Wuj Richin ri Rutikeribel 3:5 - Kaqchiquel Bible

⁵ Roma ri Dios retaman chi ri q'ij toq xtitej, kan xtijaqatej k'a ri runaq'-iwech y kan xtiwetamaj k'a ri utz y ri itzel y kan xkixok k'a achi'el ri Dios, xcha' ri kumetz.

Wuj Richin ri Rutikeribel 3:5 ပူးပေါင်းရင်းမြစ်များ

Ez 28:2

Rat Ezequiel, taya' re jun rutzijol re' chire ri rey richin Tiro y kere' tabij: Rat kan janila xanimirisaj-awi', y nach'ob chi at achi'el jun dios, y ri awajawaren ja ri palou. Jak'a stape' nana-awi' chi ri anojibal achi'el runojibal ri Dios, rat xa man at jun dios ta, xa at jun xabachike achin.

2 Tesalonicenses 2:4

Rija' xtiyakatej y xtupaba' ri' chuwech ronojel ri nibix dios chire, y ri niya'ox ruq'ij. Man xaxe ta ri' roma xa kan xtibetz'uye' chupan ri rachoch ri Dios, y xtubij chi ja rija' ri Dios.*f2*

Wuj Richin ri Rutikeribel 2:17

Xaxe ri che' ri niya'on etamabel richin ri utz y ri itzel man tatej, roma ri q'ij toq xtatej, kan xkaken, xcha'.

2 Corintios 11:3

Jak'a yin nuxibin-wi', roma man xa tibanatej iwik'in achi'el xbanatej rik'in ri Eva ojer kan, ri xq'olotej roma ri kumetz rik'in ri jebelej taq ruch'abel. Y rik'in juba' xa keri' xtiben rix, chi xa rik'in jun niya'on ina'oj, nijalatej ri ich'obonik. Y ri' nuben chiwe chi niya' kan ri Cristo.

2 Corintios 4:4

ri man kikuquban ta kik'u'x rik'in ri Cristo. Y ri xbanon keri' chike, ja ri Itzel-Wineq ri k'o pa ruwi' re ruwach'ulew. Kan e rumoyirisan k'a richin man niq'ax ta chikiwech ri utzilej ch'abel ri niq'alajirisan ruq'ij-ruk'ojlen ri Cristo, ri xoruq'alajirisaj ri Dios chiqawech, roma rija' kan Dios wi.

Hechos 26:18

Yatinteq k'a el kik'in, richin chi rije' nijaqatej ri runaq' taq kiwech, y ye'el-pe chupan ri q'equ'm y yek'oje' chupan ri saqil, ye'el k'a chuqa-pe chuxe' ri rutzij ri Satanás y ye'ok chuxe' rutzij ri Dios, y roma xkikuquba' kik'u'x wik'in, nikik'ul ri kuyubel kimak, y ri Dios k'o xtuya' chike richin nikichinaj, e kachibilan ri ch'aqa' ri ch'ajch'oj chik ri kik'aslen y e richin ri Dios, xcha' ri Jesús chuwe.

San Mateo 6:23

Jak'a wi ri runaq'-iwech man e utz ta, rix xa ixk'o pa jun q'equ'm. Roma wi xa nijalatej ri saqil ri ruya'on ri Dios pan iwánima y xa kan nok q'equ'm; wi keri', kan más chik k'a nim ri q'equ'm.

Wuj Richin ri Rutikeribel 3:22

Y ri Dios xubij: Wakami rije' kan achi'el chik roj, roma kan retaman chik ri utz y ri itzel. Wakami, tiqabana' k'a chi man tuchop ri ruwech ri che' ri niya'on k'aslen richin jantape', xcha'.

Wuj Richin ri Rutikeribel 3:10

Y rija' xubij: Xinwak'axaj chi atk'o wawe' pa qejoj, y xinxibij-wi' roma in ch'anel y roma ri' xinwewaj-wi', xcha'.

Wuj Richin ri Rutikeribel 3:7

K'ari' xjaqatej kiwech chi e ka'i' y xketamaj chi e ch'anel, k'ari' xkitz'is ruxaq ri wíkix richin xkikuch ri kik'ix.

Apocalipsis 13:14

Y roma kan ya'on q'ij chire chi nuben meyel taq banobel, konojel winaqi' ri ek'o chuwech ri ruwach'ulew kan xeq'olotej pa ruq'a'. Y xuben k'a chike ri winaqi' chi tikibana' jun ruwachibel ri nabey chikop ri xk'achoj chire ri rusokotajik ri xban rik'in espada.

Apocalipsis 13:4

Y ri winaqi' kan xkiya' k'a ruq'ij ri Itzel-Wineq, roma jari' ri xya'on ri q'atbel-tzij pa ruq'a' ri nimalej chikop. Ri winaqi' chuqa' nikiya' ruq'ij ri nimalej chikop y nikibila': ¿K'o ta kami jun ri junan rik'in re nimalej chikop re' y nitikir nich'akon chirij?, yecha'.

Dn 4:30

xinmey k'a ronojel ri nubeyomel y xinbij k'a qa: Titz'eta' ri runimirinen ri ruwach'ulew Babilonia. Jare' ri xinpaba-q'anej yin rik'in ri wuchuq'a'; xinpaba-q'anej richin chi xinben chire chi xok ruk'u'x ri wajawaren, y richin chi nik'oje' kan retal ri nunimirinen yin, xicha-qa.

Wuj Richin ri Isaías 14:14

Chuqa' xabij-qa chi k'a pa ruwi-el la sutz' xkajote-wi-el, richin xkatok achi'el ri nimalej Dios.

1 Rey 22:6

Y k'ari' ri Acab xerumol konojel ri e q'alajirisey ruch'abel ri ki-dios, y xkimol k'a ki' e 400 achi'a', y xuk'utuj chike: ¿Utz kami chi yibe richin ninbenbana' oyowal pa ruwi' ri Ramot ri k'o pa Galaad, o xa ninmalij-qa?, xcha'. Y rije' xkibij chire chi utz nibe roma ri kajaw kan xtujech pa ruq'a'.

Ex 20:7

Man chaq tinatala' ri nubi' yin Jehová ri i-Dios chaq keri'. Yin kan man xtinben ta chiwe chi maneq imak wi chaq ninatala' ri nubi' y man niya' ta wejqalen.

Ex 5:2

Jak'a ri rey xubij: ¿Achike chi Dios ri Jehová richin chi ninwak'axaj ri nubij y ninya' q'ij chire ri tinamit Israel richin nibe? Yin man wetaman ta ruwech ri Jehová, ni man xtinya' ta q'ij richin ri tinamit nibe, xcha' chike.

Dn 6:7

Roj ri oj aj-raqen, ri yojq'aton-tzij, y ri pixabanela' qamolon k'a pe qi' richin noqaya' chawech re jun pixa' re xqach'ob roj chi k'atzinel chi niban. Re pixa' re' nubij k'a chi chupan re jun ik' re' man jun wineq ri nixuke' richin nuya' ruq'ij jun chik dios, o jun chik wineq ri man ja ta rat. Y ri wineq ri man xtiniman ta chire re pixa' re', kan xtik'aq k'a chupan ri jul ri akuchi ek'o-wi ri koj.

Ez 28:9

Y chupan ri q'ij ri', ¿xkatikir kami rat xtapaba-awi' chikiwech ri yekamisan awichin? ¿Y xkatikir kami xtabij chi rat kan at jun dios? Ni, rat xa at jun achin y man at jun dios ta, y roma ri' xa kan atk'o chik pa ruq'a' ri nikamisan awichin.

Ez 13:22

Rik'in ri tz'ukuj-tzij ri xkiben chike ri winaqi' ri choj kik'aslen richin xmayamo-qa ri kánima, stape' xa man ja ta ri' ri nurayibel yin. Y chuqa' xkiya' kuchuq'a' ri yebanon etzelal richin nikiben más etzelal y keri' man xkekolotej ta.

Wuj Richin Bix Chire ri Dios 12:4

ri winaqi' ri nikibij: Rik'in ri qach'abel yojch'akon; ri qaq' kan yojruto', roma ri' kan man jun xtitikir qik'in, yecha'.

2 Crón 32:15

Roma ri' man kixq'olotej pa ruq'a' ri Ezequías. Man tinimaj rutzij, roma man jun dios chuwech re ruwach'ulew ri xtikir xukol ri rutinamit pa kiq'a' ri wati't-numama'. ¡K'a ta la' chik k'a ri i-Dios rix xkixrukol kan pa nuq'a'! nubij ri Senaquerib, xecha'.

Ez 29:3

Jare' k'a ri rutzijol: Yin Jehová jare' ink'o richin xkiyakatej chawij rat rey richin Egipto. Rat at achi'el k'a jun nimalej ayin ri atk'o pa raqen-ya' Nilo, kan nach'ob k'a chi ja rat ri xabanon ri raqen-ya' ri' y kan awichin rat.

Ez 28:12

Rat Ezequiel, tabixaj k'a re jun bix re' ri ruk'amon-pe bis, pa ruwi' ri rey richin Tiro y tabij jare' ri ninbij yin Jehová: Kan qitzij na wi chi rat kan at utz chikiwech ch'aqa' chik, y kan at nojineq rik'in nojibel, y rat xaben chire ri awajawaren chi kan jebel ok.

Wuj Richin ri Rutikeribel 2:9

Y xuben richin xewachin-pe chuwech re qejoj re' ronojel ruwech che' ri kan e rayixel y kan e tijel y pa runik'ajal k'a ri qejoj ri' ek'o ka'i' che', ri jun nuya' k'aslen y ri jun chik nuya' etamabel chirij ri rukojol ri utz rik'in ri itzel.

Wuj Kichin ri To'onela' 3:2

Xeruya' kan, xaxe richin chi niketamaj achike ri' ri labal, richin nikik'ut chikiwech ri man ketaman ta.