Wuj Richin ri Rutikeribel 3:19 - Kaqchiquel Bible

¹⁹ Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin ri Rutikeribel 3:19 ပူးပေါင်းရင်းမြစ်များ

Wuj Richin ri Molojri'il 12:7

Kan man k'a tamestaj ri k'iytisanel awichin rokik man jani nok chik ulew ri ach'akul y rokik chuqa' man jani nitzolin rik'in ri Dios ri awánima ri kan richin wi k'aslen ri ya'on-pe chawe roma rija'.

Wuj Richin ri Achin Job 34:15

xa kan konojel k'a pa jun bey yeken-el, y konojel ri winaqi' ri', xa kan xke'ok chik ulew jun bey.

Wuj Richin Bix Chire ri Dios 104:29

Wi rat nawewaj-awi', rije' kan nisach kik'u'x. Toq nawelesaj ri uxla' kik'in, rije' xa kan yeken-qa. Y xa kan yetzolej chik pa poqolaj.

Wuj Richin ri Rutikeribel 2:7

Ri Dios xuben ri achin rik'in ri ulew y k'ari' xuxupuj pa rutza'n richin xuya' ruk'aslen y Adán ri rubi' ri xuya'. Y keri' k'a xbanatej toq xya'ox ruk'aslen ri achin.

Wuj Richin Bix Chire ri Dios 90:3

Rat kan naben chiqe chi yojok chik ulew. Kan yojawoyoj-wi richin yojok chik poqolaj.

Efesios 4:28

Wi k'o jun ri xuben eleq', man chik teleq'. Pa ruk'exel ri' nik'atzin chi nukusaj ri ruq'a' richin nisamej, roma re' kan utz wi, y rik'in re' nitikir chuqa' yeruto' ri k'o nik'atzin chike.

Wuj Richin ri Molojri'il 3:20

Konojel xa yetzolin chik ri akuchi e peteneq-wi: Kan pan ulew k'a e peteneq-wi y chiri' chik yetzolin-wi, kan ye'ok chik k'a ulew.

Wuj Richin ri Rutikeribel 18:27

Jak'a ri Abraham xubij chire: Yin xa in poqolaj y xa in ulew y jun k'ixbel ninben chawech y rat kan at jun k'aslik Dios.

Dn 12:2

E k'iy k'a awinaq ri e kaminaqi' chik el, ri xkek'astej chik pe; jujun xkek'astej-pe richin yek'ase' chik richin q'asen, y ch'aqa' chik xkek'astej-pe richin ruk'ixbilal y richin qasanri'il.

Wuj Richin ri Molojri'il 1:3

Roma, ¿achike ta k'a nuch'ek jun achin ri janila nisamej chuwech re ruwach'ulew chuxe' ri ruk'atanal ri q'ij?

Wuj Richin Bix Chire ri Dios 22:15

Ri pa nuchi' kan chaqi'j-chaqi'j k'a, kan achi'el ri poqolaj. Ri waq' kan xutz'om k'ari' ri pa nuja'j, roma ri' kan nintz'et k'a ruwech ri nukamik.

Wuj Richin ri Rutikeribel 23:4

Yin xa man in aj wawe' ta, xa nej kipe-wi, y chi'ikojol rix ink'o-wi wakami. Tibana' utzil chuwe richin tik'ayij juba' wulew, y chiri' xtinmuq-wi ri nukaminaq, xcha' ri Abraham.

2 Tesalonicenses 3:10

Y toq xojk'oje' iwik'in, xqabij chiwe chi wi k'o jun ri man nrajo' ta nisamej, chuqa' man tutej ruway.

Wuj Richin Bix Chire ri Dios 103:14

Keri' nuben roma rija' retaman chik ri qabanikil roj. Rija' retaman chi roj xa maneq quchuq'a' y xa rik'in poqolaj oj banon-wi.

1 Tesalonicenses 2:9

Qach'alal, jebel iwetaman chi man jun bey xqak'utuj qaway chiwe. Jak'a roj xojsamej chi paq'ij chi chaq'a' richin xqach'ek qaway, richin man xixqaya' ta pa k'ayew, toq xojk'oje' iwik'in chubixik ri utzilej ruch'abel ri Dios ri nik'amon-pe kolotajik.

Wuj Richin ri Molojri'il 5:15

Y k'o chuqa' jun chik ri nutz'eton; chi ri wineq toq nalex, kan ch'anel peteneq. Kan keri' chuqa' ch'anel ri xtitzolin, y man jun k'a chire ri xuch'ek chire ri kow laj taq rusamaj ri xerubanala' ri xtuk'uaj ta el toq xtiken.

Wuj Richin ri Molojri'il 1:13

Yin kan rik'in k'a na'oj xinjech ri wánima chukanoxik y chunik'oxik ronojel ri nibanatej chuwech re ruwach'ulew. Y re samaj re' ri ruya'on kan ri Dios chiqe, kan janila k'ayew richin niqaben.

Wuj Richin Etamabel-Tzij 21:16

Ri wineq ri kan pa rubanik nuben chi nusech ri bey richin ri na'oj, xa xkeberila-apo ri akuchi ek'o-wi konojel ri e kaminaqi'.

Wuj Richin Bix Chire ri Dios 22:29

Konojel ri e beyoma' kan xkexuke' chawech y xtikiya' aq'ij, roma konojel re winaqi' re' xa kan xke'ok chik poqolaj, y kiyon rije' kan man yetikir ta nikiya-qa kik'aslen.

Wuj Richin ri Achin Job 21:26

Ri wineq beyom y ri meba', chi e ka'i' yebelie' chuxe' ulew, y kan xtinoj k'a kij chi jut, ri yetijo kichin.

Wuj Richin ri Achin Job 19:26

Y toq xa k'isineq chik ri nutz'umal re nuk'uan, kan xkik'astej chik, y kan k'o chik k'a nuch'akul toq yin xtintz'et ruwech ri Dios.

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

1 Corintios 15:47

Ri nabey achin, kan richin wi re ruwach'ulew, roma rik'in ulew xban-wi. Jak'a ri jun chik, kan aj-chikajil.

Hebreos 9:27

Y achi'el k'a chi qonojel roj winaqi' ya'on pa qawi' chi xaxe jun bey yojken, y k'ari' xtiq'at-tzij pa qawi',

Wuj Richin ri Rutikeribel 3:18

Y jalajoj k'a ruwech taq q'ayis ri k'o kik'ixal xkebek'oje' chupan ri atiko'n y kan xtabetija' chuqa' ichaj.

Wuj Richin ri Achin Job 4:19

¡K'atala' chik k'a chi xtuya' ránima rik'in jun wineq ri xa ulew, ri xa man kow ta; ri xa kan tikirel chi nupach'ij, achi'el nuben jun wineq rik'in jun ti palamax!

Wuj Richin Bix Chire ri Dios 104:23

Jari' toq nel-el ri achin richin nibe pa samaj. Nuben k'a ri rusamaj y k'a niqaqa na ri q'ij k'ari' nitane'.

Wuj Richin Bix Chire ri Dios 127:2

Xa man jun nik'atzin-wi chi janila nimaq'a' yan yixyakatej richin yixsamej, man jun nik'atzin-wi chi yixsamej nej aq'a', roma ri Jehová kan nuya' k'a ri k'atzinel chike ri ralk'ual, ri kan yerajo'.

Wuj Richin ri Rutikeribel 5:5

Y ri Adán xk'ase' k'a 930 juna' k'ari' xken.

Wuj Richin ri Achin Job 10:9

Toqaqa chi'ak'u'x, chi rat jun k'olaj ch'abeq ri xakusaj, richin xaben re achike nubanik, y wakami xa nawajo' chik naben poqolaj chuwe.