Wuj Richin ri Rutikeribel 3:18 - Kaqchiquel Bible

¹⁸ Y jalajoj k'a ruwech taq q'ayis ri k'o kik'ixal xkebek'oje' chupan ri atiko'n y kan xtabetija' chuqa' ichaj.

Wuj Richin ri Rutikeribel 3:18 ပူးပေါင်းရင်းမြစ်များ

San Mateo 13:7

Y juba' chik chire ri ija'tz xqaqa kojol q'ayis ri k'o kik'ixal. Y toq xe'el-pe, kan junan xek'iy-q'anej kik'in ri k'ix. Jak'a roma ri k'ix janila xek'iy, ri tiko'n xa xejiq' kan.

Wuj Richin ri Isaías 7:23

Chuqa' chupan ri q'ij ri' ri akuchi xk'oje' 1,000 juwi-uva, ri kan janila rajel, xa xkebek'iy-pe ri q'ayis ri janila kik'ixal chuwech.

Wuj Richin ri Achin Job 5:5

Y ri ruwech ri kitiko'n, ja ri winaqi' ri k'o kiwayjal ri xkek'ison, y stape' chukojol k'ix k'o-wi xtikelesaj-el richin nikik'uaj. Ri winaqi' ri k'o rayinik kik'in xtikik'uaj k'a el; y ri winaqi' ri nik'at kánima chirij ri beyomel xtikik'uaj-el ronojel.

Hebreos 6:8

Jak'a jun ulew ri xaxe itzel taq q'ayis y k'ix ri yeruya', man jun nik'atzin-wi y xa itzel nitz'et y ri ulew ri' xa xtiporox kan ruwech.

Wuj Richin ri Jeremías 4:3

Yin ninbij chiwe rix aj-Judá y aj-Jerusalem: Man tikowirisaj ri iwánima achi'el ri ulew ri man jun bey samajin y k'o k'ix chupan.

Wuj Richin ri Isaías 32:13

Chuqa' kixoq' pa ruwi' ri ulew, roma kan xkenoj k'ix chupan. Kixoq' pa kiwi' ri jay akuchi janila yekikot ri winaqi', y chijun ri tinamit ri yenimaq'ijun.

Wuj Richin ri Isaías 5:6

Y xtinben chi kan man jun chik xtik'oje' kan. Man chik k'a xkenjol ta ri ruq'a', ni man xtiban ta chik makoj chupan. Kan xtik'iy k'a pe q'ayis y k'ix chupan. Y chuqa' kan xkich'on rik'in ri sutz' chi man chik xtuteq-pe job, xcha'.

Wuj Richin Etamabel-Tzij 22:5

Pa rubey ri wineq banoy richin ri etzelal, kan nojineq k'a chi k'ix y chi pikbel, jak'a ri wineq ri nupoqonaj-ri' kan man nijel ta apo chunaqaj ri bey ri'.

Wuj Richin ri Achin Job 31:40

Wi man ta keri' xinben, pa ruk'exel chi nel ta pe trigo pa wulew, xa kepe k'a k'ix, y pa ruk'exel cebada, tel k'a pe itzel q'ayis, xcha' ri Job. Ri Job nitane' chi ch'owen.

Wuj Richin ri Josúe 23:13

kan tiwetamaj k'a chi wi xtiben keri', ri Jehová man xkerelesaj ta el chiwech rix ri winaqi' richin ri ruwach'ulew ri'. Y xa xke'ok k'a jun pikbel chiwe rix, y xkixqaqa pa kiq'a', y xtina' k'a achi'el yixjich' chi xik'a'y y achi'el chuqa' jun k'ix k'o pa runaq'-iwech, y kan xkixruk'is-el chuwech re jebelej ruwach'ulew ri xuya' ri Jehová ri qa-Dios chiqe.

Wuj Richin ri Jeremías 12:13

Rije' xtikitik-qa trigo y xa ruyon k'ix ri xtel-pe. Ronojel ri kisamaj xa man jun xuq'ajuj-wi. Kan xek'ixbitej roma ri kitiko'n roma yin kan yakatajineq woyowal chikij.

Wuj Richin Etamabel-Tzij 24:31

Jari' toq xintzu' kan chi janila chi k'ix ri k'iyineq-pe chupan y ri amley kan rutz'apen-ruwi' ri ulew; y ri abej ri e nuk'un-q'anej, ri nik'atzin richin man jun nok-apo ri chiri', xa xewuluwu' yan qa.

Wuj Richin Bix Chire ri Dios 104:2

Kan nabolqotij k'a awi' chupan ri saqil, achi'el xa ta atziaq abanon chire. Rat kan xarik' k'a ri kaj achi'el nirik' jun jay banon rik'in tzieq.

Wuj Richin Bix Chire ri Dios 90:3

Rat kan naben chiqe chi yojok chik ulew. Kan yojawoyoj-wi richin yojok chik poqolaj.

Wuj Richin ri Achin Job 1:21

y xubij k'a: In ch'anel k'a toq xiralaj ri nte', chuqa' kan in ch'anel ri xkitzolin-el. Kan ja ri Jehová ri niya'on ronojel y kan ja chuqa' rija' nelesan; yin kan ninya' ruq'ij ri Jehová ri nibanon ronojel re', xcha'.

Romanos 14:2

Achi'el chirij ri ti'ij, roj kan kuqul qak'u'x chi utz niqatej ronojel, jak'a ek'o qach'alal ri man kan ta kikuquban kik'u'x rik'in ri Cristo, ri kuqul kik'u'x chi xaxe ri jalajoj ruwech ichaj ri utz yekitej.

Wuj Richin ri Rutikeribel 3:17

Y ri Dios xubij chuqa' chire ri Adán: Roma kan xanimaj rutzij ri awixjayil y xatej ruwech ri che' ri xinbij chawe chi man tatej; awoma k'a rat xtiqaqa k'a itzel pa ruwi' re ruwach'ulew richin jantape'; y rik'in janila ruk'ayewal xtasamajij ri ulew richin xkawa' chijun ri ak'aslen.

Wuj Richin ri Rutikeribel 3:19

Xkatz'oqpin na k'a chubanik ri asamaj richin xtach'ek ri achike ri xtik'atzin chawe, k'a toq xkatok chik jun bey ulew ri achoq ik'in xatinben-wi; roma kan at ulew-wi, y kan keri' xkatok chik jun bey, xcha'.

Wuj Richin ri Isaías 7:24

Ri xke'ok-apo chiri' kan xke'ok-apo rik'in kich'ab y rute-ch'ab, roma ri ruwach'ulew ri' kan xaxe chik k'a jalajoj ruwech taq q'ayis ri k'o kik'ixal ri xkek'oje'.