Wuj Richin ri Rutikeribel 29:2 - Kaqchiquel Bible

² Y xutz'et k'a apo jun pozo pa juyu' y chiri' ek'o e oxi' tzobaj karne'l e uxlawineq, roma chupan ri pozo ri' ye'uk'ya-wi konojel awej. Y ri pozo ri' rik'in jun nim abej tz'apel kan ruwi'.

Wuj Richin ri Rutikeribel 29:2 ပူးပေါင်းရင်းမြစ်များ

San Juan 4:6

Ja ri chiri' k'o-wi ri pozo ri xuk'ot kan ri Jacob, ojer. Chiri' k'a xtz'uye-wi-qa ri Jesús, roma rija' kan janila k'a kosineq-pe roma ri binen kibanon-pe. Ri' pa nik'aj-q'ij la'eq ri'.

Wuj Richin ri Isaías 49:10

Kan man xkewayjan ta, ni man xtichaqi'j ta kichi'. Chuqa' ri q'ij y ri k'aten kan man jun xtuben chike. Roma yin yenwajo' rije', y roma ri' yin kan xkenyuqej chuchi' ri raqen taq ya'.

Apocalipsis 7:17

Roma kan ja ri Karne'l ri k'o-apo chunaqaj ri akuchi tz'uyul-wi ri Dios, jari' ri xtiyuq'un kichin achi'el yeyuq'ux ri taq karne'l, y kan yeruk'uaj richin nuya' kiya' ri pa taq alaxibel-ya' richin k'aslen. Y ri Dios kan xtuben k'a chike chi man jun chik q'axo'n ni oq'ej xtik'oje' kik'in, xcha'.

San Juan 4:14

Jak'a ri yequmu ri ya' ri ninya' yin, xtuben k'a chike chi man xtichaqi'j ta chik kichi'. Xa kan xtuben chike chi kik'in rije' nalex-wi ri ya' ri', y kan xtichoxin k'a pe richin nuya' k'aslen ri man k'isel ta, xcha'.

Wuj Richin Bix Chire ri Dios 23:2

Chiri' akuchi k'o-wi ri rex taq q'os, chiri' yiruya-wi richin yinuxlan. Chunaqaj k'a kokoj raqen taq ya', chiri' yiruyuq'uj-wi.

Wuj Richin ri Rutikeribel 24:13

Wakami, rokik re ink'o chuchi' re pozo re', ri xtani' richin re tinamit re' xkepe k'a chi relesaxik kiya'.

Wuj Richin ri Rutikeribel 24:11

Y toq xapon chiri', xeruxukuba' k'a ri camello chuchi' ri tinamit chunaqaj jun pozo y xqaq'ij yan k'a qa, y jari' toq ri xtani' ye'eran ya'.

Wuj Richin ri Rutikeribel 24:10

Y ri samajel xeberuk'ama' k'a pe e lajuj camello y xerucha' k'a el ri sipanik ri más e jebel chukojol ri rubeyomel ri Abraham; y xyakatej na wi el y xbe k'a pa rutinamit kan ri Nacor ri k'o pa ruwach'ulew Mesopotamia.

Wuj Richin ri Rutikeribel 29:3

Chiri' nikimol-wi-ki' konojel tzobaj karne'l y toq xkimol yan ki', konojel ri yuq'unela' nikelesaj-el ri rutz'apebal-ruwi' y toq ye'uk'ya-el nitz'apex chik kan jun bey ruwi' ri pozo.

Wuj Kichin ri To'onela' 5:11

Titzijoj k'a chuchi' ri qumbel taq ya' tibixaj k'a ri rubanobal ri Jehová, tibixaj rik'in jalajoj ruwech q'ojom, titzijoj ri ch'akonik richin ri tinamit Israel.