya' kan pa Jerusalem xa xkekamisex.

Ez 24:25

Y ri Dios xubij chuwe chi xtrelesaj-el ri rachoch ri achoq ik'in kikuquban kik'u'x ri nuwinaq y achoq ik'in yekikot-wi. Chuqa' xtrelesaj k'a ri kik'aslen ri kimi'al-kik'ajol.

Os 6:7

Jak'a rix xa kan xiben achi'el xuben ri Adán, xa xiq'ej ruwi' ri nujikibel-tzij. Kan janila k'a xixmakun chinuwech yin.

San Mateo 5:28

Jak'a yin ninbij chi xabachike wineq ri nuya' ruwech chirij jun chik, ri nibanon keri', pa ránima xa kan xmakun yan.

1 Timoteo 2:14

Y chuqa' man ja ta ri Adán ri xq'olotej roma ri kumetz, xa ja ri Eva y keri' xuq'ej ruwi' ri rupixa' ri Dios.

Wuj Richin ri Josúe 7:21

Yin xintz'et k'a chukojol ri k'o rejqalen ri xqamej-pe chuwi-kiq'a' ri e etzelanel qichin, jun tzieq banon pa tinamit Babilonia ri janila utz, y wo'o' libra saqipueq y jun ti tz'ajaj q'anapueq ralal juwineq onza; jari' k'a xinrayij ruwech y xinchop-pe y ronojel re' wewan chuxe' ulew pa runik'ajal ri wachoch, nabey nuya'on-qa ri q'anapueq y ri saqipueq y pa ruwi' re' nuya'on-qa ri tzieq, xcha'.

1 Juan 2:16

Y ronojel re' man richin ta ri Qatata' Dios: Ri itzel taq rayinik richin ri ch'akulaj, rayibel richin nik'oje' awik'in ronojel ri natz'et, y ri nimirinen roma k'o beyomel, ronojel re' xa e richin ri ruwach'ulew.

Wuj Kichin ri To'onela' 14:17

Y ri rixjayil kan xoq' k'a chuwech ri chi oxi' q'ij ri nrajo' chi nitz'aqet ri wuqu' q'ij. Y chupan k'a ri ruwuq q'ij, ri Sansón xuq'alajirisaj k'a ri tzij chuwech ri rixjayil, roma kan jantape' xuk'utuj chire; y ri rixjayil xuq'alajirisaj k'a chikiwech ri ruwinaq.