Wuj Richin ri Rutikeribel 3:15 - Kaqchiquel Bible

¹⁵ Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

Wuj Richin ri Rutikeribel 3:15 ပူးပေါင်းရင်းမြစ်များ

Romanos 16:20

Ja ri Dios niya'on uxlanen pa taq iwánima. Y rija' xtuben yan chiwe chi yixch'akon chirij ri Satanás. Y ja ta k'a ri rutzil ri qajaw Jesucristo xtik'oje' iwik'in, xcha' ri Pablo.

1 Juan 3:8

Jak'a ri man nikiya' ta kan rubanik ri mak, xa kan e richin k'a ri Itzel-Wineq, roma rija' kan aj-mak wi pa rutikeribel-pe. Y xa roma ri' toq xok'ulun ri Ruk'ajol ri Dios, chuyojik ri rusamaj ri Itzel-Wineq.

Apocalipsis 12:17

Y roma man xtikir ta chirij ri ixoq, xyakatej janila royowal. Roma ri' xbe, y xeberuchapa' chi oyowal ri ch'aqa' chik e ral-riy ri ixoq, nel chi tzij ri kan nikinimaj rutzij ri Dios y chuqa' kan kitzeqeliben ri rubin kan ri Jesucristo. Chirij ri' ri nimalej itzel keq rij chikop ri' xa xpa'e' kan pa sanayi' chuchi' ri palou.

Wuj Richin ri Isaías 7:14

Roma ri' ri Dios kan xtuya' k'a pe jun retal chiwech. Jun xten xtipe alanik chirij.*f2* Y xtibe'alex jun ti ral. Y Emanuel*f3* ri rubi' ri xtuya'.

Gálatas 4:4

Jak'a toq xoqaqa ri q'ij ri cha'on roma ri Dios, rija' xuteq k'a pe ri ruk'ajol y xo'alex-qa rik'in jun ixoq. Y roma chiqakojol roj judío xalex-wi ri ruk'ajol, xk'oje' k'a chuxe' ri pixa' richin ri Moisés.

San Juan 8:44

Ri itata' rix xa kan ja ri Itzel-Wineq y ja ri niqa' chuwech rija', jari' ri yixtajin chubanik. Rija' kan ja ri pa rutikeribel tikerineq-wi-pe richin nikamisan. Man k'a xk'oje' ta chik chupan ri qitzij, roma xa kan man jun k'a qitzij ri k'o ta rik'in. Xa kan jun tz'ukuy-tzij. Y kan kitata' k'a konojel ri e tz'ukuy taq tzij.

San Mateo 1:23

Jun xten xtipe alanik chirij. Y xtibe'alex jun ti ral. Y Emanuel ri rubi' ri xtuya', nicha'. Ri Emanuel nel chi tzij: Ja ri Dios Qik'in.

San Mateo 13:38

Ri ulew ri xban-wi ri tikoj, kan ja re ruwach'ulew. Ri utzilej ija'tz jak'a ri ek'o pa rajawaren ri Dios. Y ri pach'un-q'os jak'a ri kan e richin wi ri etzelal.

1 Juan 3:10

Y rik'in re' niq'alajin ri achike ri e ralk'ual ri Dios y ri e ralk'ual ri Itzel-Wineq. Jak'a ri man chojmilej k'aslen ta kik'uan y man yekajo' ta ri kach'alal, man e richin ta ri Dios.

San Lucas 10:19

Yin kan nuya'on na wi uchuq'a' chiwe richin chi yixch'akon chirij ri ruchuq'a' ri Itzel-Wineq, y chuqa' richin chi stape' xke'ipalibela' ta kumatzi' y alacrán ri yeruya' pan ibey, kan man jun xtik'uluwachij pa ruq'a'.

Wuj Richin Bix Chire ri Dios 132:11

Rat xajikiba' k'a atzij chire ri David y kan man xtatzolij ta k'a awi' chire re jikibel-tzij re' rat xabij k'a chire chi ja ri e rijatzul rija' ri xketz'uye' chupan ri tz'uyubel richin ri q'atbel-tzij.

Apocalipsis 20:10

Y ri Itzel-Wineq ri xq'olon kichin konojel ri winaqi' ri', xk'aq chupan ri achi'el choy ri k'o q'aq' xolon rik'in chuwilej-abej chupan, ri akuchi xk'aq-wi ri keq rij chikop ri xq'aton-tzij rachibilan ri jun achin ri xbin chi q'alajirisey ri ruch'abel ri Dios y xa man qitzij ta. Y chiri' chupan ri q'aq' xtikitej poqon chi paq'ij chi chaq'a' y kan richin tibe-q'ij tibe-seq.

Colosenses 2:15

Y rik'in ri' xq'alajin chi ri Cristo k'o más ruchuq'a' chikiwech ri ángel, y ri k'o uchuq'a' pa kiq'a' ri ek'o pa kaq'iq'. Toq xken chuwech cruz, xuqasaj kiq'ij y xeruxim-el konojel richin xetzeqe-el chirij achi'el xeruchop-pe pan oyowal.

Hechos 13:10

y xubij chire: Rat xa nojineq awánima rik'in ronojel ruwech q'oloj y rik'in ronojel ruwech etzelal. Xa at jun ralk'ual ri Itzel-Wineq, roma nawetzelaj ronojel ri utz. Rat xa kan xotoxik naben chire ri chojmilej bey richin ri ajaw Dios. ¿Kan man kami xkatane' ta chubanik ri'?

Apocalipsis 2:10

Man tixibij-iwi' chuwech ri tijoj-poqonal ri xtipe pan iwi' ri chiwech-apo. Roma ri Itzel-Wineq xtuben chi ek'o jujun chiwe rix xkeruya' pa cárcel richin chi yerutejtobej. Lajuj k'a q'ij ri xkixk'oje' pa tijoj-poqonal. Jak'a kan kow kixk'oje' k'a toq xkixapon na chuwech ri kamik. Y yin xtinya' jun sipanik richin ch'akonik chiwe y ri' ja ri k'aslen ri man k'isel ta.

Wuj Richin ri Isaías 53:12

Roma ri' yin kan xtinnimirisaj ri rubi' chikikojol ri e nima'q taq winaqi', y kan xtinya' ruchuq'a', roma rija' kan xtuya-ri' pa kamik, y kan junan xtikamisex kik'in ri aj-maki'. Kan rija' xtejqan kimak ri janila chi winaqi', y kan ja rija' xtich'on pa kik'exel ri aj-maki', nicha' ri Dios.

Wuj Richin ri Miqueas 5:3

Y re' k'a man jani tibanatej, roma ri Dios xkerumalij k'a kan ri qawinaq israelita, k'a xtapon na ri q'ij toq xtalex ri rey ri'. Chupan ri q'ij ri' xketzolej-pe pa taq ruwach'ulew konojel ri qawinaq.

Wuj Richin ri Jeremías 31:22

¿K'a janipe' k'a niya' kan ri yixbe-kela' yixbe-kela' niben? Rix ix achi'el jun alk'ualaxel ri man nunimaj ta tzij. Jak'a yin Jehová k'o jun k'ak'a' ri xintz'uk chupan re ruwach'ulew re'; ja ri man jun bey k'uluwachitajineq.

1 Juan 5:5

¿Achike ta k'a ri nich'akon chirij ri etzelal richin re ruwach'ulew? Kan xaxe k'a ri kuqul-ruk'u'x chi ri Jesús, jari' ri Ruk'ajol ri Dios.

Hebreos 2:18

Rija' kan qitzij xutej-poqon, y xban chire chi xmakun ta, jak'a man xch'akatej ta. Roma ri' rija' kan nitikir-wi yojruto' toq niban chiqe roj chi yojmakun ta chuqa'.

Efesios 4:8

Roma ri', chupan ri ruch'abel ri Dios nubij chirij ri Cristo: Toq xjote-q'anej chila' chikaj, xeruk'uaj-el ri ek'o pa ximonri'il. Y xuya' k'a pe jalajoj sipanik chiqe roj ri winaqi'.*f3*

Apocalipsis 13:7

Chuqa' xya'ox q'ij chire richin chi xeruchop chi oyowal ri e ralk'ual ri Dios y yeruch'ek. Xya'ox uchuq'a' chire pa kiwi' ri jalajoj ruwach'ulew, ijatzul, tinamit y ch'abel.

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

San Lucas 22:53

Kan q'ij-q'ij k'a xik'oje' iwik'in ri pa rachoch ri Dios, y man jun achike ta xiben chuwe. K'a ja ramaj re' ri ya'on chiwe rix, ramaj richin xtich'akon ri q'equ'm, xcha' ri Jesús.

San Mateo 23:33

Rix ix q'olonela', y chuqa' ix kijatzul kan ri q'olonela'. ¿Kan k'o ta kami k'a jun rubanik richin man ta yixbe pa q'aq'?

San Mateo 12:34

Roma ri' ja rix ri ix q'olonela', y chuqa' ix kijatzul kan ri itzel taq q'olonela'. ¿Kan yixtikir kami nibij ri utz, toq xa ja ri etzelal k'o iwik'in? Roma jun wineq kan jak'a ri k'o pa ránima ri nubij.

San Mateo 3:7

Y toq rija' xutz'et chi kan e k'iy k'a chike ri achi'a' fariseo y saduceo ri xe'apon chuqa' rik'in, xubij k'a chike: Rix xa ix kijatzul ri q'olonela' taq winaqi'. ¿Achike k'a xbin chiwe richin k'o chi yixaminej chuwech ri ruk'ayewal ri peteneq?

Romanos 3:13

Kan xaxe k'a ri q'oloj ri k'o pa kichi'. Ri pa kichi' kan achi'el k'a jun muqubel kamineq ri jaqel. Ri kaq' kan achi'el ri kamisanel-ya' ri nel pa ruchi' ri kumetz, Kan ruyon k'a q'oloj nikiben ri winaqi'.

San Lucas 1:76

Y rat ti nuk'ajol, kan at q'alajirisey ri ruch'abel ri nimalej Dios ri xtibix chawe, roma ja rat ri xkabin chike ri winaqi' chi tikichojmirisala' ri rubey ri kik'aslen.

Marcos 16:18

Stape' xkekichop itzel taq kumatzi' o wi xkekitijla' kamisanel taq aq'om, man jun k'a xtikik'uluwachij. Xtikiya' chuqa' kiq'a' pa kiwi' yawa'i' y xkek'achoj.

San Mateo 1:25

Jak'a man xk'oje' ta rik'in, k'a toq xalex na ri nabey ti ral ri María. Y toq xalex ri ak'ual, ri José xuya' rubi', y Jesús ri rubi' xuya'.

Wuj Richin ri Rutikeribel 49:17

Rija' kan achi'el k'a jun kumetz ri xtik'oje' chuchi' ri bey, jun itzel kumetz ri xtik'oje' chuchi' ri ramon-bey, ri nupurij chi kaqen ri kiej, richin nuben chi yejaq'ajo' kan ri e ch'okolibeyon.

Dn 9:26

Toq xq'ax yan ri 483 juna', kan xtelesex k'a ruk'aslen ri tata'al ri', jak'a xa man roma ta rumak rija'. Chirij re' jun aj-raqen ri man etaman ta ruwech y ri ruwinaq xkepe pa Jerusalem achi'el jun raqen-ya' ri nel-el pa ruk'ulba't. Y kan xtikiwulaj k'a ri tinamit Jerusalem y ri rachoch ri Dios. Ri ruk'ayewal y ri labal kan xtik'oje' k'a jantape' k'a toq xtik'is na ri 490 juna', achi'el ri rubin ri Dios.

Am 9:3

Chuqa' stape' xtikewaj-ki' pa ruwi' ri juyu' Carmelo kan k'a chiri' xkenwil-wi-pe. Stape' nibekewaj-ki' chinuwech chupan ri palou, yin xtinteq ri chikop aj pa ya' chikij richin xkeruk'is.

San Lucas 24:27

K'ari' ri Jesús xuchop k'a rusolik-rij chikiwech ri e ka'i' achi'a' ri', ronojel ri e tz'ibatel kan chirij rija', chupan ri ruch'abel ri Dios. Xuchop k'a el rik'in ri e rutz'iban kan ri Moisés, k'a rik'in ri kitz'iban kan ri ch'aqa' chik achi'a' ri xeq'alajirisan ri ruch'abel ri Dios ojer kan.